تشيز كيك بموس الليمون

[لينا11]

تشيز كيك موس الليمون

بنات اسفة كنت صورت جميع خطوات بصح لاكارت ميمور تاعي بلوكات ماحبتش تخرجلي تصاور
مزية صور الاخيرة بدلت لاكارت سينو حتى هوما بح

صور هذو قدم درت ديجا موضوع موس ليمون هزيت منهم صور باش تفهمو
بالنسبة للقاعدة ديري
250غ بيسكوي مرحي مع 100غ زبدة ذايبة
خلطيهم مليح وحطيهم في مول الي يتحل
خليه فالثلاجة يبرد ويحكم روحو مابين توجدي الموس تاعك

بالنسبة للموس المقادير كالتالي:
50غ مايزينة+100غ سكر +مغرف كبيرة قشور ليمون+12سل عصير ليمون+35سل ماء نحطوهم في كاسونة فوق نار هادئة حتى نتحصلو على كريمة (01)
نغطوها بفيلم غدائي ونحطوها فالثلاجة حتى نكملو الباقي
نطلعو 03بياض بيض+20غ سكر حتى نحصلو عليهم كالثلج
نحطوه فالثلاجة (02)
خلطي 1/2 علبة كريم فراش حتى تولي كريمة حطيها تبرد (03)
كي تبرد الكريمة(03) خلطي معها الكريمة (01)وزيدي عليها 02علب بتي سويس والبياض الي طلعتيه مسبقا
حطيه فوق البسكوي تاعك ودخليه للثلاجة يبرد ويحكم روحو مليح


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
الان الطبقة الثالثة
درت عصير ليمون وزدتلو سكر مع قليل من الماء مع نشاء خلطتهم بارد في بارد (يمكنك تذوقه لتحديد الحموضة انا حبيتو حامض حامض مممممم على بالي دارلكم كامل ماء في فمكم خخخخ)
ديريه على نارد هادئة قعدي تخلطي فيه حتى يولي كريمة وبخفة وسرعة صبيه فوق الموس وخليه فالثلاجة من 04ساعات فمافوق
انا نديرو فالليل وصباح نلقاه واجد للاستهلاك البشري خخخخخ
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.