تمر ايام و انا بعيدة عن ابني

mokhtaria1988 · 2015-03-16, 19:48

بعد مرض ابني قررت ان اخذه الى امي لكن قلبي يتقطع نعم انه يتقطع
مقدرتش نصبر على ولدي و الله مقدرتش لقد ذهب يوم السبت الى بيتنا __بيت والدي_ اول مرة يفارقني ابني يم السبت كان يوم غير عادي لقد اخذت امي ولدي في النهار لم احس لكن في الليل لم اقدر ان انام ليل كامل و انا ابكي اما يوم الاحد و كالعادة في الصباح ذهبت للعمل لكن لم اقدر على تقديم دروسى كما ينبغي ولم اقدر الذهاب الى البيتو في الليل كذلك لم اقدر على النوم هذه يومياتى كيف اصبر على عدم رؤية ابني لمدة اسبوع لم استطع

مريم الصابرة · 2015-03-16, 19:55

السلام عليكم اختي اختي اولا ربي يشافيه يا رب
يا اختي نعرف الام وشوقها لإبنها ولكن شوفي من ناحية الإجابية
اولا هو مريض ولازم يداوي باه يبرا انت تفضلي يبقى معاك وما يبراش او فترة يبعد عليك ويرجع عادي راهي الحياة طويلة وبحول الله ما يفارقكش
وثانيا راه عند امك يعني حضن كحضنك اللي رباك وكبرك واكيد راح تكون حنينة عليه وراح تتهلى فيه يعني كانو عندك صبري روحك بيها راح تتونسي صدقيني
ما تتقلقيش يرجع ليك بحول الله

mokhtaria1988 · 2015-03-16, 20:44

اقتباس:

المشاركة الأصلية كتبت بواسطة مريم الصابرة

السلام عليكم اختي اختي اولا ربي يشافيه يا رب
يا اختي نعرف الام وشوقها لإبنها ولكن شوفي من ناحية الإجابية
اولا هو مريض ولازم يداوي باه يبرا انت تفضلي يبقى معاك وما يبراش او فترة يبعد عليك ويرجع عادي راهي الحياة طويلة وبحول الله ما يفارقكش
وثانيا راه عند امك يعني حضن كحضنك اللي رباك وكبرك واكيد راح تكون حنينة عليه وراح تتهلى فيه يعني كانو عندك صبري روحك بيها راح تتونسي صدقيني
ما تتقلقيش يرجع ليك بحول الله

و الله ياختي مقدرتش وليت بمجرد مانشوفه في ال***** نبكي و الليل كامل منرقدش مقدرتش
نعرف ماما متهليا فيه خير ملي انا نتهلى فيه مي مقدرتش نفارقه

مريم الصابرة · 2015-03-16, 20:49

اقتباس:

المشاركة الأصلية كتبت بواسطة mokhtaria1988

و الله ياختي مقدرتش وليت بمجرد مانشوفه في ال***** نبكي و الليل كامل منرقدش مقدرتش
نعرف ماما متهليا فيه خير ملي انا نتهلى فيه مي مقدرتش نفارقه

لانك اول مرة تفارقيه تحسي هاكا معليش واش ديري راكي تشوفيه خير من والو ويحكي معاك تلفون لو كان كيير لازم تصبري
ربي معاك عارفة قلب الام والله يشافيه يا رب

mokhtaria1988 · 2015-03-16, 20:52

اقتباس:

المشاركة الأصلية كتبت بواسطة مريم الصابرة

لانك اول مرة تفارقيه تحسي هاكا معليش واش ديري راكي تشوفيه خير من والو ويحكي معاك تلفون لو كان كيير لازم تصبري
ربي معاك عارفة قلب الام والله يشافيه يا رب

شكرا لك يامن دائما توانسني في مشاكلي
لك الشكر

مريم الصابرة · 2015-03-16, 20:57

اقتباس:

المشاركة الأصلية كتبت بواسطة mokhtaria1988

شكرا لك يامن دائما توانسني في مشاكلي
لك الشكر

العفو اختي انا برك حاسة بيك لاني ما نصبرش على وليد ختي وهو عند يماه والفتو ديما عندي لما يروح نولي نعيط ونسقسي ونقولها تبعثولي فمابالك إنت امو ربي معاك إصبري لازم على جالو ويرجع لبك معافى وسليم وراح ما تفارقيهش خلاص
ربي يصبرك

Orchidia · 2015-03-16, 21:01

قوي قلبك أختي و اعتبري فراقك ليه ثمن قليل جدا في سبيل شفائه

أسأل الله العظيم رب العرش العظيم ان يشفيه و يقر عينك به

ادعي الله كثير أختي و استغفري و اذكري الله وان شاء الله خير

ام نهوله · 2015-03-16, 21:34

ما تفكريش هكذا اختي خممي بللي راح يبرا و يولي ليك و زيد راه عند واحده خير منك اللي هي امك و الله ما ديريلو كيما هي و الله غير راني حاسه بيك انا لما كنت حامل ببنتي الصغرى في الشهر الثالث تخيلي مرض ابني مرض معدي و تعب لكن المرض ديالو جد خطير على المراه الحامل في شهورها الاولى ما عرفتش واش ندير ديتو للطبيب قالي لازم تبعديه عليك و هو كان صغير و زاد قالي ماعندي ماندير للبيبي اللي في كرشك ايلا تعدى يقدر يتعوق و الله يا اختي غير الدنيا ضياقت عليا سورتو كي حطيتو في دارنا و كانت اول مرة يفارقني هو من جهة و ما علاباليش واش صرا للي في كرشي من جهة تصوري حبيبتي حجم المعاناة لكن الحمد لله هو برا و البيبي زادت ما شاء الله
اسمحيلي اللي حكيت حكايتي باش نقولك تسلحي بالشجاعة و المهم عنك يبرا
اسال الله العظيم رب العرش العظيم ان يشفيه

mokhtaria1988 · 2015-03-16, 22:04

اقتباس:

المشاركة الأصلية كتبت بواسطة ام نهوله

ما تفكريش هكذا اختي خممي بللي راح يبرا و يولي ليك و زيد راه عند واحده خير منك اللي هي امك و الله ما ديريلو كيما هي و الله غير راني حاسه بيك انا لما كنت حامل ببنتي الصغرى في الشهر الثالث تخيلي مرض ابني مرض معدي و تعب لكن المرض ديالو جد خطير على المراه الحامل في شهورها الاولى ما عرفتش واش ندير ديتو للطبيب قالي لازم تبعديه عليك و هو كان صغير و زاد قالي ماعندي ماندير للبيبي اللي في كرشك ايلا تعدى يقدر يتعوق و الله يا اختي غير الدنيا ضياقت عليا سورتو كي حطيتو في دارنا و كانت اول مرة يفارقني هو من جهة و ما علاباليش واش صرا للي في كرشي من جهة تصوري حبيبتي حجم المعاناة لكن الحمد لله هو برا و البيبي زادت ما شاء الله
اسمحيلي اللي حكيت حكايتي باش نقولك تسلحي بالشجاعة و المهم عنك يبرا
اسال الله العظيم رب العرش العظيم ان يشفيه

و الله كي نقرا ردودكم و كلماتكم الروح ترجعلي و نتشجع بكلماتكم
شكرا لك

نارينا · 2015-03-16, 23:08

يا اختي ربي يشفيه راه عند ماماك وهي ماراحش تفرط فيه

ادعيله بالشفاء وتفكري ديما الناس اللي ولادها مريضة في سبيطار والا اللي ميجيبوش الاولاد اصلا

ربي يحفظلك الوالدة ويرجع وليدك ليك في اقرب وقت

محمد مصطفى الحبيب · 2015-03-16, 23:45

أمر إيجابي أن يألف الولد تغيير الأجواء و هذه هي الدنيا فسيأتي يوم و يلتحق بالجامعة إن شاء الله ثم يعمل ثم يتزوج....

ام يوسف 2737 · 2015-03-16, 23:57

نفس احساسي مع كل دخول مدرسي و فراقي لاولادي
الله يرزقه الشفاء و العافية و انت الصبر

ام محمد اسلام الله · 2015-03-17, 00:37

ربي يشفيه ويصبرك اختي

ام رضوان · 2015-03-17, 09:02

ربي يشفيه وتاكدي ان امك احن عليه منك ربي يحفظلك وليدك ويحفظلك امك .

بنتك يآأقصى · 2015-03-17, 11:11

ربي يشافيه ويعافيه