السلام عليكم حبيباتي رجعتلكم بعد غياب طويل
نتمنى تكونو بخير حبيباتي
اليوم حبيت تشاركوني غريبية ام كوثر الي جات روعة ربي يحفضها يا رب
ولكني انا غيرت في تزيينها شوية
المكونات
كاس سمن
دايب وبارد ونحطوه في الثلاجة مدة ليلة كاملة من الاحسن او نصف يوم
يوم غد نخرجوه من الثلاجة قبل بوقت يعني يطرى شوية برك
واكتر من نصف الكاس سكر قلاصي
نضرب الكل بالباتور مليح ونضيف فاني تع الميزان
حتى نتحصل على مزيج كريمي ابيض ناصع
نبدى باضافة الفرينة ورشة الملح
ونعجن بكف اليد مليح مليح باه تخرج رطبة
تكون العجينة رطبة
نبداو بالتشكيل بواسطة المحقن نشكلو وردات وكي نكملو نحسبو الوردات تاعنا ونقسموهم على 2
نصف الوردات نزينوهم بالجوز من الفوق والنصف الاخر نخليوه فارغ وندخلوها تطيب مع العلم تطيب شوية برك يعني قيس
ما تنشف برك ونحيوها
ونخلوها تبرد مليح ونلصقو كل حبة فيها الجوز مع وحدة فارغة بالمعجون ونقدموها
نتمنى تكون عجبتكم
واي استفسار راني هنا
تحياتي للجميع
( تقرير عن مشاركة سيئة )، و الموجودة أسفل كل مشاركة .
2014-02-06, 13:06
غريبية ام كوثر الغالية بتزييني انا
العرض الشجري