شكرا حبيباتي على اهتمامكم و كيما وعتكم نحطلكم الوصفة و جربوها رح تستغناو على لطارط الجاهزين اما التزيين حسب ذوقكن
مقادير الجينواز=
4عضمات
كاس سكر
كاس فرينة معمر
نصف ملعقة قهوة خميرة الحلويات
2 ملاعق كاكاوو
مقادير الكريمة=
نصف كاس عسل
1 زبدة فلوغيال(250غ)
كريم شانتي(حسب الختيار تحبي دريها و لا مدريهاش الكريمة هذي تكفي)
1 نسكافي ولي معندهاش طيب قهوة خاثرة وتحط 2 ملاعق قهوة منها في الخليط لكن انتبهوا متكونش سخونة
طريقة التحضير=
في اناء اخلطي الفرينة و الكاكاوو و الخميرة
في اناء اخر اضربي لعضام جيدا جيدا حتي تولي لونها ابيض ثم اضيفي السكرو اضربي جيدا
و اخيرا اضيفي خليط الفرينة بالملعقة مع الخلط بشكل دائري من الفوق الى الاسفل باه ميروحش الهواء لي داخلها
بعد ماتكوني سخنتي الفرن نضعها في القالب و الى الطهو كي دخلي السكين فيها وتلقايه خرجلك ناشف يعني راهي طابت ونحيها
نروحوا للكريمة= تضربي العضام جيدا اضيفي العسل و هو سخن راكم فهميني سخون و نبقوا نخلط حتي يبرد الخليط
خليه يبرد ثم اضيفي الزبدة و القهوة واخلطي حتى تتحصلي على كريمة
ملاحظة لي تحبها تجاها شوكولا تزيدلها الكاكاوو وهي تخلي في الزبدة
الان نجوا للمرحلو الاخيرة=نقطعوا الجنواز دوائر ام حسب الشكل لي عملتيه 3 طبقات اذا كان عندك شربات نرش كل طبقة من الجينواز بها باه كي تاكليها متجيكش شايحة و بين كل طبقة و طبقة تدهيها بالكريمة
اما الكريم شانتي وعلاه قلتلكم اختيارية لانوا الكريمة لي درتوا بين الطبقات تقدروا تدهنوا بيها الطارط
اما اذا حبيتوا طريقتي انا نخلط الكريم شانتي و نذوب باطة شوكولاطة و نغلف بيها الوجة تع لطارط و يبقي التزيين من اختياركم
نشاله نكون شرحتلكم بما فيه الكفاية و اي استفسار اختكم هنا
كي تقراو تلقو الخطات بزاف لكن كي تجربوا اسهل ما يكون و تتهناو من لطارط تع البرة لغلا وما يجوكش كيما حبتهم
( تقرير عن مشاركة سيئة )، و الموجودة أسفل كل مشاركة .
2013-02-16, 17:19
طارط جينواز بالشوكولاطة لمحبي الشوكولاطة
وصفة طارط الجينواز لاخواتي
العرض العادي
