مشكلتي التدخين

[مشكلتي]

شاب في 32 من العمر ...متدين وموظف ميسور الحال والحمد لله...هل بامكاني ان اقلع عن هذا السم القاتل علما اني مدخن بمعدل علبة يوميا واحيانا علبة ونصف ...صدقوني اصبحت اتحصر على نفسي واحيانا لدرجة البكاء على حالي لانه اصبح هاجس كبير لدي التوقف عنه ...هل من تجارب او نصائح او دعوة في ظهر الغيب تكفي.

[سفير الأيام]

والله خويا غير كيف كيف انا كرهت نفسي وديما نحاول ونفشل

حاولت المرة اللي جازت ودام الامر 6 اشهر واللي يشوفني يقول تبارك الله حسيت روحي شخص اخر ناكل مليح ونرقد غاية

بصح نهار 6 اشهر كملت دخل مشكل لحياتي ضغط ركبني ووليت كثير التخمام رجعت ليه

راني نكمي وكاره نفسي


بصح خويا غير الارادة كي تصبر 3 ايام غادي تنضر بزاف بصح توالف وان شاء الله معمد ما نطولش ندخن ونوقفه قبل الصيف

[كلنا راحلون]

كنت نقول مستحيل نودع دخان وزطلة و ارادة ارادة و ارادة ودعاوي ناس و ماتنسى دواء tabastop عند صيدلي ودارت ايام عادي توقفت بلرغم اني زعفت ليوم بزاف وفكرت في راك عارف و ترددت مستحيل شيطان يلعب بصحتي

[عبدالقادر100]

توفيق من الله ثم الارادة

["راجية الجنة"]

سلام عليكم

الارادة هي كل شيء
و توكل على الله
وقول بلي راح تتركوا لوجه الله
و راح ربي يعوضك و يساعدك

[Ayad3]

الارادة لا شيء غيرها أعرف الكثير توقفوا عن التدخين بعد سنين طويلة من التدخين فقط بالارادة و اعرف الكثير من حاولوا استبدال السيجارة بشيء أخر يلهيهم عنها لكنهم لم ينجحوا وأخرين استبدلوها بالشمة ظنا منهم انها تنسيهم السيجارة فاصبحوا مدمنين عليهما السيجارة و الشمة هههههههه
اذن أخي أنت و ارادتك

[lachiche]

السلام عليكم
أخي إليك تجربتي أنا كنت أدخن منذ أن كنت 13 سنة دخنت حوالي 8 سنوات و في السنوات الأخيرة دورتها شمة و تدخين و زطوول الآن عندي أكثر من عام منذ أن تركته و الحمد لله لا دخان ولا شمة ولا زطلة ولا قهوة
أخي إعلم انك في الطريق الصواب لانك كرهته و لا تستطيع التخلي عنه لكن يجب أن تضع هدف بين عينيك أي هدف تحلم به ويكون التدخين عائق لهدفك
مثلا تريد جسم جميل و وجه نظيف و و و و
ثانيا الرياضة في الصباح و المساء أي كل ما تريد تدخين سجارة إذهب لتجري صدقني عند ممارسة الرياضة تزول رغبتك بالتدخين
أترك جميع أصدقائك المدخنين للأبد
إذا صبرت يومين فقط فإن رغبتك للتدخين تزول بنسبة 50 بالمئة يعني أن جنون التدخين يزورك ثلاثة أو أربع مرات في اليوم تجاهله سيزول في لحظات
بعد أسبوع ترغب في التدخين لمرة أو مرتين في اليوم ثم تبدأ بنسيانه مع مرور الوقت
ستلاحظ أنك أصبحت تأكل بشراهة و تصبح "رجل " يصبح وجهك نظيف و تتحسن حاسة الذوق لديك و يزيد وزنك بسرعة حوالي 8 لكغ في الشهر الأول
تصبح أقوى و مع مرور الوقت ستنساه نهائيا
تذكرأنه حرام و مفسد للمال و فمك يكون نتن حاشاك خويا و إياك أن تقوم بالتقليل منه بالتدريح إقتلع عنه نهائيا و ربي يوفقك

[m_sport]

يا اخي انت ما دمت تريد ان تقلع عن التدخين فانت تستطيع بالصبر فقط

[لينة نور]

المشاركة الأصلية كتبت بواسطة مشكلتي

شاب في 32 من العمر ...متدين وموظف ميسور الحال والحمد لله...هل بامكاني ان اقلع عن هذا السم القاتل علما اني مدخن بمعدل علبة يوميا واحيانا علبة ونصف ...صدقوني اصبحت اتحصر على نفسي واحيانا لدرجة البكاء على حالي لانه اصبح هاجس كبير لدي التوقف عنه ...هل من تجارب او نصائح او دعوة في ظهر الغيب تكفي.

السلام عليكم



ابكي أخي ابكي نصيبك ونصيبنا ...

ما ذنبنا نحن نمرض بسببكم وأطفالنا وأهلنا في كل مكان ......ما ذنبنا نحن لما تساهمون في تقوية المافيا العلامية للتبغ بمساهماتكم في الشراء

ما ذنبنا نحن نتألم للأطفال المعوقون الذين تنجبونهم من أصلابكم .....

شفاك الله أخي وأعانك وغيرك على التوقف فورا عن تعاطي هذه السموم .

[أم أمة الله الجزائرية]

السلام عليكم ورحمة الله وبركاته

وفقكم الله تعالى لترك هذه السموم فهي تسبب أمراضا خطيرة نسأل الله العافية

أما عن البديل فاستعملوا السواك (عود الأراك ) فهي سنة نبينا محمد صلوات الله وسلامه عليه

كما قال : "مرضاة للرب،ومطهرة للفم"

ويوجد السيجارة الالكترونية ربما من جربها قد يفيدك

ولا أرى أحسن من السواااااااك


وفقكم الله جميعا

[Ayad3]

المشاركة الأصلية كتبت بواسطة أم أمة الله الجزائرية

السلام عليكم ورحمة الله وبركاته

وفقكم الله تعالى لترك هذه السموم فهي تسبب أمراضا خطيرة نسأل الله العافية

أما عن البديل فاستعملوا السواك (عود الأراك ) فهي سنة نبينا محمد صلوات الله وسلامه عليه

كما قال : "مرضاة للرب،ومطهرة للفم"

ويوجد السيجارة الالكترونية ربما من جربها قد يفيدك

ولا أرى أحسن من السواااااااك


وفقكم الله جميعا

السلام عليكم
لا ألأخت السيجارة الالكترونية ليست حلا أبدا سيبقى الشخص دائما مدمن على مسك سيجارة في يده لو تفقد في الأسواق سيعود المدمن الى السيجارة الحقيقية فهذه السيجارة الألكترونية ما هي لا ترويج تجاري واشهار سيربح منه من يستوردها
ارادة الشخص هي الحل و ادراكه واقتناعه بأن التدخين هو انتحار بطيء فقط

[ايمان نور الجزائر]

الارادة وحدها فقط لا غير
انا والدي حفظه الله تكيف قع دخان الدزاير مالغري الحمد لله ماكانش مشاكل كبيرة تخليه يدخن
ولكن بداه صغير ويقلع عنو مرات ويرجع ليه حتى يما كرهت منو وما ولاتش تقولو
لكن انا جبتها موراه صباح عشية بكل الوسائل يشريه نرميه نلقاه يتكيف نشنف معاه هكااا حتى واحد نهار
وديما نخوف فيه من الامراض
توفى صديقو بسبب سرطان الرئة وخلى اولادو متحسرين عليه وهنا السبة هاذي عاونتني كثر ودار الكوراج والحمد لله راه في 5 سنوات
وما رجعش ليه مالغري دارلو مرض الحمد لله ماشي خطير لكن لحد اليوم لا يوقف العلاج ربي يطول في عمرو
وانت يا خويا نقولهالك تجيبها غير في صحتك وكل مازاد الوقت راك تريسكي بصحتك النفسية والجسدية
وعلى هذا نقولك لازم ما تخممش في روحك برك خمم في عايلتك واذا متزوج او ناوي تتزوج غير خاف على زوجنك واولادك
ما تعذبهمش معاك وما تخليهمش يخافو عليك
قسما لو بيدي ما نخلي حتى باطة دخان في البلاد هاذي

[زبدة ذايبة]

شوف يا أخي

الصحابة في عهد الرسول صلى الله عليه وسلم

كانوا سكارجيا من الشراب مايحبسوش

العرب وما أدراك مالعرب

كان الخمر مايخطيهمش

وكي نزلت الآية تاع تحريم الخمر

يحكو الصحابة رضوان الله عليهم

كان منهم اللي لحق الكاس لعند فمو وكي جاه خبر التحريم رماه من يدو

المدينة نهار تحريم الخمر تحريم قطعي قالو جرات ويدان تاع الخمر فيها

الصحابة استجابو لرب العالمين كي قاللهم حرام.

في هذاك الوقت ماقالوش لازملنا مراكز نتعالجو فيها من الإدمان وماقالوش لازملنا شوية وقت

جا الأمر جا معاه التنفيذ.

انت كيفكيف

خلاص راه هردلك صحتك واش بقا فيك

الشيخوخة المبكرة. والمرض معاها هذي هي حياتك باش تموت بكري؟؟؟؟؟؟؟؟؟؟؟؟ ولا تعيش مريض في الفراش ؟؟؟؟؟؟؟؟؟؟؟؟؟؟؟؟؟؟؟؟


يعني كاين عااااااااااااااااااااااااااااااااااااقل يقتل روحو بدخان سام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماكاش منها

انت ماوقفتش مع روحك وقفة تاع راجل

تحبس شوية وفي نيتك تولي تقول لوكان كاشما يصرالي نعاود نرجع للدخان زعم هو الحل !!!!!!!!!!!!!!!!!!!!!!!

الحل بين يديك احزم مع نفسك ماتخليش شهواتك تديك للسبيطار ولا تديك للنار وفي زوج مافيهمش الربح

نهار مايبداو يحلو فيك بالموس على جال دخان سام تكيفتو تعرف قيمة الشي اللي راك فيه الآن

رافع يديك لرب العالمين واطلبوا يسهلك هذا الأمر واستعين بيه

وبين حاجتك ليه وارمي حمولك عليه

وكثر من الاستغفار

[بلمهل77]

السلام عليكم تريد نصيحة؟ خذها : ( لماذا تريد التوقف عن التدخين؟ لأجل الصحة؟ لأجل المال ؟ لأجل أن خليلتك طلبت منك ذلك؟ لأجل......و .... و.......سترجع إليه بمجرد ذهاب الأسباب.
لن تجد سهولة في ترك التدخين إلا إن تركته لله.لأنه ببساطة حرام .قال ابن القيم: العادات يجد مشقة في تركها من تركها لغير الله أما من تركها لله فإنه لا يجد مشقة إلا في أول أمره ليمتحن أصادق هو في تركها أم كاذب فإن ثبت صارت له لذة.
ولأنها مجاهرة بالمعصية وقال عليه السلام: ( كل أمتي معافى إلا المجاهرون) فلا تجاهر بمعصيتك واحزم واعزم أمرك أعانك الله والعلم عند الله.

[أمينة بوعوينة]

ربّي يعينكك يا أخي

تقدر نورمال خلآص أصبر شوي

أنا خويــآ بطلوآ والحمد لله

الدخان راو يقتل النــآس

الله يوفقككك ن شا الله