ياراجل يخص لقضأأأأأأأن

[*سندوسة*]

كانت فكرة الموضوع تجولوا في بالي الا ان عضوا دفعي لكتابتها


المراة تعتبر القضيان عدوها فهو دائما ما يدفعها للمشاكل مع زوجها


والرجل كذلك يعتبر القضيان من منغصات الحياة

ولكن اثناء وقت نتاول الاكل تجده مثل الوحش الكاسر


فكثيرا مانسمع تعالي الاصوات في البيوت الجزائرية ومنها" راه خاص الخبز ......ماتنساش تجيب معاك لبطاطا ......والسكر راه قريب يكمل.......

والفرماج باش ندير لغراتان............................"


فيبدا الزوج في التذمر وكأن هاته الزوجة المسكينة تأكل هذه الاغراض لوحدها او تصدقها على الجيران


هداهم الله

وفي حين هذا الزوج لم يجد الاكل او احد المكونات ناقصة في الاكلة فيقوم الارض ويقعدها ويسمع زوجته قصيدة عذبة الالحان " هاذي ماكلة هاذي ياك راني نجيب كلش......"

وهي ترد عليه"ايا قولي هاذي كلش واش فيها ......"

ارجوا ان تفيدونا بأرائكم في الموضوع

[غزة هاشم]

الله يهدينا ويصبرنا على بعضانا
والله الاسرة الجزائرية لاتحتاج لان تتفرج على المسلسلات لان اليوميات مليئة بالكوميديا والتراجيدية وفي بعض الاحيان افلام رعب واكشن وحرب النجوم
الامر مضحك فعلا

[كلنا راحلون]

السلام عليكم اختي ياسمين وتقبلي ردي بكل روح رياضية

المشاركة الأصلية كتبت بواسطة سندوسة يسمين";3993100971][b][font="arial

كانت فكرة الموضوع تجولوا في بالي الا ان عضوا دفعي لكتابتها ................................


المراة تعتبر القضيان عدوها فهو دائما ما يدفعها للمشاكل مع زوجها...............10/10و ادا مرضت يساعدها


والرجل كذلك يعتبر القضيان من منغصات الحياة .........من الرجال زوجته تقضي ومادا ان شافها ابوه .....يا عيب شوم

ولكن اثناء وقت نتاول الاكل تجده مثل الوحش الكاسر.......نوع اكل


فكثيرا مانسمع تعالي الاصوات في البيوت الجزائرية ومنها" راه خاص الخبز ......ماتنساش تجيب معاك لبطاطا ......والسكر راه قريب يكمل.......2015 تقود سيارة وتشري سكر ملح شيبش و تبتعد عن شيخها.......يا عيب شوم

والفرماج باش ندير لغراتان............................"


.............

فيبدا الزوج في التذمر وكأن هاته الزوجة المسكينة تأكل هذه الاغراض لوحدها او تصدقها على الجيران


هداهم الله .......................امين

وفي حين هذا الزوج لم يجد الاكل او احد المكونات ناقصة في الاكلة فيقوم الارض ويقعدها ويسمع زوجته قصيدة عذبة الالحان " هاذي ماكلة هاذي ياك راني نجيب كلش......"..........غلقها في مطعم مع صديقو ويهني راسو

وهي ترد عليه"ايا قولي هاذي كلش واش فيها ......".........

ارجوا ان تفيدونا بأرائكم في الموضوع
[/font][/b]

و السلام عليكم

[*سندوسة*]

المشاركة الأصلية كتبت بواسطة غزة هاشم

الله يهدينا ويصبرنا على بعضانا
والله الاسرة الجزائرية لاتحتاج لان تتفرج على المسلسلات لان اليوميات مليئة بالكوميديا والتراجيدية وفي بعض الاحيان افلام رعب واكشن وحرب النجوم
الامر مضحك فعلا

اللهم امين اخي

مشكور على المرور الجميل
ربي يجيب لخير

[*سندوسة*]

المشاركة الأصلية كتبت بواسطة aymmen

السلام عليكم اختي ياسمين وتقبلي ردي بكل روح رياضية













و السلام عليكم

وعليكم السلام ورحمة الله وبركاته

بالطبع اتقبل ردك بكل روح رياضية

لكن لا اوافقك في الراي حين الزوج يترك زوجته بدون قضيان وهو يروح يتناول الاكل خارج المنزل سواء ما اصدقائه او صديقاته
والله عيب

مشكوووووووووووووووووور اخي ايمن

[optimism]

السلام عليكم
سبب من الاسباب,,,,,,,,,,, للصراع الابدي بين المراة والرجل ؟؟؟؟؟؟؟؟؟
بارك الله فيك

[*سندوسة*]

المشاركة الأصلية كتبت بواسطة optimism

السلام عليكم
سبب من الاسباب,,,,,,,,,,, للصراع الابدي بين المراة والرجل ؟؟؟؟؟؟؟؟؟
بارك الله فيك

وعليكم السلام ورحمة الله وبركاته
وفيك بارك الرحمن اختي
ايه اكيد ولات البيوت الجزائرية لا تخلو من "التنقريش على المصروف كيما نقولو حنا يعني القضيان "

[j.p.sarter]

هنا تبان شطارة المراة وحكمتها وحسن تصريفها ..كاين الي اجيبلها كل خير والنتيجة ربي اجيب والعكس صحيح....ثاني امر هو عدم انهاكها للرجل بالطلبات مرة واحدة وفي وقت واحد فهنا الراجل حتما راح يرفد العلام ويكره من جدها ...على العموم هاته المسالة تحتاج لترتيب وتنظيم بين الزوجين وحسب الاعتمادات المفتوحة في مشروح ميزانية البيت لتفادي اي عجز يؤثر على الحساب المالي في الاخير.

[optimism]

السلام عليكم
ياحضرة المسير المالي ,,,,,,,,,انسى امر التسيير المالي في البيت ,,,,,,مثلها مثل لاتستطيع اقناع ,,,,,التلاميذ والاخرين ,,,,محدودية ميزانية وعدم تجاوزها؟؟؟؟؟
اصلا المشكل في عدم فهم الاخر ,,,,,,,والعبارات متداولة,,,,,,,,,كما قالت ياسمين فوق
سلام

[*سندوسة*]

المشاركة الأصلية كتبت بواسطة j.p.sarter

هنا تبان شطارة المراة وحكمتها وحسن تصريفها ..كاين الي اجيبلها كل خير والنتيجة ربي اجيب والعكس صحيح....ثاني امر هو عدم انهاكها للرجل بالطلبات مرة واحدة وفي وقت واحد فهنا الراجل حتما راح يرفد العلام ويكره من جدها ...على العموم هاته المسالة تحتاج لترتيب وتنظيم بين الزوجين وحسب الاعتمادات المفتوحة في مشروع ميزانية البيت لتفادي اي عجز يؤثر على الحساب المالي في الاخير.

لمرا تاني والله لا تكره كي كل مرة تقول لراجلها راه خاص صوالح

حنا فدار دايرين لاليست لحاجة لي تخص نكتبوها في ورقة ومانستنوش حتى تكمل الحاجة يعني قبل بوقت ونوضعوا هاذيك لورقة فالكوزينة كي يلقاوها يدوها ويروحو يشرو مكان لا روح جيب ولا راه خاص

[هبة الرحمان انشراح]

اولا مشكورة على الموضوع اللي هو في كل البيوت تقريبا ثانيا في راي لازم على المرا تختار الوقت اللي تسرد فيه طلباتها حتى الراجل حليلو كلش غالي ومربي المصروف اللي يجي مايكملش الاسبوع حتى يكمل ويجي غيرو بخلاف المتطلبات الحياتية الاخرى ما انلوموهش لكن هو ايضا ما يتشرطش اللي يجيبها ياكلها وما يقيمش القيامة على خاطر من كتانو يتفصلو

[وصال سلام]

ياسمين حطيتي ايدك على الجرح

هذا هو صراعنا اليومي مع اخوتي خصوصا نوع الاكل يتشرطو بزااااااااااااف يا محيانك ترضي واحد يغضب لوخر بفففففففففف في العوض يحمدو النعمة لي راهم فيها ويقولو الحمد لله الذي رزقنا هذا اللهم اجعلها نعمة دائمة واحفظها من الزوال لانو كاين عائلات اذا تغداو مايتعشاوش وعائلات اخرى بالكاد تتحصل على قوت يومها

وبخصوص القضيان حنا درنا الرافيتايمة كل شهر نشرو قرو وتهنا الفرطاس من حكان الرااس لا خص ولا جيبلي اما القضيان اليومي كيما الخبز وووو اما انا او ماما وتهنينا من التشناف والعياط

كيما يقولو الصيد يفخروه زنودو ودينا راحة بالنا

الرجال كامل مايبغوش خص وجيب وهوما على كروشهم يخلة عروشهم عقلية واحدة

بارك الله فيكي على الموضوع حبوبتي لعزيزة

[النجمة القطبية]

يا اختى ماشي شرط يكون الرجل الجزائري في هذه الصورة اللى صورتيها فوق
الرجل الجزائري ليس بخيل دائما ووحش كاسر كاين وكاين
الانفاق امر يؤجر عليه الرجل وهناك مثل بقول انفق ما في الجيب ياتيك ما في الغيب
انفق يا ابن ادم قبل ان ينفق عليك
ولكن طبعا بدون افراط ولا تفريط فالنعمة توجب الشكر والحفاظ عليها حتى تدوم
موفقة

[ام اسحاق31]

موضوع يستحق الجدال

[*سندوسة*]

المشاركة الأصلية كتبت بواسطة Lotus Flowerl

مشكلة العائلات الجزائرية عدم التنظيم
ولو الزوجين اخذوا الوقت الكافي معا و خاصة الزوجة لانها ادرى بالكميات اللازمة و يوضعوها في برنامج
و كلما يدخل الراتب يشري كل اللوازم الكافية للشهر طبعا المواد التي تطول فترة استهلاكها كالحبوب الجافة, السكر,الزيت........
حت بالنسبة لبعض الاشياء المستهلكة الاخرى كالحفاضات و حليب الاطفال و مواد التنظيف.........
و برنامج لمشتريات الاسبوع كالخضر و على حسب الاسعار..........

تبقى بعض المواد القليلة التي لا تجلب ان شاء الله المشاكل و لكن لازم التقيد لانو هكذا يعرفو واش يصرفو وواش يوفروا
هذا على حسب الشطارة و نوعية الراتب و غلاء المعيشة

ينقصنا الحوار البناء و الهادىء

ربي يصلح حالنا

اللهم امين اختي

اكيد التنظيم ينقص شوية من هاد المشكلة لكن مايقضيش عليها والمورال نتاع الواحد مرات مايكونش سطابل علابيها لازم كل واحد يفهم الاخر

مشكورة اختي على الافادة