بقلاوة بطعم جد روعة

[مانينة]

بسم الله والصلاة على رسول الله



اليوم جبتلكم بقلاوة بطعم لا يقاوم جربوها ان شاء الله تنجحو فيها.





البقلاوة بطعم جديد روعة
مقادير العجينة:

1. 4كيلات فرينة
2. كيلة زبدة لابل
3. فاني
4. قرصة ملح
5. ماء +ماء الزهر لجمع العجينة

الحشو :

1. 2كيلات كاوكاو محمص خفيف ومرحي متوسط

2. 4 ملاعق اكل سكر

3. فاني

4. عطر الكرامل

5. ماء الزهر

التزيين:

1. عسل
2. لوز
3. وريدات

طريقة التحضير:

تخلط جميع المكونات الفرينة مع الزبدة +الملح +لفاني بسيها مليح واجمعيها بالماء الممزوج مع

الماء الزهر ثم تترك لترتاح .

تحضير الحشو :

نجمع الكاوكاو +السكر +فاني +عطر الكرامل بماء الزهر.

تحضير البقلاوة:

حلي العجينة رقيقة بالحلال ثم استعملي الة التوريق و استعملي النشا في العملية .

لكي الاختيار في عدد الطبقات اما 6 او 7 ضعي الحشو في الوسط ثم اكملي الطبقات الباقية .قطعيها مثلثات وزينيها بوريدات من نفس العجينة بعد تلوينها باللون الاخصر ثم ضعي حبات اللوز .

ملاحظة:

بين كل طبقة واخرى نستعمل السمن ولا نسعمله " السمن" في الطبقة ماقبل الاخيرة.اما الطبقة الاخيرة نسقيها بالسمن .

و توضع في الفرن حتى تنضج وتسقى بالعسل .ثم تترك ليلة كاملة تتشرب العسل "24ساعة " بعدها تقطع وتوضع في الكيسات.

ا

[Fifilondon]

الله يبارك باينة بنينة يعطيك الصحة ان شاء الله نجربها

[fadila34]

يعطيك الصحة خرجتلك 44444444444444

[مانينة]

[فايزة44]

تشهييييييييييييييييييييييييييييي اكيد بطعم الكراميل ذوق مختلف امممممممممم

[fatma1977]

تبان بنينة هذه الكيفية نتاع البقلاوة قسنطينية وسميرة جابوها فى حلويات تقليدية اللى تفوت فى العشية بعد ال5