كثر الخرطي و انعدم المفيد

[homer0]

كما يدل العنوان .أقصد بالخرطي "طرق البيتكوين و ساتوشي ..."

واحد يقول 0.001 بيتكوين في يوم و مايحشمش كي يهدرها 1 بيتكوين =240 دولار 0.001 بتكوين =0.2 دولار
تخلي الحاسوب شاعل على جال 20 دينار في نهار (راك قريب زيدلهم شويا و روح خلص سونالغاز)

واحد يقول أخيرا لا للنصب 100 ألف ساتوشي في اليوم (حاجة باينة النصب ما عندو ما يدير بيك راك تنصب روحك بروحك ) للايضاح 100 ألف ساتوشي = 0.23 دولار (ما يجيبوش على الأقل شكارة حليب)

واحد يقول اربح من خلال فايسبوك تدير 1000 لايك على 1000 صفحة باش تدي 1 دولار و يولي عندك أخبار بدون فائدة تاع 1000 صفحة (مع زيد 3g تاع بلادي لا تنتهي تولي تاكتيفي 500دج يروحو في ربع ساعة و أنت تشوف في الخرطي لي ربحت بيه 1 دولار )

واحد مازال لاسق ف ptc رغم كل الخفاقات و المواقع المخادعة مازال يأمن ب ptc المختار الذي يأتي و ينقذه من الغرقة

طرق الربح الجيدة باينة الماركتينغ (cpa offers - clickbank) ( و ماتقوليش كليك بانك ما يقبلش الجزائر تقدر تسجل باي دولة و تربط الحساب مع بايونير و cpa أخطيك من cpagrip cpalead موقع peerfly أحسن و ذو مصداقية

كاين الفوركس (و الفوركس ماشي حرام غير اذا خليت صفقة مفتوحة بع 12 ليلا فيتم احتساب الفوائد الربوية)
و الفوركس مفيد و تقدر ليوم تبدا ب 100 دولار و على 3-5 سنين تكون ادخل أكثر من 50 مليون في الشهر (لكن الفوركس ليس بالبساطة التي يتخيلها الكل فيجب تعلم المبادئ و الطرق وادارة المخاطر لأشهر قبل ان تصبح متداول ناجح) و لي حب يسيي الفوركس أخطيك من etoro فهو من المواقع ذات المكانة الضعيفة . كاين alpari و fxpro ...

و من فضلكم لي عندو طريقة مليحة يذكرها ولي حاب يجيب الريفيرال برك يقول في الموضوع تاعو بلي الهدف اختبار الموقع . ماشي موقع فتح لبارح يجي يقولي ذو مصداقية و مدمر المواقع و بلا ...بلا...بلا ...