اجريوووووووو عاونوني راني في حصلة عاجل

[نور الهدى 809]

اولا مشكورة اختي لانك دخلتي لموضوعي او بالاصح الي مشكلتي
درت اللبراج كاين اللي يقولولها لمبرجة ولما جيت نطيبو محبش يصلحلي يتفتت شكلو مبسسس بزاف واش نعملو راني درت بزاف مانيش حابة يفزد هكاك

عاونوني واش نديرلو حتى يصلحلي ولوكان يفيق راجلي يخليها عليا ويديها لماليه ساعتها ترحمو
اللي تدخل ربي يدخلها للجنة واللي تعاوني ربي يعينها على الدنيا يا رب راني ندعي لاي وحدة ربي يعيشكم
قلت نطيبو في الفور

[ام عصام]

جربي ديريلو شويا فرينة وحلي غير بطرف جربي قرصة صغيرة وشوفي

[nadia38]

أختي المرة القادمة عبري 3 سميد عبر فرنية عبر زبدة مخلطة مع الزيت عبر ماء ان شاء الله تجريبها و ردي الخبر

[ريماس وصهيب]

شوفى ادا طيبتيه قاع دوريها رفيس بالتمر يجى هااايل ارفسيه وديرلو التمر والزبدة وفوريه .

[ريماس وصهيب]

ولا نقولك جربى اقليه وعسليه

[ام الهضاب]

خرجيها للبالكو او الحوش البارد نصف ساعة رايحة تجمد و تحكم روحها ثم هزي بالقراطوار و طيبي رايحة تصلح ان شاء الله

[أم محمد تاج]

كيما قاتلك الحبيبة ام الهضاب خليه يتشرب مليح في مكان بارد وطيبيه بالتوفيق

[جوهرة الكون]

خليه يرقد اختي يعني خليه يحكم روحو و طيبيه ممكن تخليه حتى لليل و طيبيه
ربي يسهلك ان شاء الله

[..بسمة أمل ..]

لحقت روطار وقيلا راكي طيبتيه
لوكان زدتي للعجينة شوية ماء باه يتلملك

[ماريـام]

السميد الي خدمتي بيه ميشربش واقيلا زيدي شوية فارينة و خليها تريح شويا و ادا مصلحش ديريلو تمر و طيبيه مقروطات في الكوشة و عسلي و كوريه وارمي لعور كيما تقول يما هههههههههههههههه

[امازيغية وفتخر]

كيما فهمت خلاص قرصتيه وا درتيلو التمر
من الافضل تخليه ايبات وغدوى هزي بالقراطوار شمحي يدك شوية برك اوامسحيه من الجهتين او طيبي
او ما تكثريلوش التقلاب في الطاجين
والاحسن اطيبيه في طاجين لحديد باش ايطيب بالخف
اذا ما صلحش اقلبيه رفيس وخلاص

[أم ياسين الزهراء]

اختي ناقص ماء زيديلو الماء وافتليه مليح وجربي حبة هكى ندير وبالتوفيق

[نور الهدى 809]

يعطيكم صحة لبنات على وقفتكم معايا
الللبراج راني كي كملت وصلت لطياب لقيتو يتفتت عند التقلاب
لحد الان مزلت مطيبتوش كل مرة نطيب كعبة ههههههههه درتو حقل تجارب ومحبش يصلح
فرشتلو الجرنان من تحت ومن فوق جرنان شرب السمن بصح مزال
من بعد. ننجرب نبلو بيديا ونطيب ونردلكم الخبر
والله
يهنيكم كيما شارركتوني
و[b]و[b]شك[/b

[mojab]

يعطيكم صحة لبنات

[achouri87]

khalih yartah