نصيحة منكم اخواني ممكن تجنب زوجي خسارة كبيرة أرجو التفاعل مع الموضوع

[salii24]

السلام عليكم اخواني أخواتي
زوجي واقع تحت ضغط كبيييييير و حيرني معاه
هو انسان طيب و طموح، هو موظف عادي و يخاف مولاه لأقصى درجة.
كان عندو مبلغ من المال مخبيه على جال السكنة، قال علاش ما نحطوش في مشروع و هكدا نزيده بالحلال خير من البانكة و الربا الخ
عمل شراكة مع أحد أقاربه و دارو حانوت تاع كانكايري . بداو بنفس المبلغ من الطرفين
الحانوت باسم قريبه و السجل التجاري كذلك، علابالكم باللي الموظف ما يقدرش يعمل نشاط تجاري باسمه
و بالتالي عمل معاه وثيقة دين عند النوتار أملا في اثبات الحق
الاتفاق كان أن قريبه يقعد في الحانوت و يدي مرتب شهري 15000 دج للشهر و لما تكون الفايدة يتقاسموها بالعدل
لكن قريبه هذا في كل مرة يحب يحكي معاه على الفيدة يتهرب و ما يحبش يصارحو
الحانوت عندو 3 سنين دوكا و ما نال منو زوجي حتى فايدة بل على العكس في كل مرة يقولو ما عندناش باش نقضيو للحانوت و زوجي يزيدو دراهم ....
مؤخرا هدر معاه بالحسنى و قالو لازم تعملي الفواتير والمصاريف و المداخيل
خونا ما حبش و زعف وقالو بلي ما كان حتى مدخول؟؟؟
دوكا زوجي راه حاير يخلي الشراكة ويعملو خدام في بلاست قريبو
و لا يفض عليه الشركه هذي و يرجع دراهمو
و الا يفض الشركة و يرجعلو ليه دراهمو و يحكم الحانوت مع العلمبلي راه ما عندوش باش يرجعلو دراهمو؟؟؟ الا بدراهم طونوبيلتنا
ملاحظة: الحانوت يخدم مليح ربي يبارك على حساب الروجيستر و معمر ما شاء الله و بلاصتو راااايعة الله يبارك

الله يستركم انصحونا كيفاش نعملو ؟؟؟ تعب 3 سنين يروح هكداك و الله حرام
ما بقاش لامان بصح مازال الرحمة علابالي راني تاكلة على ربي في انكم تنفعوني و زوجي النية في هاذ المشكل. راح يهبل مسكين و ماشي قادر يعايبو على جال الفميلة

علابالي طولت عليكم سامحوني، بصح حبيت نشرح قدر الامكان لتوصيل المشكل لي رانا فيه
و بارككم المولى

[salii24]

استغفر الله و أتوب اليه أستغفر الله العظيم

[عبدالله بولنوار]

الحل يكون بالجماعة افضل

يعني يديلو جماعة كبار و فاهمين من اجل حل المشكل بالحسنى

و دائما راي الجماعة يكون له اثر

خاصة اذا كان فيه شهود

الاعتراف بالبدين واش فيه ( مبلغ الشراكة فقط ) المفروض

[salii24]

أولا بارك الله فيك أخي ردك أثلج صدري الضائق

بخصوص الجماعة : دالو الشهود و حكاو معاه لكن هاذ الاخ الله يهديه طيح قدر الجماعة و وقف و ضرب عليم الباب بدون اي اعتبار لا ليهم لا لزوجي
في الأخير الجماعة قالولو هذا ما احترمناش ما نزيدوش نحكو معاه و بقا زوجي يحوم حول المشكل وحدو

ما داير اعتبار حتى لواحد و قالو دير واش حبيت و الأكيد أن زوجي واشي حب يخسر و يبيع بخسارة الحانوت و لي فيه

[salii24]

المشاركة الأصلية كتبت بواسطة عبدالله بولنوار

الاعتراف بالبدين واش فيه ( مبلغ الشراكة فقط ) المفروض

نعم أخي فيه مبلغ الشراكة
بارك الله فيك

[salii24]

استغفر الله و أتوب اليه أستغفر الله العظيم

[ام اسيل امتنان]

أختي العزيزة سالت زوجي في قضيتكم و كان رده
ان كانت الوثيقة لدى موثق معتمد فانه يمكن ان يسترد قضائيا نقود الشراكة فقط و ليس الفائدة و لكن لا أنصحك بهذا الطريق وذلك لان الفصل في هذه القضايا متعب ماديا و معنويا و جل نقودك تذهب في جيب المحامي لذا نصيحتي كالتالي:
بيع السيارة و تسديد نصيب الشريك و تكليف شخص نزيه بالمحل لان نقود السلع هي محفوظة في السلع وهي دائما في ازدياد أما السيارة فقيمتها تنقص كل 6اشهر.
أما إن رفض فيجب فك الشراكة في اقرب وقت ممكن بغض النظر عن الفائدة المغرية لهذا المحل و عن الموقع الاستراتيجي له . قد يجيب شريك زوجك بأنه لا يملك المال لتسديد الدين , في هذه الحالة يجب على زوجك إجباره بتقسيم المحل سلعة سلعة حتى يوفي قيمة ماله وذلك للخروج بأقل الأضرار.
نصيحتي أخسر وفارق و لا تجرب الشراكة في المستقبل بل استعين دائما بموظف وأعطيه راتب

[Brahim 9]

السلام عليكم

زوجك هي من الاحسن ميدرلوش شهرية في حالة ما اذا كان الحانوت للكراء معنها زوجك عليه الكراء قريب زوجك ينتضر الفايدة كما هاك ميقعش هذا المشكل يكون انسان هذا يستنا الفايدة وميتهربش ويخدم بالنية وماتدخلش الحيلة

.
.
.


هذا مجرد راي والله يوفق ويسترجع حقو

[salii24]

المشاركة الأصلية كتبت بواسطة ام اسيل امتنان

أختي العزيزة سالت زوجي في قضيتكم و كان رده
ان كانت الوثيقة لدى موثق معتمد فانه يمكن ان يسترد قضائيا نقود الشراكة فقط و ليس الفائدة و لكن لا أنصحك بهذا الطريق وذلك لان الفصل في هذه القضايا متعب ماديا و معنويا و جل نقودك تذهب في جيب المحامي لذا نصيحتي كالتالي:
بيع السيارة و تسديد نصيب الشريك و تكليف شخص نزيه بالمحل لان نقود السلع هي محفوظة في السلع وهي دائما في ازدياد أما السيارة فقيمتها تنقص كل 6اشهر.
أما إن رفض فيجب فك الشراكة في اقرب وقت ممكن بغض النظر عن الفائدة المغرية لهذا المحل و عن الموقع الاستراتيجي له . قد يجيب شريك زوجك بأنه لا يملك المال لتسديد الدين , في هذه الحالة يجب على زوجك إجباره بتقسيم المحل سلعة سلعة حتى يوفي قيمة ماله وذلك للخروج بأقل الأضرار.
نصيحتي أخسر وفارق و لا تجرب الشراكة في المستقبل بل استعين دائما بموظف وأعطيه راتب

اهتمامك و تفاعلك مع الموضوع الذي أرقنا أثر في أيما تأثير و لذلك انني ممتنة لك اختي و شاكرة الشكر الجزيل و أدام الله هذا التواصل و التأزر و التلاحم بيننا
شكراا جزيلا على النصائح القيمة

[salii24]

المشاركة الأصلية كتبت بواسطة brahim 9

السلام عليكم

زوجك هي من الاحسن ميدرلوش شهرية في حالة ما اذا كان الحانوت للكراء معنها زوجك عليه الكراء قريب زوجك ينتضر الفايدة كما هاك ميقعش هذا المشكل يكون انسان هذا يستنا الفايدة وميتهربش ويخدم بالنية وماتدخلش الحيلة

.
.
.




هذا مجرد راي والله يوفق ويسترجع حقو

بارك الله فيك أخي على اسدائك النصيحة
الله يحفضك

[براءة سامية]

ربي يفرج عليكم أختي

[كنزة88]

صراحة ما لقيتش بواش نرد ربي يعاونكم ختي

[نور الرحمة]

السلام عليكم كل واحد ارجع دراهم تاعوا خيرمايخسرهم اصلا

[salii24]

المشاركة الأصلية كتبت بواسطة كنزة88

صراحة ما لقيتش بواش نرد ربي يعاونكم ختي

الله يحفظك اختي بارك الله فيك

[salii24]

المشاركة الأصلية كتبت بواسطة مروة1994

ربي يفرج عليكم أختي

و يفرج على كل مؤمن اختي الله يخليك و يسترك