شهر رمضان المبارك و دفعة ماي 2015

[ma-vie]

السلام عليكم خاوتي ... علبالي بلي اغلب الجماعة لي استدعاوهم لدفعة ماي هادي رح يدخلو فالاشكال هادا .. وش رح يصرالي فالسطاج مع شهر رمضان مبارك ؟ رح يتعبونا بزاف مع الصيام ؟ ننصح خاوتي انو كل واحد يصلي صلاة الاستخارة باه يرتاح قلبو وبالو ولي فيها الخير ربي يقربها ... وعمركم ولا ديرو فبالكم الصيام عقاب ... بالعكس ره رحمة من عند ربي سبحانو ... انا بإذن لله رح نروح يوم 20 ماي لصحة العسكرية لبلعباس و ربي يجيب الخير ان شاءلله . سلام خاوتي

[Okba Catalonia]

كلامك صحيح .... أنا 17 ماي ان شاء الله تامنفوست و مخليها على ربي

[ma-vie]

ربي يجيب الخير ان شاءلله

[toutou1235]

مانضنش بلي راح يتعبوكم بزاف وربي معاكم خاوتي

[bmskikda]

20 a tamanfoust

[azzoun abdelouahab]

temnfoust le 17/05/2015

[abdou 87]

ربي يسهلنا ان شاء لله كل واحد يدير في بالو بلي مكتوب ربي و كل حاجة تجوز في هاد الدنيا صح تبانلك واعرة مع الاول امبعد توالف مهما كانت الظروف وكلش يجوز لازم الصبر و التوكل على ربي سبحانه

[ABDOUW90]

نتلاقاو في مدرسة الصحة العسكرية نتكلو على ربي سبحانو و اللي فيها خير ربي يديرها و أنا من بوفاريك

[ma-vie]

المشاركة الأصلية كتبت بواسطة abdouw90

نتلاقاو في مدرسة الصحة العسكرية نتكلو على ربي سبحانو و اللي فيها خير ربي يديرها و أنا من بوفاريك

ممكن تبعثلي رقمك او ال***** نتعارفو او فيس بوك خويا عبدو بوفاريك

[box1986]

كل شيء يفوت

وماذا عن دفعات ماضية حكمهم ركوب أول ايام شهر رمضان ؟

[ABDOUW90]

نعم خويا فايسبوك تاعي abdeslem ouargui أنا طبيب بيطري

[cheikoooo]

هو رمضان واحد في العام تجوزو في الثكنة مهما كان
بالنسبة للتعب فحتى المسؤول عليك في التدريب راه يتعب و يحب يسكيفي ...
اتكل علي ربي و اطلع ما ضيعش الوقت و كل شي يفوت

[Ravmon]

أخي الكريم أنا تاني راح نروح 20 ماي لثكنة عبادلة ببشار و الله اسهل على جميع اخوان ان شاء الله

[ma-vie]

ربي يسهل للجميع ان شاءلله

[هارون الزقم]

السلام عليكم

أخواني ربي يجازيكم حبيت نسقسيكم كشما تعرفو ناس بعثولهم للمدرسة العليا للاشارة بالقليعة ؟؟؟

راني متزوج وعندي وليد ومنفصل عن العائلة


وحاب نعرف باش يطلعو الغاشي بزاف للقليعة ولا لا باش نعرف نسبة احتمال وجود فائض باش نشوف روحي نطلع ولا وقتاش نطلع ؟؟؟


ساعدوني ربي يجازيكم