الربيع يا جماعة ارواحو نحوسو

مريم الصابرة · 2012-03-15, 14:35

السلام عليكم يا جماعة راني وليت توحشتكم بزاف بزاف إن شاء الله تكونو بخير
يا جماعة الجو ربيعي يشهي السما صافية والشمس والنوار الله الله يا جماعة غيرني الجو كيما تعرفو ما نقدرش نروح نحوس او نرفه على نفسي واصلا ما نحبش نخرج من الدار لكن كاين ناس يمشو للجبال للبحر للمنتزهات لحديقة الحيوانات قولولي وين تروحو فالربيع غيروني خلوني نموت من القنطة وين حوستو وين راكم تروحو وقولولي اجواء الربيع في مناطقكم كانكم تسكنو عند الجبل او فالحوش روعة احوكلي شكرا على المشاركة

أم لجيـن · 2012-03-15, 14:47

السلام عليكم

لا تغيري مني لا والو راني كيفك الربيع تاعي في دارنا ........
يديرو معارض وحفلة الف قبة وقبة غير نسمع بيهم و فقط

ربــــي يشفيكـ

مريم الصابرة · 2012-03-15, 14:51

اقتباس:

المشاركة الأصلية كتبت بواسطة أم لجيـن

السلام عليكم

لا تغيري مني لا والو راني كيفك الربيع تاعي في دارنا ........
يديرو معارض وحفلة الف قبة وقبة غير نسمع بيهم و فقط

ربــــي يشفيكـ

السلام عليكم اختي كيف الحال ؟
رائع يا ريت تقوليلي وشنو هذي ألف قبة وقبة وكيفاه يديرو المعرض هذا زمان كنت نحب هذو المعارض وكنت نشارك بالحلويات وايضا انا نخدم الكروشي والشبيكة و زيد الحلافة زمان عندها مدة طويلة من بعد خلاص
اللهم آمين ربي يخليك اختي

الواثق · 2012-03-15, 15:03

هذي بالقرب منا.......... عطلة الربيع انا واصحابي استكشفناها وصرا فينا العجب

وبعد ابتدأنا بالتحضير الغداء ..........

شهيناز1 · 2012-03-15, 16:12

ان شاء الله ربي يشفيك ويعافيك وتر وحي وتشوفي الربيع واجواء بنفسك

لاتقنطي من ر حمة ر بك ان الله رب المعجزات وعلى كل شيء قدير

شهيناز1 · 2012-03-15, 16:16

ان شاء الله ربي يشفيك ويعافيك وتر وحي وتشوفي الربيع واجواء بنفسك

لاتقنطي من ر حمة ر بك ان الله رب المعجزات وعلى كل شيء قدير

مريم الصابرة · 2012-03-15, 16:39

اقتباس:

المشاركة الأصلية كتبت بواسطة الواثق

هذي بالقرب منا.......... عطلة الربيع انا واصحابي استكشفناها وصرا فينا العجب

وبعد ابتدأنا بالتحضير الغداء ..........

السلام عليكم اخي القاضل كيف حالك ؟ إن شاء الله تكون بخير إنت وكل عائلتك الكريمة
يا خويا الله يبارك على هذوك البلايص روعة أحب شيء إلى قلبي الجبل والنوار روعة بزاف نحب المنظر هذا
مي اعرضتي على هذام الشوا ما نجيش فالمنتدى برك قال يا مريلينا تفضلي اختي كولي بصحتك ميم ما زال ما طابش ماشي مشكل غحنا الجزائرييت تاكلو كل شي طايب والنيي مي خليتني حايرة واش صرالكم ما تقوليش خرجلكم كاش حيوان هذيك اللي نخافها انا فالاجبال تخلاص التحويسة بعضة ذيب او كاش حية هههههههههه بصحتكم

مريم الصابرة · 2012-03-15, 16:42

اقتباس:

المشاركة الأصلية كتبت بواسطة شهيناز1

ان شاء الله ربي يشفيك ويعافيك وتر وحي وتشوفي الربيع واجواء بنفسك

لاتقنطي من ر حمة ر بك ان الله رب المعجزات وعلى كل شيء قدير

السلام عليكم اختي كيف الحال نتمنى تكوني بحير ودراكم وعائلتك بالف خير إن شاء الله
اللهم آمين ربي يحليك لو ندخل نهار الأحد وندير العملية قولي واحد الشهر باه نوض من الفراش ومن بعد ما نقدرش نمشي لازم العكازات والرياضة فيها حساب كبير ممكن حتى لبعد رمضان إذا حيانا ربي ممكن نقدر نمشي على أقل تقدير وهذا إذا حب ربي ونجحت العملية إن شاء الله يعني الربيع والصيف يروحو وكل شي مكتوب عند الله حوسو وإحكولي بصحتكم

الواثق · 2012-03-15, 18:18

اقتباس:

المشاركة الأصلية كتبت بواسطة مريلينا

السلام عليكم اخي القاضل كيف حالك ؟ إن شاء الله تكون بخير إنت وكل عائلتك الكريمة
يا خويا الله يبارك على هذوك البلايص روعة أحب شيء إلى قلبي الجبل والنوار روعة بزاف نحب المنظر هذا
مي اعرضتي على هذام الشوا ما نجيش فالمنتدى برك قال يا مريلينا تفضلي اختي كولي بصحتك ميم ما زال ما طابش ماشي مشكل غحنا الجزائرييت تاكلو كل شي طايب والنيي مي خليتني حايرة واش صرالكم ما تقوليش خرجلكم كاش حيوان هذيك اللي نخافها انا فالاجبال تخلاص التحويسة بعضة ذيب او كاش حية هههههههههه بصحتكم

المشكل ماشي ذيب لو كان جاء الذيب اهلا وسهلا بيه ........المشكل انو صب علينا المطر وماحبش يتوقف مالقينا وين نروحو احنا نجرو والذيب يجري معانا هه...........قعدنا لليل باش وصلنا للمدينة

محمد...عبد النور · 2012-03-15, 19:12

السلام عليكم أختي ميري
واه الربيع كاين و يغير و ياريت نريح فيه شوية و الله روعة في مناظره و المشكل ما عنديش آلة تصوير و الا جبت لك أروع المناظر
بإذن الله نجيبهم لك عن قريب
فقط تعجبني المناظر على حواف الطريق عندما أرجع من العمل للبيت
هناك مناظر و الله جد جميلة أتمنى للجميع رِؤيتها
ســـــــــــــــــــــلام

عآشقة غزه · 2012-03-15, 19:48

هذا ربيع ولاية المدية و ربيعكم بالصحة و العافية

ايوب ناصر · 2012-03-15, 20:00

للاسف نحن ف الجلفة ما عندناش ربيع هذه السنة ....لانو ببساطة المطر لم ينزل بكفاية هناك بعض الآثار فقط لذا احببنا او كرهنا يا اختي رانا متضامنين معاك ونقل لا للتحواس لا للفسح وسننتظرك العام القادم بعدما تشفين باذن الله واختاري لنا مكنا يجمع شلة المنتدى احتفالا بشفاءك و وبعودة الربيع اذن موعدنا ربيع 2013
تمنياتنا لك بالشفاء ولس ذلك بعزيز على الله.

مريم الصابرة · 2012-03-16, 10:24

اقتباس:

المشاركة الأصلية كتبت بواسطة الواثق

المشكل ماشي ذيب لو كان جاء الذيب اهلا وسهلا بيه ........المشكل انو صب علينا المطر وماحبش يتوقف مالقينا وين نروحو احنا نجرو والذيب يجري معانا هه...........قعدنا لليل باش وصلنا للمدينة

السلام عليكم يا خويا تحويسة هايلة الجبل والغابة والشوى وزيد المطر وين راح تلقى هكذا راك غيرتني صح يا الواثق حويا
تبقى دكريات اليمات الشاببيين هذو تولي تحكيهم لولادك إن شاء الله بصحتكم

said26 · 2012-03-16, 10:53

السلام عليكم العطلة تكون في الارياف هههه حطة دنيا كامل خضرة سورتو عندنا راني نصور ونجيبلك هههههه كيما الثلج
ان شاء الله تكوني بخير وتروحي تحوسي

مريم الصابرة · 2012-03-16, 10:54

اقتباس:

المشاركة الأصلية كتبت بواسطة khokha000011

هذا ربيع ولاية المدية و ربيعكم بالصحة و العافية

السلام عليكم خويا شكرا على المشاركة أنا شفت فالرفيس هههههههههه بلاصة هايلة فالمدية لو راني ثم نظل فالحشيش هذاك نمشي كامل المساحة هذيك الله يبارك شكرا على الصور