ارواحو تسمعو ... عيش تسمع عيش تشوف{وين راكي يا بن غبريط}

[ميمي سمية]

ســـلام عليكم

فتحت هذا الموضوع باه نبرد قلبي شوي ونخليكم تشوفو وش رانا عايشين

خليوني نسقسيكم ,,,,, ماشي زعمة السيدي لي حكات عليه بن غبريط حق كل واحد منا؟؟ ماشي قالت لازم كل تلميذ يكون عندو السيدي؟؟

ارواحو تشوفو الليسي تاعنا ,,, زعمة قال قال ليسي محترم ومزير ويمشي بالقوانين قدقد

مدو لولاد معارفهم واحد واحد ,,كاتبينهم في الورقة ،،كل واحد مادي واحد

كي وصلت دالتنا .. قالك لازم يكونو 4 باه نمدلكم وااااااحد بيناتكم

واحد بين 4؟؟؟ تمسخر بينا نتا؟؟ شكون راح يقرى وشكون راح يقعد؟؟؟ قلتو رانا مانتلاقاوش طوول مانعرفش اصلا الباقي وين راهم عايشين ولا وين يسكنو ,,, مدنا واحد بين زوج ــــ انا وصحبتي ونقرافيو نورمال {بحكم اني نتلاقاها}


السي خونا المحترم قالي مكانش روحي زيدي جيبي زوج وارواحي ,,, قتلو سي بون خرجت انا وصحبتي دبرت زوج اسماء تاع زوج بنات اخرين وقتلها نعاود نوليلو حتى انا ،،،،، رجعنا زعمة بعد ماراح نجيبو واحد بين 4بنات

عاااودنا درنا لاشان ،،وحنا نستناو في دالتنا ,,, جات المراقبة العامة تاعنا ومعاها ام تلميذة

حرقو لاشان كي والو وهزت المراقبة سيدي غلفاتو للولية ومدتهولها ,, اااا وي حنا تمدونا سيدي بين 4 عباد ،، وسي لالة تجي من هيه تدي لبنيتها الحنونة لعزيزة سيدي تقرى بيه ،، علاه هي عبد وحنا لالا؟؟ هي عندها باك وحنا لالا؟؟

روح معليش عفسنا على قلبنا وسكتنا كامل قدام هذاك المشهد القاتل ،،،،، وصلت دالت وحدة قبلنا قالنا صايي خلصو سيديات ،،، البقية يرُوحو يرْوْحو
ااااا مليحة هذي من الصباح وانا نستنى ومن بعدا تقولي روحي تروحي

خليتو فرا حكايتو مع لي قبلنا وشاف معانا قالنا قتلكم خلصو ,,, قتلو مي شوف يا استاذ من االصباح وحنا نستناو ،، قلتنا روحو زيدو جيبو زوج رحنا وزدنا دبرنا زوج بنات وعاودنا لاشان من اللخر كي نوصل هنا تقولي خلصو ،، وديجا راك تشوف خرين مكتوبين اسمائهم زوج مرات وحنا مانديوش طول؟؟ قالي الغلطة تاع المراقبين لخرين لي ماعدلوش لاليست والتالي كان جيت انا ندير كل قسم وحدو

قتلو مي راهي تطفر فينا حنا ماشي نتوما قالي وانا وش راح نديرلكم قتلو اوك سي بون يكثر خيركم ا شيخ وجيت خارجة
عيط قالي او استناو استناو راهم يقرافيولكم

ياسبحان الله ياسبحان الله شوفو ،،، قبيل كان يقولنا راه بقى غير واحد روحو تروحو ،،، وذك كي بينتلو تاع بلا زمزيتكم يقولك استناو استناو راهم يقرافيولكم

وين رانا عايشين؟؟ راكم شايفين؟؟ تنيفيق هذا ولا لالا؟؟ صوارد الدولة وهوما يتمشتقو فيهم ،، حقنا وياكلو فيه كي والو

من بعدها لقيت زوج صحاباتي راحو من بعدنا ،، تلاقاو مع نفس المراقب قالولو جينا على جال السيديات قالهم خلصو مدونا 100 واحد برك وزعناهم كامل كل قسم حطينا فيه 4 ،،،، الله أكبر

ماعندوش بزاف من اللي كان يقولنا استناو استناو راهم يقرافيولكم

مالا يا بن غبريط وزعتي 100 سيدي برك؟؟ ,,,, اجري تسمعي وش يتقال عليك


ياحفيظ يا ستار واللي قتلني كثر :: الليسي لي قدامنا وين تقرى ختي راحو ودارولهم السيديات

بالفايض وكل واحد مدولو السيدي تاعو ودخلوهم لقاعة الاعلام الي جربوهم كامل وتاكدو بلي راهم يمشيو وقالهم المدير المدرسة راهي مفتوحة ليكم لي

معندوش ميكرو في الدار يجي هنا ندخلو للمكتب تاع الاستشارية ويقعد لبغى لثمة من الصباح لليل ،،، ولي بغى يطبع الحوايج لي فيه يجي عندنا هنا

نطبعولو الدروس لي باغيهم ،، وقالهم الليسي راهو مفتوح في السمانة الاولى تاع العطلة اذا بغيتو جيبو الــ pc تاعكم وتلمو هنا واقراو مع بعضاكم ,,,,


نحمد ربي اني عندي ذك ختي تقرى في هذا الليسي وجابت السيدي تاعها ،،، والتالي كون ماراحش نشوفو اصلا ونقعد نحلم بيه ,,, شوفي يا بن غبريط واسمعي ،، قال قال بغيتينا نتقدمو حتى حنا ونمشيو مع التكنولوجيا ،،، مي ماشي مع عباد كي هذوا

قولولي ذك وش تعليقكم؟؟؟

[ana hia]

احنا عااااااااااااااااااااااااادي كل واحد و السيدي نتااااااااعو ....... مدوهالنا بكل روح رياضية + ابتسامة ههههههههههه

[exellance]

انا حملتو من النت وما فييه والو دروس pdf وهيا قالت كاين دروس فيديوو ههههه حصلتها في cd وراحت

[اسماء 05]

السلام عليكم

يا لطييف واش الليسي هذا احنا عطاونا كل واحد نتاعو يخي هذا حقنا ماهمش يصدقو فيهم علينا بلا مزيتهم وصوارد الدولة وين راهم يديو فيهم؟؟ تعجبببببببببببت

ربي يكون في عونكم

[asma28hd]

نفس القصة في الثانوية نتاعنا
اليوم قالونا استناو على العشرة نمدوهملكم قعدنا نستناو وعلى العشرة اعرفنا بلي راهم مقرافيين 25 سي دي برك مدوهم غير لفلان و فلتان برك وقالونا روحوا تروحوا اخلاصو غدوة ارجعوا تلقاوهم ولا لنهار الاحد

[سامية الاخلاق]

حنا ما سمعنا ب cd ما هدرولنا عليه
ماشكيتش يوصللنا ههههه
على كل حال مانيش رايحة نقرى بيه

[sozii]

حنا ممدولناش ههههه

[crazy miracle]

وااااو ~~كنت نقول ليسي تاعنا هو العرة~~ظهر فووووور ههههه ربي يستر~~
عطاولنا نورمااااال جاب سااشي معمرة ~~
مي الاساتذة قرفووو ماعجبهمش الحال ~~~
......

[ميمي سمية]

المشاركة الأصلية كتبت بواسطة ana hia

احنا عااااااااااااااااااااااااادي كل واحد و السيدي نتااااااااعو ....... مدوهالنا بكل روح رياضية + ابتسامة ههههههههههه

ايه مليح

نتاعكم صح ناس وفاهمين ... تاعنا مزالو في مرحلة التخلف

مزالو يخمو في صوارد الدولة ويشفقو عليهم ... مالغري راه حقنا

المشاركة الأصلية كتبت بواسطة exellance

انا حملتو من النت وما فييه والو دروس pdf وهيا قالت كاين دروس فيديوو ههههه حصلتها في cd وراحت

مليح .. تهنيتي

المشاركة الأصلية كتبت بواسطة اسماء 05

السلام عليكم

يا لطييف واش الليسي هذا احنا عطاونا كل واحد نتاعو يخي هذا حقنا ماهمش يصدقو فيهم علينا بلا مزيتهم وصوارد الدولة وين راهم يديو فيهم؟؟ تعجبببببببببببت

ربي يكون في عونكم

هههههههههه يعطيك الصحة ختي ... كيما قلتي يخي حقنا ماهمش يصدقو فيهم علينا بلازميتهم

امييييين

المشاركة الأصلية كتبت بواسطة asma28hd

نفس القصة في الثانوية نتاعنا
اليوم قالونا استناو على العشرة نمدوهملكم قعدنا نستناو وعلى العشرة اعرفنا بلي راهم مقرافيين 25 سي دي برك مدوهم غير لفلان و فلتان برك وقالونا روحوا تروحوا اخلاصو غدوة ارجعوا تلقاوهم ولا لنهار الاحد

يالطييييييييييف ... حالتكم مخلية كي حالتنا

والله مزال عباد مطكطين شوي عندنا ...... زعمة عندنا الوقت بزااف حتى يضيعوهولنا ونبقاو كل مرة رايحين جايين

وكلي عليهم ربي ... الحالة دودت من المعارف

المشاركة الأصلية كتبت بواسطة سامية الاخلاق

حنا ما سمعنا ب cd ما هدرولنا عليه
ماشكيتش يوصللنا ههههه
على كل حال مانيش رايحة نقرى بيه

هههههههه ... نتوما تاعكم راهم خارج نطاق التغطية هههه

مممم حتى انا منيش معولة عليه .... قراو لي من قبلنا بلا بيه ووصلوا لمراتب عالية

مي غاضتني حقي ويزيدو يوزوعوه على ولاد معارفهم ويتمشتقو فيه

المشاركة الأصلية كتبت بواسطة sozii

حنا ممدولناش ههههه

هههههههههه هاه هناوكم نتوما فرد ضربة ... على الاقل مامدولكمش كاامل

المشاركة الأصلية كتبت بواسطة crazy miracle

وااااو ~~كنت نقول ليسي تاعنا هو العرة~~ظهر فووووور ههههه ربي يستر~~
عطاولنا نورمااااال جاب سااشي معمرة ~~
مي الاساتذة قرفووو ماعجبهمش الحال ~~~
......

هيا بيا بصحتكم ههه باه تحمدي ربي ذك ... حنا تاعنا زعمة لي مادي الشيعة باطل

هههههه تجيهم في الصبر قولولوهم يخي ماقريتوناش ماكمش مقرفين ثاني على الخدمة هذي

مي ممكن حزت في نفسهم كيفاه زعمة راح تبدلوهم بسيديات

[ابتسام smile &hope]

راهم يدربوا فيكم باش كي تطلعو للجامعة ييكم كلش نورمال هههههههههههههههه
انا راحلي عام على جال وحدة كانت تقريني tdغلطتلي فالمعدل كي حوست عليها قالولي راهي توجد فالدكتوراة معندهاش الوقت باش تسمعكم

[ديننا الاسلام]

حنا في الليسي عطاونا كل واحد والسيدي نتاعو مي مافهمت حتى حاجة فيه

[insag folle]

نحنا ما حبيناش نشدوه رفضناهم هدرة فارغة

[سوسن الصباح]

سلااام ~

اتاسف لوضعناا .... حقااا اوشك المثل الدي يقول قم للمعلم وفه التبجيلاا ... دووك يولي قم للسيدي روم وفه التبجيلا هههه البااك مالا نفوتووه في السكاايب ههه

نخبركم وااش كااين في الليسي تااعناا ولا مايشقااش ؟؟هههه كل يووم يجي عنا المستشاار ويقوللنا ارواحو في الاداارة جيبو فلاش ديسك باش نقرافيلكم القرص المضغوط ههههه

يجي كل خطراا يوريلناا السيدي تع كااش مادة .. واناا لحد الان مازاال مااديتلهش بااه يقرافيلي...

دووكاا في القسم ومافهمنااش الدرس مليح .. نفهموه الكترونياا ؟؟ غير معقوول ..

في عاامناا داايماا يخرجو نظاام جديد .. صرناا فئراان تجاارب

ربي يجيب الخير هدا مانقولوو ..

[ميمي سمية]

المشاركة الأصلية كتبت بواسطة insag folle

نحنا ما حبيناش نشدوه رفضناهم هدرة فارغة

نستعرررررررررررررررف بيكم ... .يعطيكم الصحة

المشاركة الأصلية كتبت بواسطة ديننا الاسلام

حنا في الليسي عطاونا كل واحد والسيدي نتاعو مي مافهمت حتى حاجة فيه

مليح ... المهم مدولهم حقكم

المشاركة الأصلية كتبت بواسطة ابتسام smile &hope

راهم يدربوا فيكم باش كي تطلعو للجامعة ييكم كلش نورمال هههههههههههههههه
انا راحلي عام على جال وحدة كانت تقريني tdغلطتلي فالمعدل كي حوست عليها قالولي راهي توجد فالدكتوراة معندهاش الوقت باش تسمعكم

ايه والله هكذا قاتلي ماما ... قاتلي الجامعة راكي تشوفي كثر وكلشي في الوجه .... ربي يستتتر منعرف كيفاه راح نفوتوها ثاني

مكانش منها ... .عام كامل يروحلك من جرتها ..... وكلي عليها ربي وش لعباد هذوا

راكي تقراي في الجامعة؟؟

[ddzvamz25]

الله يكون في عونكم

احنا الحمد لله
الثانوية الي نقرا فيها ولا استاذ دخل اضراب واساتذة قدم وفور
نقراو نورمال