طريقة تحضير لابراج بتفصيل من مطبخ ام لوجين وهاديل

[ام لوجين وهديل]

[IMG]https://s*******-cdg.xx.fbcdn.net/hphotos-xpa1/v/t1.0-9/p526x296/10446704_353176614888718_6206146779717693724_n.jpg ?oh=db0791a7720ee53e6b6d408f752e7692&oe=55BCBF95[/IMG]





3 كيلات سميد السفينة المتوسط
1كيلة سمن ناقصة 2 اصبع زيدي كمليهم زيت
قرصة ملح
ماء
ماء ازهر
بسي سميد مع اسمن وقرسة الملح واتركيه ليلة حتان يشرب مليح السمن من غد منداك رشيه بحوالي كيلة ماء الزهر كملي بلماء العادي وما تعجنيش غير برؤس الاصابع حتان يشرب مليح وخليه مشمخ بزاف كي تخليه يرتاح ساعة يشرب كل الماء وادا لقيتيه ناشف زيدي رشيه وحركي غير بصباعتيك حتى تتحصلي على العجينةالي تقدري تخدمي بيها وما تتفتتش

نجو الان للتمر نقي اتمر او الغرس كيما نقولو في بعض ولايات الجزائر
نقيه مليح وفوتيه في رحاية الحم ثم زيديلو شوى سمن وماء الزهر وملعقة من خميرة الحلاويات وحوالي 3 ملاعق من العسل وقرفة وعجني مليح
زيدى الماء الزهر حتى تتحصلي على عجينة طرية تمشيلك بسهولة منبعد كى تحطيها فى وسط العجنة



ناتى الان الى طريقة اتحضير


اقسمى العجينة الاولة على 2 يكون الاسفل اكبر من الاعلى بقليل ثم شكلي كرتان اطرحي الكورة الكبيرة فى صينية مرشوشة بسميدحوالي3سنم ثم حطى فوقهاعجينة التمر بعدماتكوني بسطتيها اقل من حجم العجينةالاولة بقليل باش ما يخرجلكش التمر من الجوانب ثم بسطي العجينة الثانية فوق بلاستيك بنفس الشكل والحجم واحمليها ببلبلاستيك وحطيها فوق العجينة الاولةوحاولى تخبزيها بيدك وتقفلي الجوانب
حتى تتحصلي علي خبزة متحوفة اقلبيها بصنية فوق طوان سيري حاولى تحطيها فى وسط الطاولة وحلي برولو حتان تتحصلي على السمك المطلوب حاولي تتحفيها وديريها كامل بنفس السمك ثم ابداي قطعي استعيني بمسطرة باش يجيك الحبات كامل قدقد وطيبيهم في طاجين نتاع الحديد يكون تحتو طاجين نتاع طين او ادا ما عندكش الطين ديري في زوج حديدونقسي لنار باش يطيبولك دوغي و ماش محروقين


واخيرا كملت اتمنى ان اكون وفقت فى الشرح اى استفسار انا فى الخدمة
شكرا على المتابعة