تارت الشوكوﻻ من مطبخي و حصريا لكن ^_^

[ام نور الهدى 2014]

السﻻم عليكم
اليوم جبت وصفة لتارت الشوكوﻻ تشهي و بنينة بزاااف لعشاق الشوكوﻻ راح يدمنونها و خاصة انو ااصيف جاي وةرمضان على الابواب :mh31
تصلح مع القهوة و مع العصير البتااارد
التارت عبارةةعن عجينة مسكرة pâte sucrée و كريمة شوكوﻻ
المقادير:
بالنسبة للعجينة:
125غ زبدة
3 م ك سكر رطب
1بيض و 2 صفار
ملعقة كبيرة لفاني
رشةملح
رشة خمارة
200غ فرينة
50غ نشاء
الطريقة موضحة بالصور اوﻻ تخلطي الزبدة و السكر مليح بالباتور و تضيفي البيض و الملح و لفاني و الخمارة
مع الاخير ديري الفرينة و النشاء تلميها من غير ما تعجنيها و تخليها ترتاح اقل شيء 10 دقايق في الثﻻجة

بعجها نحلو العجينة تاعنا رقيقة و نحطوها فالمول و نخلوها تطيب على 180° مدة 10 دقائق فقط
و نعطيم استوس باش جوانب قالب التارت يخرجو واضحين و شابين كي تحطي العجينة فالمول جيبي ملعقة خشبية تكون يدها اسطوانية رقيقة او كيما انا استعملت بروشات تاع شوا يدها حطب
و نضغط جيدا على الحواف كما في الصورة و نزيدو ورق الخبز و نثقلوه مليح حتى للجوانب باش الشكل يجي مسلس انا استعملت لوبيا

بالنسبة للكريمة:
300ملل كريمة سائلة خفيفة او متوسطة انا استعملت ظهير تاع القارورة
150غ شوكوﻻ سوداء
150غ شوكوﻻ بالحليب
2 بيض
2 م ك سكر رطب
الطريقة:
نسخن الكريمة عندما تسخن بﻻ ما تغلي هههه نضيفو نوعي الشوكوﻻ و نحركو حتى تدوب تماما نحوها من على النار و نحركو جيداً ثم وضيفو البيض و نخلطو جيدا

بعدها نصبو الخليط فوق التارت تاعنا لي طابت 10 دقايق و نقصو للفرن الى 140° و نخلو التارت تاعنا تطيب من 20 الى 25 دقيقة

بعد ما تطيب راح تمسك روحها نخلوها تبرد ثم نرشوها بالكاكاو

تقسم و تقدم بالف صحة و هنا



تم بعون الله
دعوة خير لي و لي اهلي تكفيني
دمتم في رعاية الله و حفظه
تحياتي ^_^