المقابله الشفهية للناجحين فيي iap

[مجيد الناجح]

السلام عليكم
ارجو من الاعضاء والذين قامو بالمقابلة الشفهية
سواء تقنيين او مهندسين ان يخبرونا كيف كانت المقابله

والسلام عليكم

[piko2013]

ارجو الرد على السؤال لان عندي مقبلة شفعية 23 لهادا الشهر اريد معرفة بعض الاسئلة المطروحة

[zeldavslink]

السلام عليكم
أحد الأصدقاء إجتاز الإمتحان الشفوي و إليكم ما قال:
salam a3likom TSS INSTRUMENTAION classé parmi les 20 boumerdes
j passé le ""test"" hier ,bon klk info :
c pa un test ga3 entretien basé sur ''l'armé'' et le mémoire et la vie professionnel ; visite medical simple poid la taille etc ;, classement sur site avec les moyennes obtenu au concour; rahom i3ayto 3la 7sab les besoins les moyennes et la residence ; voici le dossier et les formulaires a remplir (il manque une contient salaire min volu, pk choisir sonatrach + loisir et sport) + dossier a joindre avec les analyses

[king-hicham]

السلام عليكم
ساقول لكم كيف جرت الامور معي
لدي ديبلوم مهندس دولة هندسة كيميائية سجلت في المسابقة على تخصص هندسة الغاز و نجحت في الامتحان الكتابي و الحمدلله بعثولي ايميل يوم 04 مارس و هو عبارة عن استدعاء لحضور امتحان البسيكوتقني يوم 09 مارس في بومرداس بالضبط على مستوى مركز البحث و التطوير CRD التابع لسوناطراك مرفق بالملف المطلوب و تم التاكيد معي على ذلك بواسطة الهاتف ولكن للتنبيه فقط ان الهاتف ليس به رقم ولاية بومرداس و انما الجزائر و اظنه رقم المديرية بحيدرة وعندما ذهبنا الى بومرداس ادخلنا اعوان الامن الى فناء قرب مركز الحراسة ثم ياتي موظف و يحمل قائمة بها اسماء المترشحين المعنيين لذلك اليوم و ينادون بالفوج لتسهيل عملية الدخول ثم دخلنا الى غرفة الاستقبال حيث نترك بطاقات الهوية و يتم منحنا بطاقات badge خاصة بسوناطراك و بدونها لا نستطيع المرور عبر الحاجز الالي الا عند تمريرها عبره ثم دخلنا الى مدرج و وزعت علينا اوراق بها فراغات طلب منا ملئها و تتمثل في معلوماتك الشخصية معلومات والداك المسار الدراسي الشهادات المحصل عليها كما تجيب على بعض الاسئلة مثل لماذا تريد العمل في سوناطراك ها هو المنصب الذي تريد ان تشغله الراتب الذي تريد الحصول عليه ثم تقدم الورقة رفقة الملف المطلوب للموظفين تم ذهبنا الى غرفة انتظار و ينم مناداتنا كل على حدى و عندما دخلت الى الغرفة وجدت الموظف يرتب ملفي و ينظر الى ما كتبت في الورقة ثم طلب مني التعريف بنفسي ثم سالني عن مذكرة التخرج ثم لماذا اريد العمل في سوناطراك وهذا كل شيء حصل ارجوا ان اكون قد افدتكم و اتمنى التوفيق و النجاح للجميع كما اطلب منكم ان تدعوا لي بالنجاح النهائي في هاته المسابقة.

[ammiirr2012]

الاسئلة سهلة وبسيطة
- عرف بنفسك وش من ديبلوم وقتاش تخرجت
- خدمت ولا ولو
- كان خدمت يسقسيك على خدمتك (نصحة حتى كان خدمت قلو مخدمتش بش ميطرحش اسئلة كثر حول خدمة تعك وعلاه حاب تبطل من خدمتك الاولة ...)
كان مخدمتش يقولك من نهار لتخرجت وش تدير لهذا الوقت (قاعد وراقد ولا خدمت خدمة اخرى ....لازم تبين رك كنت تنفيقي مش راقد)
-قداه عدد عائلتك وترتيبك و تلعب صبور ولا ولو ومنظم لنادي او نشاط ثقافي دير فيه وش من ديبلوم دير فيه بعد خلصت الجامعة
كي تلقى صاحبك في البرا وش تحكو ( نحكو على كش افورات تع خدمة ونحكو على البلو مثلا ....بين روحك انسان طبيعي)
- وش حالتك مع اللغات ونبعد يقولك عرف روحك بالفرنسية ولا الانجليزية
- ميمور تعك على وش درتها ونبعد يقولك لخص ميموار تعك ونبعد يبداء يسقسي فيك على ميمور من كل كلمة تنطقها (يعني هو ميعرفش ميموارك بصح كل كلمة تقولها يحاسبك عليهااا ...يعني متقولش حاجة مش عرفهااا) ونبعد يسقسيك درت ميموار تعك وحدك ولا بي نوم (قلو بي نوم.....دليل على عمل الجماعي ) و نبعد -يسقسيك على التام تع الميموار شكون لخيرو ليك جامعة والله انت اخترتو
- يسقسيك على سوناطراك عرفهالي وعله حاب تخد م فيهاااا وكان عند صحاب يخدمو فيها قلي اساميهم
- يسقسيك على ظروف عمل في الصحراء
- يسقسيك على العسكر (كان معفى لسبب طبي....قلو معفى بسبب كفالة ميفقش بيك....نورمال)
هذه هي الاسئلة وبالتوفيق

[titoubarca]

شكرا جزيلا على التوضيحات و لكن بخصوص المبلغ ؟ شحال نحطله ؟

[اسماعيل01]

المشاركة الأصلية كتبت بواسطة zeldavslink

السلام عليكم
أحد الأصدقاء إجتاز الإمتحان الشفوي و إليكم ما قال:
Salam a3likom tss instrumentaion classé parmi les 20 boumerdes
j passé le ""test"" hier ,bon klk info :
C pa un test ga3 entretien basé sur ''l'armé'' et le mémoire et la vie professionnel ; visite medical simple poid la taille etc ;, classement sur site avec les moyennes obtenu au concour; rahom i3ayto 3la 7sab les besoins les moyennes et la residence ; voici le dossier et les formulaires a remplir (il manque une contient salaire min volu, pk choisir sonatrach + loisir et sport) + dossier a joindre avec les analyses

وش قصدك يعيطول على حساب المعدل؟؟ (بويسك انا من اللوالا ومزال مابعثوليش؟؟)

[madine123]

السلام عليكم خاوتي

انا عندي ماستر و لكت سجلت مع التقنيين نظرا لعدم وجود تخصصي في المهندسين
هل نقولهم بلي عندي ماستر ولا لا
و بخصوص الميموار هل نحكيلهم على الماستر و لا ليسانس لأنو ميموار تع ليسانس شوي عيانة مقارنة مع الماستر

كذلك فيما يخص الخدمة الوطنية عندي ارجاء يخلاص 15 مارس و انا نجوز l'entretien
16مارس هل فيها اشكال

واش رايكم

[para]

اياك التحدث عن الماستر يا اخي
لانه من شروط التي ادراجها عند التسجيل في iap كانت
عدم قبول من لديهم ماستر و تسجيل في ليسانس

[ammiirr2012]

المشاركة الأصلية كتبت بواسطة madine123

السلام عليكم خاوتي

انا عندي ماستر و لكت سجلت مع التقنيين نظرا لعدم وجود تخصصي في المهندسين
هل نقولهم بلي عندي ماستر ولا لا
و بخصوص الميموار هل نحكيلهم على الماستر و لا ليسانس لأنو ميموار تع ليسانس شوي عيانة مقارنة مع الماستر

كذلك فيما يخص الخدمة الوطنية عندي ارجاء يخلاص 15 مارس و انا نجوز l'entretien
16مارس هل فيها اشكال

واش رايكم

مثل ما قال الاخ لاتحكي على الماستر حتى لو قالولكم لعندو ديبلوم ماستر يحط في ورقة لانو انت ربحت بشاهدة ليسانس ولست بشاهدة ماستر لذلك ميربحكش مع ليسانس لانو عارف منصب مش راح تقعد فيه مع سوناطراك بلسانس يخدم واحد عندو ليسانس فقط اما مع جماعة ماستر مش رايحين يخدمك بيها لانك ريكريتمو ليسانس هذه عن تجربة مع اصدقائي (لم يعينو بليسانس ولا بماستر) ....لكن بعد نجاحك ان شالله في امتحان الشفاهي سيطلب من لديه ديبلوم اعلى وضعه في موارد بشرية لسوناطراك ..(انا اعمل الان في سوناطراك ومطلع على هذه الامور)...ويمكنك انتظر توظيف داخلي لسوناطراك بشاهدة الماستر ...بخصوص خدمة العسكرية حاوال تدبر سورسي اطول من هذ فترة يكون احسن ليك لكي تزيد حضوضك في نجاح.....بالتوفيق ودعاء لي ولوالدين

[ammiirr2012]

المشاركة الأصلية كتبت بواسطة titoubarca

شكرا جزيلا على التوضيحات و لكن بخصوص المبلغ ؟ شحال نحطله ؟

الهدف من سؤال حول مبلغ ..هو هل انت مطلع على الشركة وشحال تسلك خدمة تعها او لا
بالنسبة
- لانجنيور وماستر ...يكتب 10 ملاين يعني 100000دج
- ليسانس و شهادة جامعية التطبقية يكتب 7 ملاين 70000دج
ملاحظة مش يعني مبلغ لراح تحط يعطوهلك فقط كيما قلت معرفة مدى معرفتك بالشركة وطموحك فقط (وهذه رواتب لا تمثل رواتب عمال سوناطراك الحقيقية)
بالتوفيق ودعاء لي ولوالدين

[مجيد الناجح]

شكرا أمير
والله نورت الصفحة

استفسار فقط
انا عندي المقابلة يوم 16 مارس تقني الكتروميكانيك
بأي لغة تكون المقابلة

وهل عند نجاحك يقدر لي عندو الماستر يرتقي الى مهندس

وشكرا مسبقا

[ammiirr2012]

المشاركة الأصلية كتبت بواسطة مجيد الناجح

شكرا أمير
والله نورت الصفحة

استفسار فقط
انا عندي المقابلة يوم 16 مارس تقني الكتروميكانيك
بأي لغة تكون المقابلة

وهل عند نجاحك يقدر لي عندو الماستر يرتقي الى مهندس

وشكرا مسبقا

مقابلة تكون باللغة لتحب ....يعني كي تدخل قول السلام عليكم يعني رايح نحكي بالعربية وتكلم بالعربية حتى يطلب منك تتكلم بالفرنسية او الانجلزية (يعني تعريف نفسك مثلا ) مهم اللغة لتتحدث بيها هي لكمل بيها معاك......لاتجلس حتى يطلب منك الجلوس .....وراح يقولها بالعربية ههههههههه
اما بخصوص ماستر هي نفسها مهندس

اما اذا قصدت تترقى من ليسانس الى ماستر هذا بعد نجاحك ان شالله هناك توظيفان في سوناطراك توظيف خارجي مثل هذه مسابقة التى تقوم بهااا وتوظيف داخلي (يعني خاص بعمال سوناطراك الذين يملوكنا شهادات عالية مثل شخص عامل بشهادة ليسانس ويملك شهادة ماستر ...سوف يرقى اليا الى منصب ماستر او من خلال مسابقة داخلية اذا كان عدد كبير ومناصب قليلة) المهم اثناء نجاحك وخلال امضاء العقد مع سوناطراك بعد فترة تربص مع iap قدم ديبلوم ماستر شاهدة مكملة لشاهدة ليسانس لقسم موارد البشرية سوناطراك وبالتوفيق

[مجيد الناجح]

شكرا جزيلا اخي أمير

[هنوء]

حبيت نسقسيكم خاوتي .... واش تعني هادي ؟؟؟؟ بعتوهالي ف دوسي و مفهمتهاش هههه ... فهموني ^_^


Relevé d’Identité Postal ou Bancaire RIB / RIP.