الخلطة السحرية مادلينن،موسكوتشو وجينواز اتفضــــــــــــــلوا

[soltanabelkiis]

السلام عليكم ورحمة الله وبركاته
بسم الله الرحمان الرحيم

الخلطـة السحـرية للمادليـن، جينـواز و موسكـوتشـو

إلى كل محبي الطبخ والحلويات السريعة خاصة ، لأقدم لكم هذه الوصفة الناجحة من مطبخي

المقـادير:
ـ 4 بيض (نفصل البياض عن الصفار).
ـ كاس حليب (ماشي مملوء كامل).
ـ كاس زيت(مملوء).
ـ كاس سكر.
ـ 3 كيسان فرينة (ممكن نزيدو المهم كي تشوفو لعجينة تقالت شوية على تع الموسكوتشو حبسو).
2ـ خميرة نوارة.
ـ بشور قارص أو برتقال(ممكن الإثنين مع بعض حيمدلها طعم منعش أكثر).
شوية فانيليا(اختياري).
قرصة ملح.

الطريقة:بالباتور
* بياض البيض+قرصة ملح = نتحصل على رغوة ثلجية كثيفة وهنا يكمن السر (1).

* باقي المقادير (زيت+صفار البيض+حليب+سكر+فانيليا+بشور القارص+ الخميرة والفرينة و الباتور دائما = عجينة مثل تع الموسكوتشو شوية ثقيلة عليها، وخليط بفقاعات، السر رقم (2).

نخلط وبرفق (السر رقم 3) الخليط الأول والثاني راح تلاحظو فورا لأن العجينة راهي خفيفة في يدكم وكأنها على سحــاب.

خلاصو الأسرار

نشعل الفرن، ونحضر ليمول خاصين بليمادلان، ومعاهم ليكيسات ديالهم ونبدا نعمر ندير في كل وحدة 2 ملاعق ونصف (أي ثلث ليكيسات).

إلــــــــــــــــــــى الفرن، ولكن بالكـو تحلو عليهم، لأنو حضيعوا كامل واش درنا وكامل الأسرار تروح هباءا.

هذه النتيجة شوفوها

واللي تحب كونتيتي كيما أنا تضاعف الكمية وتحترم الأسرار.

أما بالنسبة للتزيين فكيما تحبي.

*حبيباتي نسيت نقلكم بنفس الخلطة تقدرو ديرو جينواز وموسكوتشو راني جربتهم المرة الجاية إن شاء الله نحطلكم الصور*

نتمنى تعجبكم الحلوى وتجربوها
ولا تنسوني من صالح دعائكن

في امـان اللـه