حلوى بالبسكوي الجاهز

[اميرة باخلاقي 00]

المقادير
500غ مارغرين
6بيضات
5م ك عسل
4 علب بيسكويي (مطحون )اي نوع
4م ك كاكاو (انا مدرتش حبيتو يخرجلي باج)
4 خميرة
+افاني
الفرينة
الكريمة=لي غادين نلصقو بيها الحبات
3 كيسان حليب فايض وبارد
4 م ك مايزينة
قرصة ملح+ملون اصفر
2 م ك مارغرين +2 كيسان سكر ناعم +افاني +شوية عصير الليمون لتعطير ولذوق الحامض
التحضير
تخلط المارغرين ثم البيض ثم العسل …بيسكوي المطحون ووكل المكونات نخلطها ونجمعها بالفرينة
تتحصلي على عجينة طرية ابسيطيها وحليها حسب الشكل الي بغيتيه انا درت شكل القلب وهكذا طيبي العجينة وبعدما تكملي خليها تبرد
من جهة راه نوجد الكريمة =ناخذ كسرونة وندير فيها الحليب والمايزينة والملح والملون والافاني ونخلط ثم توضع الكسرونة فوق نار هادئة وتحرك دون توقف حتى تخثار ماشي جارية وماشي عاقدة بزاف نحيدها من النار وخليها تبرد شوية ومن بعد نضيفولها المارغرين والسكر الناعم والافاني والعصير وتخلط الباتور حتى تولي رطبة
وخليها تبرد وكي تشوفيها بردت لصقي حبات لي سشكلتي (انا لصقتها في الليل وغد الصباح )درتليها الشكولاطة باش ماتالسقش على بعضها ولكي الحرية في التزيين