مساعدة

[مشكلتي]

يا اخوتي الكرام يدونيلطالما كنت من الناصحين في هذا الركن و لكني الان انا في امس الحاجة لمن ينصحني سابدا بسرد مشكلتي و ارجو منكم ان تفيدوني و توجهوني لاني بالكاد استطيع التفكير.

انا موظف التقيت مرة بفتاة بالشارع و صراحة اعجبتني ذهبت اليها و كلمتها قلت لها اني اريدك في الحلال اتفقنا على فترة للتعارف لكن حدث الذي لم يكن متوقعا ذهب شخص غيري و سبقني الى والدها و طلبها للزواج فوافق ابوها دون استشارتها
تكلمت معي و قالت لي انها لا تستطيع ان تقولا كلمة لا و ان تعارض اباها قلت لها انا ساتكلم مع والدك و اطلبك للزواج فعارضتني بحجة ان والدها لن يتراجع في قراره
انا الان حائر ماذا افعل. قالت لي ليس هنالك اي حل غير الدعاء و الصبر لعل الله يفرجها علينا
ارجوكم اريد نصائحكم ربما تجدون لي حلا لما انا فيه.

[سجل أنا جزائري]

خلاص طار لحمام من لول نت غلطت كون شفتها عجبتك رحت ديركت لدار تسقسي عليها و تشوفها مبعد تخطبها

مادا تخطبت غير مكلاه تعاود تنسيستي راهم كاين بنات مي ما تعاودش الغلطة تعك

[محمد جديدي التبسي]

لا يجوز الخطبة على الخطبة ولا التعارف قبل الزواج
لماذا تتصل بها أساسا وماذا تنتظر من فتاة تحادثك في الهاتف وهي مخطوبة لآخر ووافقت عليه!!
نحيها من بالك ترتاح وابحث عن غيرها لما تكون جاهز للخطبة مباشرة

وابتعد عن العلاقات والهاتف ترتاح ويوفقك الله..ربي يفتح عليك

[نور الرحمة]

ربي يفرج عليك لكن لو اتجهت اولا الى بيتها لكانت الان ملكك ولما تركت الشيطان يلعب عليك

[هيام الريحان]

الناس كامل تغلط انت واش خاسر احكي مع الطفلة قلها اذا راكي حابتني نجي وماكيش ديري السبب هو باباك راني نجي واذا عاينها في خطيبها هذا قلها تبقاي على خير وربي يهنيك تاكد بلي كان تكون مكتوبك راك تديها وباباها يضحك

[mrmilano1984]

نورمال كل شيء مكتوب مي د حاجة في بال النساء تاع دوك قاع يحبو يتزوجو من الرجال تسمي ماتخافش تلقي تلقي راهم بالعرام المدامات لي يحبو يتزوجو لول حبو الرجال والدراري ماتتقلقش تلقا بادن الله

[كلنا راحلون]

اضم كلامي الى اخ سجل انا جزايري واخي جديد

المشاركة الأصلية كتبت بواسطة محمد جديدي التبسي

لا يجوز الخطبة على الخطبة ولا التعارف قبل الزواج
لماذا تتصل بها أساسا وماذا تنتظر من فتاة تحادثك في الهاتف وهي مخطوبة لآخر ووافقت عليه!!
نحيها من بالك ترتاح وابحث عن غيرها لما تكون جاهز للخطبة مباشرة

وابتعد عن العلاقات والهاتف ترتاح ويوفقك الله..ربي يفتح عليك

اخي جديد ردك تاع امام يجوز لا يجوز 444444444444444 امام منتدى

[knives66]

وين مشكل عادي سبق ريح عاقل

خيرها في غيرها كيما لفيتها هي تلقي غيرها

[سوستال]

مش من نصيبك.. كل شيء بالمكتوب

[mounyabiskra]

كلشي مكاتيب يا خويا لعزيز, ماعليك غير تصبر وما تدري بالاك ماتتفاهمش مع خطيبها و تولو لبعضاكم,

[عائشة1]

عاود تكلم معاها قوللها غدا راني رايح للوالد نتكلم معاه
اذا رفضت قطعا قلها تبقاي على خير يعني راه عاجبها السيد اللي خطبها
اذا وافقت يعني هي تريدك
ولا تنسى الاستخارة

[nawel26]

حبك للفتاة اكبر من حبها لك نصيحة تزوج بمن تحبك باين عليك ولد حلال علاهذيك ربي بعدها عليك

[ڪَآتِبةْ إآلَيْڪَِ]

اللي فيها الخير ربي يجيبها
لو كان فبها الخير تقعدو مع بعض لحدث ذلك
كلش بالمكتوب أخي
ربي يفرج عليك لكن في المرة الجاية
أنت ناوي في طفلة روح أخطبها
لاه تطول في الطريق من و من
كن رحت ديراكت للحلال
و لا للعلاقات و الهاتف هادي
أصلا راك مداير غلطة ضك كي راك تهدر مع طفلة مخطوبة و قابلة في الهاتف
pas logique
ربي يفرج عليك و يهنيك في الحلال
لا ماكان حتا حل مع باباها و هي
نحيها من بالك تتهنا خويا

[أنيس خير جليس]

هذا هو الحل قد قالته هي : قالت لي ليس هنالك اي حل غير الدعاء و الصبر لعل الله يفرجها علينا.
وكان الأجحدر أن تكلم أباها لا أن تكلمها هي .
وفي الختام : قد أراد الله بك خيرا
والنصيحة : اقطع اتصالكك بها نهائيا فهي لغيرك

[aviare]

هذه البنت لم تحبك مطلقا و لم تحترم خطيبها الجديد كون تزوجتها رايح تتعذب معاها
شيءاخر نرجو من العقلاء في هذا المنتدى ان يقدموا النصح للناس ماشي تمنشرو فالسيد
رلي يجيبهالك فالصواب اخي