ممكن مساعدتي

مشكلتي · 2015-04-14, 19:39

سلام عليكم

انا فتاة مديتش لباك حبست لقراية وباغية ندير كش مشروع نخدم بيه + ندور الوقت كيعاد والله تعبت مورالمون وباغية نشغل روحي

عندي مبلغ في حوالي 100 مليون باغية نحل كش حاجة تخدم عليا

هل ممكن تعطولي فكرة مليحة مع العلم انو عندي قاراج في شارع فيه لحركة وش تنصحوني ؟ وبارك الله فيكم

لحن الحياة. · 2015-04-14, 21:02

ديري كوسميتيك ...............

hadjer17000 · 2015-04-14, 21:09

ما عنديش فكرة الله يسهلك

*سيرين نور عيني * · 2015-04-14, 21:14

جيبي وحدة تخدم الحلوى و اشري فور كبير و طابلة كبيرة و دوزان و ديري فيترينة تحطي فيها الحلوة و الله يسهللك ا شاء الله

magister · 2015-04-14, 21:15

السلام عليكم
يا اختي انتي بصدد انجاز مشروع والفكرة ما هيش سهلة او مجرد اقتراحات ......انتي شوفي مهاراتك والمجال الي تقدري تكوني فيه ناجحة ومرتاحة وقادرة تكملي فيه ................. ثم ادا اردت النجاح بالمشروع ما تقلديش ناس تانية وتفتحي محل يشابه لعملهم ....اردسي الموضوع وكدلك المحيط الي راكي رايحة تفتحي فيه وشوفي واش ينقص او واش لازم يكون فيه [متطلبات محتاجها محيطك وهي بمقدروك]
ربي يوفقك

NIGHTINGALE · 2015-04-15, 08:30

الشارع الذي يقع فيه المحل هو الذي يحدد طبيعة التجارة
وذلك بالنظر إلى فئة المارة الذين يرتادون الشارع وحاجاتهم
ثم بعد ذلك عليك دراسة الجانب التنافسي للشارع
يعني هل يمكنك كسب زبائن في المجال الذي اخترته أم أن هناك صعوبة في ذلك
سواءا لكثرة المتعاملين الذين يعرضون خدماتهم وبضاعاتهم أو لصعوبة كسب الزبون في حد ذاته
من جهة أخرى عليك الأخذ بعين الاعتبار مقدرتك على تسيير التجارة أو حاجتك إلى مساعدين
لا يخفى عليك أن التجارة تتطلب الكثير من الوقت والفطنة والتنقلات والعلاقات وكل ذلك يحتاج إلى مساعدين أو شركاء
بخصوص المال الذي لديك وما يمكن استثماره فيه أنصحك باستشارة محاسب له خبرة أو شخص لديه محل و يدير تجارة حتى تأخذي احتياطات الربح والخسارة
وآخر ما يمكن قوله هو أن مجالات التجارة فيها ما يفضي للحلال وفيها ما يفضي للحرام
لذلك اختاري مجالا ترضين به الله جل وعلا

ايه الرحمان · 2015-04-15, 10:28

اقترح ان تتربصي بالتكوين وتتحصلي على شهادة في الحلويات مثلا ثم تجهزي المحب تاعك يعني تدرسي وفس نفس الوقت توجدي . المهم المحل لازم يكون انيق ونظيف وزيدي جيبي صحاباتك لي يقراو معاك شغليهم وهكا بشوية تكبري لمحل تاعك ديري في الكيك لي تارت و مام لي دوموند تاع العراس .وزيدي من عندك وتقدري ديري اسم مميز للحانوت تاعك ومن بعد تقدري حتى تحلي حوانت خرين غي بلايص خرين وتولي عندك شاريكة .
ديري في بالك بلي هذي هي الخطة لي دارها مؤسس ماكدونلز .
واله المستعان

0ibtissam · 2015-04-15, 11:18

ولا ديري سطج في الحلاقة وفتحي مم فيها بزاف الدهم
او محل لبيع البسة النسائية لزم تكوني تعرفي أسوق لي تبيع بجملة
او محل لبيع لوزم الحلويات ولا بزاف مطلوبين

naamane3 · 2015-04-15, 13:10

اتصدقي بيها عليا واربحي فيا اجر كبير

amoros · 2015-04-15, 14:04

اقتباس:

المشاركة الأصلية كتبت بواسطة مشكلتي

سلام عليكم

انا فتاة مديتش لباك حبست لقراية وباغية ندير كش مشروع نخدم بيه + ندور الوقت كيعاد والله تعبت مورالمون وباغية نشغل روحي

عندي مبلغ في حوالي 100 مليون باغية نحل كش حاجة تخدم عليا

هل ممكن تعطولي فكرة مليحة مع العلم انو عندي قاراج في شارع فيه لحركة وش تنصحوني ؟ وبارك الله فيكم

انصحك ديري حلويات او بيزيريا او البسه نسائيه لكن انصحك ان يكون واقف معك راجل اخ مثلا

ام سوار · 2015-04-15, 23:23

الله يوفقك

tayeb@@@@@ · 2015-04-16, 00:11

شوفي حاجة تبدعي فيه ولك فيها ثقافة واسعة إستثمري فيها وربي يوفق

بنت تاجنانت · 2015-04-16, 01:22

ديري حلاقة نساء فيها دراهم ربي يوفقك ويوفقنا

lachiche · 2015-04-16, 05:27

السلام عليكم
اختي تأكدي ان الرزق من عند الله ثم ديري حاجة لي عندك فيها خبرة او تحبيها
مثلا ديري محل نتاع ملابس لازم تكوني تعرفي لاللبسة و هذا
و لا تنسي التوكل على الله
بالتوفيق