الدراسة

[مشكلتي]

السلام عليكم
دون ان اطيل
عندي مشكل كبير الايام هاذو او اقصد طيلة هذا العام
انا مقبلة على البكالوريا
كنت لاباس عليا قبل دخول مدرسي و تحمست
الان اصابني اكتئاب
لازم تقريبا نبكي قداه من مرة ف اسبوع
القصة انو اساتذتنا ناقصين سما اضطررنا للدروس خصوصية
الدروس خصوصية فيها طبعا تاخر في البرنامج يعني روطار
الان رانا اضرابات
تخيلو الناس ف متتاليات او ربما كملتها و تدخل محور حامس
حنا مازلنا في ماكملناش المحور الاول
قلت لازم نقرا وحدي في الدار باين لا حياة لمن تنادي مع اضرابات هاذو
جيت نقرا نحب نبدا نقرا نحس بنعاس و مرة نفشل نشوف حوايج قدامي نحب نبكي فرات
نقول مانقدرش نكملهم
شفت فيديوات تحفيزيا
يوم ننشط و عشرة لا
ماعنديش اصدقاء و اللي حولي يعني كامل على مصلحتو
ماكانش اللي يقولك نوقف معاك او حتى كلمة طيبة
نقول مانستنا حتى حاجا من النس لكن نفشل
نشوف اخرين كاين معاهم اللي يساندوهم و انا لا
والفت الوحدة لكن تعبت من القراية هاذي
و الله تمرميد كبير
مانلقاوها لا من اساتذة لا من تلاميذ و اضرابات قريب شهر
نروحو حشاكم كي الكلاب
مرة نقراو ساعة مرة لا
و دركا كاين اللي يقرا و كاين اللي يدير اختبارات
حرجنا كي كملنا الاختبار الاول
و بش تصوني ندخلو قالك لازم بالاسم و القسم كاننا داخلين لقصر الرئاسة
نجيو نراجعو مع زملائنا يحاوزونا
ليكور يقولنا مانكملوش بروغرام خخاصة رياضيات ارهقتني
كنت نجيب مليح العام اللي فات
دركا الخوف سيطر عليا
نعيا نعيا نصلي ركعتين كل مانبدا
نقرا شوي نغلب
طلبت من دارنا يربطو عليا باب الغرفة باش نقرا لكن والو
غلبت
عاونوني ربي يكون في عونكم و لو بكلمة طيبة راني و الله فشلت تماما
اي حاجا نديرلها بروغرام تفسدلي
نراجع مليح للامتحان و مانخدمش نروح في حالة مروعة

[نور الرحمة]

ان شاء الله ربي يوفقك

[MAMISSA]

موفقه بادن الله

[بنت الجزائرية]

بالعقل اختي تباني متوترة بزاف وعلاش انا تاني باك ماراني فاهمة ولا حافظة بصح مراحش نجوز غدوا مازال 3 اشهر درك راح نبدا عادي مع صباح حفاضة ومع لعشية ساعدنا الاضراب مواد لفهامة هكا نراجع كلش وعلاش تقلاق هدا باك برك موش حياة وهدا قلق ميخليكش تخدمي اكيد حلي تمارين مازال عندك الوقت

[loulou88]

السلام عليكم
اختي العزيزة سهليها تسهال
اقراي عادي و بهدوء وعلاش تبكي؟؟
التلاميذ الكل عاناو من الاضرابات ..
ربي يوفقك ومتقلقيش روحك
ربي معاك

[~~نهال~~]

بالتوفيق
ربي يعاونك

[يوسف برياني]

ارسمي امامك طريق النجاح وتوكلي على المستعان

وابحثي عن اصدقاء يكون عون لك ...................

ربي يوفقك ويفقنا معاك ............

[salim.salim]

تحضير الدروس التي لم يتم دراستها هو مضيعة للوقت و ربما يكون هو سبب حالة الاحباط التي تنتابك خاصة انك تحضرينها بمفردك.

[zaki-italia1]

يا أختي واش راح نقلك تبعي مع الاساتدة تاعك بسكو مشكيتش كيما راك تقولي ضعاف مدام راحو لجامعة برنامج البكالوريا يصبح لديهم شئ تافه ننصحك تحضري دروس و لو قليلا باش تقدري تبعي معاهم لانهم قليلي خبرة فقط اطرحي عليهم اسئلة لوحدك معاهم و تشوفي ادا كلامي صحيح ..في ما يخص المراجعة و الحفظ راهو مزال الوقت يعني هدا هو الوقت المثالي غير قرايه برك... و في ما يخص التحفيز و تنمية الدات هادم ماش و قتهم درك فالعطلة دريهم... و اخطيك ايضا مالانترنت و البحث على وصفة سحرية للباك لانها والله لا توجد و فيما يخص البرنامج لي تخدمي بيه انتي تسطريه بما يساعدك ابقي فقط محافضة عليه... و ربي يوفقنا اجمعين انشاء الله

[owl city]

المشاركة الأصلية كتبت بواسطة مشكلتي

السلام عليكم
دون ان اطيل
عندي مشكل كبير الايام هاذو او اقصد طيلة هذا العام
انا مقبلة على البكالوريا
كنت لاباس عليا قبل دخول مدرسي و تحمست
الان اصابني اكتئاب
لازم تقريبا نبكي قداه من مرة ف اسبوع
القصة انو اساتذتنا ناقصين سما اضطررنا للدروس خصوصية
الدروس خصوصية فيها طبعا تاخر في البرنامج يعني روطار
الان رانا اضرابات
تخيلو الناس ف متتاليات او ربما كملتها و تدخل محور حامس
حنا مازلنا في ماكملناش المحور الاول
قلت لازم نقرا وحدي في الدار باين لا حياة لمن تنادي مع اضرابات هاذو
جيت نقرا نحب نبدا نقرا نحس بنعاس و مرة نفشل نشوف حوايج قدامي نحب نبكي فرات
نقول مانقدرش نكملهم
شفت فيديوات تحفيزيا
يوم ننشط و عشرة لا
ماعنديش اصدقاء و اللي حولي يعني كامل على مصلحتو
ماكانش اللي يقولك نوقف معاك او حتى كلمة طيبة
نقول مانستنا حتى حاجا من النس لكن نفشل
نشوف اخرين كاين معاهم اللي يساندوهم و انا لا
والفت الوحدة لكن تعبت من القراية هاذي
و الله تمرميد كبير
مانلقاوها لا من اساتذة لا من تلاميذ و اضرابات قريب شهر
نروحو حشاكم كي الكلاب
مرة نقراو ساعة مرة لا
و دركا كاين اللي يقرا و كاين اللي يدير اختبارات
حرجنا كي كملنا الاختبار الاول
و بش تصوني ندخلو قالك لازم بالاسم و القسم كاننا داخلين لقصر الرئاسة
نجيو نراجعو مع زملائنا يحاوزونا
ليكور يقولنا مانكملوش بروغرام خخاصة رياضيات ارهقتني
كنت نجيب مليح العام اللي فات
دركا الخوف سيطر عليا
نعيا نعيا نصلي ركعتين كل مانبدا
نقرا شوي نغلب
طلبت من دارنا يربطو عليا باب الغرفة باش نقرا لكن والو
غلبت
عاونوني ربي يكون في عونكم و لو بكلمة طيبة راني و الله فشلت تماما
اي حاجا نديرلها بروغرام تفسدلي
نراجع مليح للامتحان و مانخدمش نروح في حالة مروعة

ما هذا التشاؤم يا اختي تفاءلي خيرا....و توكلي على الله فهو المعين....مازال امامك شهرين و نصف قبل البكالوريا و نحن في اضرابات لذا استغلي الفرصة لتدرسي و لا تجعلي الياس ينال منك....فقط ابدئي الدراسة بهدوء و ركزي على ما تدرسينه و نوعي حتى لا تملي فمثلا صباحا خصصيها للحفظ ثم بعد الغداء و الى غاية المساء اختاري مادة علمية و حاولي حل البكالوريات السابقة و قبل ان تنامي ذاكري مادة ادبية و حلي موضوعا و سترين النتائج في غضون هذا الاسبوع فقط بما اننا في اضراب......اما بالنسبة للناس لا تهتمي باحد و اعلمي ان الناس جميعا تغيرت في هذا الوقت و اصبح الاخوة فيما بينهم لا يتواصلون فما بالك بالاصدقاء....لا تكترثي ابدا فهذه هي حقيقة المجتمع الذي نعيش فيه( حاشا لي ما يستاهلش)....طغت الانانية و حب الذات و نقص الخير و المساعدة بين الناس ...+ يمكنك الدخول و التحاور مع طلاب بكالوريا 2015 و سنساعدك باذن الله....https://www.djelfa.info/vb/forumdispl...ysprune=&f=144
+ يمكنك الاستعانة باروع الفيديوهات لاساتذة اكفاء هنا https://www.eddirasa.com/
+ تفضلي فيديوهات تحفيزية ستغير تفكيرك https://www.djelfa.info/watch?v=gaigZ-PVWcw
+
https://www.djelfa.info/watch?v=cO6jxwTFEEw
+
https://www.djelfa.info/watch?v=8EGWEUf9Xr8
+
https://www.djelfa.info/watch?v=Gm-F8H4obq4
+
https://www.djelfa.info/watch?v=iXJPz-wSeYY
+
https://www.djelfa.info/watch?v=IGyeC6PUW28
+
https://www.djelfa.info/watch?v=M8DoSxr8x2Y
+
https://www.djelfa.info/watch?v=LnwjfDgYomg
+
https://www.djelfa.info/watch?v=yS3H3BoFzew
+
.https://www.djelfa.info/watch?v=1dA8XxCDC9A
+
........
يمكنك مشاهدة المزيد هنا https://www.djelfa.info/channel/UCkr...IFNzHzsY9pk2EQ
ملاحظة : قبل ان تفتحي اي من هذه المواقع اكتبي في مكان djelfa.info :
youtube . com ( دون ترك الفراغ ** اقصد espace**) ......ثم سيفتح 100%

اعتذر عن الاطالة لكنها في فائدتك ان شاء الله.......
بانتظار اخبارك المفرحة.....

✿ دعواتك ✿

[ماريـام]

دخلت ندعيلك بالتوفيق

متتقلقيش برك و اضحكي و ففرفشي


اهم شئ الصحة و لازم المراجعة تكون مع جماعة لازم حسب خبرتي

انا كنت في الجامعة لا احضر بعض الدروس و كي نروح نراجع نقعد لمدة 15 دقيقة في كل مجموعة و الله كنت ندي احسن النتائج لانو الدماغ يكون مستعد لتقبل الشروحات خاصة لو كانت من نسا مختلفين

و ربي يوفقك اشتري عسل و غذاء الملكات و اكثري من شرب الماء و جيبي زيت الخزامة مساج للجسم ريحتو مهدءة حتى البابونج ممتاز للقلق

متقلقيش روحك خلاص انا كنت من المتفوقات في شعبتي لكني عاوت الباك تحصلت على معدل ممتاز كي عاودت بزاف دهشو و كان سببو القلق

[sabi foufa]

ربي يوفقك حبيبتي

[boba.kool]

ان شاء الله ربي يوفقك