مسمن محشي بالخضر والدجاج والجبن من مطبخييييييييي

[عطرالذهب]

حبيباتي عندي مدة ماحطيتش موضوع واليوم عملت وصفة اخذتها من النت وكي عجبتني قلت نحطهالكم بالتفصيل من مطبخييييييي
المقادير للعجينة 2كيسان سميد +2كيسان فرينة +كيس خميرة الحلوى +ملعقة صغيرة ملح

وتبلي بالماء الدافيء وتعجني عادي كيما تعجني لمسمن وتقرصيهم كريات كل 4 كريات صغار معاهم 2 كريات اكبر شوي

وغطيهم وخليهم يرتاحو
تكوني موجدة الصلصة المتكونة من 2 حبات بصل +2فلفل حلو او حار وحلو +حبة جزر +حبة طماطم +سنينات ثوم

تقطعي الخضر مكعبات صغيرة وتبرشي الجزر

وتطيبيهم في مقلاة مع شوي زيت مثل الشكشوكة العادية

تضيفيلهم ملعقة صغيرة طماطم مصبرة وملح وفلفل اسود وتمرقي بفنجان ماء وتخليهم يغلو لحين الحصول على صلصة

تطفي عليها وتضيفيلها الزيتون مغلي ومقطع شرائح

من جهة اخرى تطيبي صدر دجاج في مرق ابيض انا استغليت الموقف وطيبتو شوربة خضر ومن بعد نحيت الدجاج وفتتو للمسمنات

وخليت طريف رحيتو في الشوربة
تحضري ايضا جبن مثلثات

تحطي الطاجين يسخن ومن الافضل تحطي طاجين الطين وفوقو طاجين لحديد باش لمسمن ما يتزربش في الطياب وما يتحرقش

تحلي قرصة من الصغار وتحطي فيها قليل من الحشو وتغلقيها على شكل مستطيل وتطيبيها





ثم تحلي كورة اخرى صغيرة وتحطي في وسطها الحبة الطايبة

وتزيدي فوقها الحشو

وتغلقيها وتطيبيها


ثم تعاودي العملية مع الكرة الثالثة والرابعة
شوفيها كيفاش كل مرة تكبر

ثم تحلي كورة من لكبار وتحطي في وسطها كمية من الدجاج والجبن


وتحطي فوقهم حبة المسمن وتحطي فوقها الدجاج والجبن وتغلقيها وتطيبيها




ثم تحلي الكرة الاخيرة وتحطي في وسطها الحبة تاع لمسمن المحشية

وتغلقي عليها وتطيبيها

وطيبي الحواف ايضا


قطعيها بموس حاد واستمتعي باشهى مسمن محشي




الكمية هذه جابتلي 3 مسمنات محشية كبيرة
قدمتها مع شوربة الخضار

نتمنى تجربوها لانها فعلا شهية وزيد زاكية وتشبع
تحياتي عطووووووووورة