أبي

[مشكلتي]

السلام عليكم
إن شاء الله تكون كلكم بخير
والله يا إخواتي أكاد أجن من تصرفات أبي وأصبحت أشك في حبه لي
فهو دائما يميز إخوتي عني في كل شيء أتتصورون حتى يوم إعلان نتائج البكالورية لم يأتي بشيء حتى علبة حلوى او أي شيء
ولا حتى هدية عكس إخواتي الآخرين إحنا 4 بنات كامل فالجامعة وعلاش هذا تميز معلاباليش هذا حتى فالمرض !!!!!!!!!!!!!!!!
وهذه المرة ذهبت إلى طبيب أنا أكاد أجن وهو مخلي عندو قائمة الأدوية وناسي عليا كامل
أنا راح نموت من سطر وهو عادي ناسيني كااااااااااااااااااااااااااااااااااااااااااااااااا اااااااااااااامل
غير لوكان جا كمدلي مصروف نشري أنا دوا بهذاك مصروف ومنقولوش خلاااص
يأرب صبرني والله كرهت لامبالات ديالوا وعدم المسؤولية عقدني
غير لوكان جا فقير عندوا دراهم ويبدر فيهم فالتكنولوجيا وفبناتوا وففففففف
دعواتكم لي بشفاااء العاجل
حتى وإن لم يشتري لي دواء ربي قادر :'(

[ام رضوان]

ربي يشفيك اختى وادعي ربي يحنن قلبو عليك ومهما كان هاذا والدك راهو كاين من حالتك الوف والله رانى حاسة بيك .

[mrmilano1984]

نتي الحل تاعك باين وساهل صدقني لازم تتزوجي تتهناي من معاملتو مع راجلك يقلشك بزاف كاين واحد نعرفو مليح مليح حنين بزاف خسارة راح خطب مؤخرا وحدة كانت نفس مشكلتك تماما رايحا تشبع حنان تاع زوجها حنون جدا وعاقل ودكي في نفس الوقت لو تزوجك تتهناي ويداك وفشك ويقلشك وينسيك معاملو ابيك
الحل تاعك صدقني هو الزواج ازربي روحي تزوجي ودري راجل

[عبد الله 22]

السلام عليكم ربما نظرته لك غير التي تظنيه لعله يرك الاكثر عقل وقوة في شخصيتك وقدرة على موجهة الحياة لهذا لا يظهر اهتمامه

[سوسو95]

ربي يشافيك ويعافيك اكثري من الاستغفار وربي معاك

[كلنا راحلون]

مشكلة انسان لا يعرف قيمة كنز حتى يفقده

ابوك ابوك لا يغير .........

[NIGHTINGALE]

ماذا لو وجدتي بعض الأعذار لوالدك وتوقفت عن إساءة الظن به
والدك ليس رجلا مثاليا وهو كبقية الناس لا يخلو من العيوب
يعني تقبلي بعض التقصير منه أو بعض التمييز
فالوالدان يميلان في الغالب إلى أحد أبناءهم وهذا شيء خارج عن إرادتهما
نصيحتي إليك أن لا تكوني حساسة فوق اللازم
ثم حاولي أن تتجاوزي على تلك الأمور التي تزعجك في سلوك والدك
كبري عقلك ولا تقارني بين معاملة والدك لك ومعاملته لإخوتك فذاك من كيد الشيطان
يريد أن يفسد عليك حياتك ويشوش عليك أمور دنياك
وفي الأخير فضل والدك عليك كبير
فلا تنسي ذلك واشكريه فمن لا يشكر العبد لا يشكر الخالق
او ربي يشافيك إن شاء الله

[دعاء المحبوبة]

المشاركة الأصلية كتبت بواسطة عبد الله 22

السلام عليكم ربما نظرته لك غير التي تظنيه لعله يرك الاكثر عقل وقوة في شخصيتك وقدرة على موجهة الحياة لهذا لا يظهر اهتمامه

وهذا ما أظنه أيضا

[ابتسام smile &hope]

انا كي نشوف بابا فالمنام نقعد يامات وانا فرحانة

انا ثاني بابا ماشراليش كادوات ومكانش يشريلي الدوا حتى يما تفكرو بصح علابالي بلي في هاذي الدنيا كل احد وعقليتو

كنت نعرف عقليتو كان ميحبش يكثر الهدرة مالا وليت نتفرج معاه البرامج السياسية ملي كان في عمري 13سنة
وفالضربة تاع مصر كنت نسهر معاه للوحدة نشوفو المصريين واش يهدرو علينا ونعايروهم ونضحكو هذا غير باش نصيب موضوع نهدرو عليه
الله يرحمو
ونتي شوفي باباك واش يحب وكسبيه شوفي معاه الماتش طيبيلو عنقيه حديلو حوايجو باباك يحبك متخليش الشيطان يفرقكم
اذا معرفتيش تكسبي باباك كيفاش رايحة تكسبي راجلك وعجوزتك
راكي في نعمة

[امال الاسلام]

السلام عليكم
أعلم يقينا أنه سيأتي اليوم الذي تندمين فيه على ما كتبته
والدك اعز ما تملكين في الدنيا ولن يبدلك أحد حنان الوالدين
انت سردت فقط الجوانب السلبية لوالدك ونسيت كل ما قدمه لك سامحيني ولكنك جاحدة انظري للامور الايجابية حاولي ان تتقربي منه لاتنتظري منه شيئا بل انت من ستقدم له
والله يا اختي انما هو الشيطان يملي عليك امورا تافهة استغفري ربك وحاولي ان ترضي والديك حتى وان كان كما قلت

[papino]

نقولك الصح تبانيلي نتي لمدلة نتاعو تالمو نسا الدوا هاد المرة رايحة تشكي بيه للامم المتحدة (بيناتنا راني شاك لكان مريضة صح ولا الدلال برك ) على كل ربي يجيب الشفا باين على هدرتك يحبك كثر من خواتاتك

[ناصف الورداني]

السلام عليكم
حتى اناا ابي لم يهدني شيء في البكالوريا ~~
و لكن اختي حاولي ان تتوددي الى والدك حفظك الله
سلام جميل ~~

[ensberg jupi]

المشاركة الأصلية كتبت بواسطة mrmilano1984

نتي الحل تاعك باين وساهل صدقني لازم تتزوجي تتهناي من معاملتو مع راجلك يقلشك بزاف كاين واحد نعرفو مليح مليح حنين بزاف خسارة راح خطب مؤخرا وحدة كانت نفس مشكلتك تماما رايحا تشبع حنان تاع زوجها حنون جدا وعاقل ودكي في نفس الوقت لو تزوجك تتهناي ويداك وفشك ويقلشك وينسيك معاملو ابيك
الحل تاعك صدقني هو الزواج ازربي روحي تزوجي ودري راجل

ماهذا الحل السخيف !!! هل يعوض الرجل الاب لا اريد حتى ان اتصور علاقتك بوالديك كيف هي
المرأة الحرة بنت الاصل تبكي نهار تخرج من دار بباها

[naamane3]

عاودي روحك ربما باباك شاف منك او سمع عليك
حاجة ماشي مليحة لكن ماشي حاب يقولهالك
او مالقاش كيفاش يقولهالك
اقتربي من امك او اخواتك وحاولي تعرفي منهم
وربي يجيب الخير

[بنت الرّحّل]

04 جمادى الثانية 1436 من الهجرة النبوية

وعليكم السلام ورحمة الله وبركاته

كنت قبلا أتحمس كثيرا في الرد على مثل هذه المشاكل .. كانت ردة فعل عادية جدا لابنة فقدت والدها

وكنت أتوقع أنها من المصائب التي لا تصغر مع الأيام .. لكن الأيام كفيلة فعلا بأن تنسينا حتى أنفسنا

المهم سأقول لك شيئا أتمنى فعلا لو كان هناك من يقوله لي حين كان والدي على قيد الحياة
لأني إلى الآن لم أعتبر نفسي أني كنت بارّة به - رحمه الله -
تأكدي :
سواء كان والدك يملك مبررا لما ذكرته .. سواء كان ذلك خطأ منه أم لا ...
دعينا نجعله خطأ فعلا - وقد لا يكون -؛ أعتقد أنه لا يوجد أحد على وجه الأرض لا يخطئ لكن الناس يختلفون في اعترافهم بالخطأ كما يختلفون أيضا في طريقة تصحيحهم للخطأ ويختلفون أيضا في طريقة تعاملهم مع الخطأ ....

لكنهم جميعا لا يختلفون في شيء واحد: وهو تمنيهم أن يقبلهم الناس بأخطائهم وعيوبهم وبالأخص الأبناء

فبدل تعداد أخطاء والدك عدي الفرص التي تملكينها لتحظي باحترامه وتقديره ورضاه عنك قبل أن يدفن في قبره

أتمنى لك التوفيق