ان شاء الله مانيش غالطة مع جدي

[مشكلتي]

السلام عليكم قبل مانحكي على البروبلام راح نعطيكم نبذة صغيرة على حياتي
عمري 24 سنة ندرس في الجامعة والحمد لله ملي كنت صغيرة نعاني من مشكل الا مبالاة او التفرقة عندما نسمع كلمة من عند واحد من والدي نتفكر صغري كانت ولازالت التفرقة واضحة خصوصا من عند الوالدة ماراح نحكي واش كان يصرا لاني ماحكيت لحتى واحد وغي نتفكر يطيحلي المورال واش كامل صرا الحمد لله ربي عوضولي في محبة جداتي الي هي امي وابي في نفس الوقت وكي كنا صغار صرا مشكل مع جدي مي مانيش عاقلة شحال من عام المهم من بعد رجعت العلاقة خير ملي كانت والحمد لله وانا في العيد ولا وين مانروح عند جدي هو مايعرفنيش من البروبلام الي صراو كنا مانروحولوش مي عادي مهما يكون يبقى جدي مي بروبلام في زوجة جدي كي ندخل انا والعائلة تحكي نورمال مع عايلتي مي انا ماتقيمنيش كامل والله ماعندي بروبلام مع واحد والحمد لله مي كي نشوفهم يعاملو فيا هاك مانقدرش نفسي عزيزة عليا بزاف ماهيش غي زوجة جدي كاين حود اخرين والله والله شاهد اني ماغلطت في حتى واحد وجدي الان مريض بزاف وانا مارحتش شفتو اولا لانو هو كي نقعد قدامو ويقولولو على اسمي مايعرفنيش واهم شيء من زوجته الي ماتعبرنيش وانا مانقدرش بزاف غير الماشكل لاني عايشتهم غير ربي الي عالم بيهم جدي نبغيه ومعزتو كبيرة في قلبي مي مانقدرش نشوفو في هاذ الحالة وراح نكون مضطرة نحكي مع زوجتو الي ماتعبرنيش والله الحوايج الي شفتهم في صغري تبدلت نضرتي لهاذ الدنيا ومن بزاف عباد ربي عالم بنيتي وان شاء الله مانيش غالطة الحمد لله عارفة معنى صلة الرحم مي ربي عالم بحالتي كي تولي من هاذ المعاملة ماراح ندعي على حتى واحد والدي يقعدو والدي والحمد لله على كل شيء