مشكلتي

[مشكلتي]

درت الفاتحة مع شخص متدين ومتخلق وكل شي جا بسرعة الخطبة والفاتحةومشكلتي اني من النفوس اللي ماطيقش الغربة ويسكن بعيد على منطقتي وخفت نروحونجيب حياتي كلها بكا ونكد لانه مانتصورش نبعد والمشكل الثاني اللي قلقني انو مستواه اقل من مستوايا التعليمي انا مستوى جامعي لكن هو مستوى ابتدائي يعني الفرق بعيييد ونحس نقاشاتو محدود لكن فمواضيع الدين رب يبارك وانا من النوع اللي يلاحظ ويدقق واي حاجة تقيسني يعني اذا قال كلمة غالطة تحز في نفسي انا مانيش قاعد نهدر من باب التكبر ووو انا خفت زيادة على الغربة اني ما نقدرش نتفاهم معاه من بعد ولا نعود نحتقرو يعني ماحبيتش نظلموا معايا نتمنى تعطيوني أراءكم وخاصة اللي راهم فنفس حالتي

[مراد سابقا]

توقفي من الأن

إذا كانت بداية المناقشة هكذا

ولا تتفاهمان

[عبدالقادر100]

السلام عليكم
الرسول صلى الله عليه وسلم : ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير) رواه الترمذي
اما المستوى التعلمي لا يهم لاني اعرف اساتذة ومتعلمين لايعرف التعامل مع البشر وليس كل
الذي يهم صاحب المستوى العلم الشرعي

[نورالهدى بيولوجيست]

المشاركة الأصلية كتبت بواسطة مشكلتي

ونحس نقاشاتو محدودة

هاذي قد ماشافوها الناس تافهة لكنها تعييك بزااااااااف خاصة اذا كنت مثقفة

وانا من النوع اللي يلاحظ ويدقق واي حاجة تقيسني يعني اذا قال كلمة غالطة تحز في نفسي

فاهماتك مليح و عقليتك هاذي تعييك يااااسر الله يكون في عونك

لا نعود نحتقرو يعني ماحبيتش نظلموا معايا

الا الاحتقار حذاااااااااري

اختي مريت بتجربة مثلك و كان عندي نفس الانطباعات رغم ان الخاطب لديه شهادة عليا و كانت عندي الجرأة اني جبدت روحي

و لكن................

ماتنسايش صلاة الاستخارة هي الصح

مع التأني في اتخاذ اي قرار خاصة انك فتحتي يعني مش ساهل الموضوع

ربي ييسرلك امورك

[زبدة ذايبة]

واش بيك هكذا

حطي رجليك في الأرض

فكري مليح

واش حبيتي تكملي حياتك كامل وانت تستناي في راجل يجي طبطب عليك الباب يقول راني حابك زوجتي

خليك من هذي الأفكار اللي تؤدي للتهلكة

انت امرأة وهو راجل تتزوجو باش تديروا أسرة مسلمة

ماراكيش رايحة تتزوجي بيه باش ديري دارك الأمم المتحدة كل يوم تتناقشو على القضية الفلسطينية !!!!!!!!!!!!!!!!!!!!!!!!!!!!

انت متعلمة وهو ماعندوش النيفو واش راكي رايحة ديري بيه كي يكون دكتور ويضربك كل يوم بالسبتة ويسبك ويسب مواليك ؟؟؟؟؟؟؟؟؟؟؟؟؟؟

فكري لبعيد بزاف

شوفي عن تجربة وعن ناس نعرفهم مليح

قالو مانتزوجوش بأي واحد (هوما معلمات في المدرارس إبتدائي وثانوي) احنا نتزوجو بالطبيب والطيار والمهندس

والله الذي لاإله غيره

فيهم الآن الليي راهي في الخمسينات وهي آنسة وأصغر وحدة فيهم في الأربعينات !!!!!!!!؟؟؟؟؟؟

اتق الله في نفسك وفي هذا الراجل اللي جا باش يديرك في دارو واختارك من بين الآلاف من النساء.

خليك من الوهم تاع القراية اللي دمر كثير من البيوت

دخلوا النساء في سن اليأس وهوما مازالهم يحلمو بالطيار والدكتور!!!!!!!!!!!!!!!!!!!!!!!!!!!!!!!!

تضيعي الفرصة هاذي من يدك ماتزيديش تطمعي بواحدو اخر إلا أن يشاء الله غير ذلك

الحمد لله متزوجات وبشهادات عالية جدا وظائف عالية جدا وكلامنا مع أزواجنا غير على البطاطا والزيت

ماعندك ماديري بالمناقشات تاع القضايا تاع الأخبار ليبيا ، سوريا الدولار طلع ولا هبط القضية الفلسطينية ..............واش راحلك فيهم

المناقشات تاع المعلومات الطبية معلومات الكمبيوتر خطيك منها

شوفي الأشياء اللي يحبها وديريهالو يرضى عليك زوجك ويرضى عليك رب العالمين.

يتغلق باب الوالدين ويفتحلك رب العالمين باب الزوج وهو باب من أبواب الجنة واش تزيدي.

شوفي للبنات اللي راهم بلا زواج تتمنى خيال راجل برك.

ماتفسديش على روحك زواجك وهذي الأوهام كامل من الأفلام والمسلسلات اللي دمرت العقول.

راني نكتب ونزيد وننصحك نصيحة أخت

شوفي للدين انتاعو ولأخلاقوا هذا اللي يبقى وهذا اللي راك رايحة تعاشريه على أساسو ماراكيش رايحة تحطي شهاداتو على الجدار

ماراحاش تنفعك في حياتك الزوجية

اتق الله في نفسك

[milissa21]

اختي هاد الشي لوكان خممتي فيه قبل يعني في فترة الخطوبة ثانيا راكي تقولي متدين و انا نقولك الانسان المتدين ماتخافيهش يعني ماراحش يظلمك و زيد انا نعرف طبيبة تزوجت نجار و الحمد لله عايشين مليح ما تقوليش المستوى الثقافي عائق و البعد لوكان فكرتي فيه من قبل و المهم يعود وليد فاميلية

[حبيبة زوجها]

انت بذاتك قلت متدين وش حبيت اكثر النسا متزوجات السكارى وصابرة
مش لازم اي نقاش تدخلو فيه يكون فاهم ولا ميعجبكش راهو فاهم دينه وهدا يكفي ويوفي
شوفي تعامله معاك وخممي في ايجابياته ومتخليش الشيطان يوريلك غير سلبياته هكدا متقدروش تعيشو وهيكثرو المشاكل بعد الزواج
اما مسالة الغربة بزاف لي بحالتك ولازم تكوني مقتنعة
واخر حاجة ننصحك بصلاة الاستخارة
ربي معاك

[أم أسيل الاثرية]

رب يكون فعونك

[الألماسة]

المشاركة الأصلية كتبت بواسطة زبدة ذايبة

واش بيك هكذا

حطي رجليك في الأرض

فكري مليح

واش حبيتي تكملي حياتك كامل وانت تستناي في راجل يجي طبطب عليك الباب يقول راني حابك زوجتي

خليك من هذي الأفكار اللي تؤدي للتهلكة

انت امرأة وهو راجل تتزوجو باش تديروا أسرة مسلمة

ماراكيش رايحة تتزوجي بيه باش ديري دارك الأمم المتحدة كل يوم تتناقشو على القضية الفلسطينية !!!!!!!!!!!!!!!!!!!!!!!!!!!!

انت متعلمة وهو ماعندوش النيفو واش راكي رايحة ديري بيه كي يكون دكتور ويضربك كل يوم بالسبتة ويسبك ويسب مواليك ؟؟؟؟؟؟؟؟؟؟؟؟؟؟

فكري لبعيد بزاف

شوفي عن تجربة وعن ناس نعرفهم مليح

قالو مانتزوجوش بأي واحد (هوما معلمات في المدرارس إبتدائي وثانوي) احنا نتزوجو بالطبيب والطيار والمهندس

والله الذي لاإله غيره

فيهم الآن الليي راهي في الخمسينات وهي آنسة وأصغر وحدة فيهم في الأربعينات !!!!!!!!؟؟؟؟؟؟

اتق الله في نفسك وفي هذا الراجل اللي جا باش يديرك في دارو واختارك من بين الآلاف من النساء.

خليك من الوهم تاع القراية اللي دمر كثير من البيوت

دخلوا النساء في سن اليأس وهوما مازالهم يحلمو بالطيار والدكتور!!!!!!!!!!!!!!!!!!!!!!!!!!!!!!!!

تضيعي الفرصة هاذي من يدك ماتزيديش تطمعي بواحدو اخر إلا أن يشاء الله غير ذلك

الحمد لله متزوجات وبشهادات عالية جدا وظائف عالية جدا وكلامنا مع أزواجنا غير على البطاطا والزيت

ماعندك ماديري بالمناقشات تاع القضايا تاع الأخبار ليبيا ، سوريا الدولار طلع ولا هبط القضية الفلسطينية ..............واش راحلك فيهم

المناقشات تاع المعلومات الطبية معلومات الكمبيوتر خطيك منها

شوفي الأشياء اللي يحبها وديريهالو يرضى عليك زوجك ويرضى عليك رب العالمين.

يتغلق باب الوالدين ويفتحلك رب العالمين باب الزوج وهو باب من أبواب الجنة واش تزيدي.

شوفي للبنات اللي راهم بلا زواج تتمنى خيال راجل برك.

ماتفسديش على روحك زواجك وهذي الأوهام كامل من الأفلام والمسلسلات اللي دمرت العقول.

راني نكتب ونزيد وننصحك نصيحة أخت

شوفي للدين انتاعو ولأخلاقوا هذا اللي يبقى وهذا اللي راك رايحة تعاشريه على أساسو ماراكيش رايحة تحطي شهاداتو على الجدار

ماراحاش تنفعك في حياتك الزوجية

اتق الله في نفسك

[seridz]

يا اختي لما تتزوجي غادي راجلك يولي هو باباك و يماك و خوك و جنتاك او نارك و حياتك كلها و قضية متحبيش تبعدي على داركم صدقيني هاذي غي النهارات الاولى و من بعد تتوالفي و ترجعي تولي تنقصي من هذا الروحات لدراكم سقسي اللي متزوجات يقولولك و خاصة لما ربي يكرمك بالاولاد .اذا كان السيد متدين و خلوق مشاء الله مثل ما قلتي مرالحش يظلمك و غادي معاه متحسيش بالوحدة توكلي على ربي و امضي الله يسخر

[Nada OrBa]

والله يااختي مافهمتش واش نقولك انا الصراحة كنت راح نقولك بطلي لانو المسنوى مش كيفكيف وبعييييييييييييييييد على مستواك ومع نتي تحبي دققي بزاف .... بصح كي قريت رد تاع الاخت زبدة ذايبة (اسم رائع ههههههه) قنعتني ولقيت في كلامها وجهة نظر تستحق الوقوف عندها بتمعن وزيد اذا كانت نقاشاتكم في امور دنيوية وتلفازية هديك ماتبازيش عليها واذا كانت دينية ونقاشات مصيرية متلا هدرتو على الخدمة وماخلاكش ولا زيارة اهلك من فترة لفترة ماقبلش هنا تقدري تحطري اهلك في النقاش ويكون كلشي واضح عل الاول وبعد كل هاته الردود استخيري الله وربي يوفقك للي فيه خير

[ibtihal18]

فكرة المستوى الدراسي نحيها من بالك فهي لا تسمن ولا تغني من جوع (شخص من اهلي مستوى 6 ابتدائي زوجته مهندسة ...هي متجلببة متدينة و هو انسان عادي مصلي و خايف ربي حتى اللي يشوفو يكذب بلي زوجها .عايشين ماشاء الله).....بالنسبة للبعد اختي هيئي نفسك من الان باش تتاقلمي مع الظروف هذي و حطي في بالك بلي المهم الهنا و منين يكون راجلك تكوني حتى و لو في قندهار و هذا هو معناه انك تكوني معاه فالسراء و الضراء لازم تصبري عليه و على ظروفو .و بالعكس الانسان اللي يبعد يبقى عزيز دايما صح رح تعاني فالاول لكن قضية تع ولف مع الوقت توالفي و كي يجيو الولاد رح ينسيوك و يعمررو عليك الدنيا ...................اما الدين هو اللي يدوم اختي
ربي يوفقك و ييسرلك امورك

[sarl02]

التوافق الفكري والعقلي والنفسي هم اساس نجاح اي علاقة والجاحد من ينكر ذلك ....اما جانب الدين والاخلاق فهم من المسلمات وليس محل نقاش ...لكن الانسان لابد ان ينظر الى نقائصه فلا احد كامل وبناء على هذه النظرة يقدم تنازلات بدرجات معينة...يعني خلينا واقعيين انت مثلا اذا كنت صغيرة في السن وذات جمال وحسب ومثقفة اكيد هذا الانسان لا تقبلينه حتى بمجرد التفكير و ربما حتى هو لا يفكر على التقدم لخطبتك متوقعا الرفض المطلق....لكن اذا كان عندك مشكل من اي ناحية ما كانت لابد من تقديم تنازلات لتكوين اسرة والعيش بسلام ...كل هذا في اطار الدين والاخلاق اللذان يعتبران خط احمر....وفقك الله