من هو أفضل أستاذ درسك الطب في البليدة

[dr_many]

أردت من خلال هذا الإستفتاء معرفة مكانة كل أستاذ عند طلبة الطب في البليدة ..... أرجو التصويت .....

[الفقيرة إلى ربها]

كلهم رائعون خاصة الدكتور بوشارب، فووووووووووووووور.
كنت نحب تان الدكتورة ماريا ستيلا تاع علم الوراثة..
فاجءتني بالفكرة أخي...رائع
لكن اين الدكتور جغلاف....كامل تخافوه.هههههههه.

[الفقيرة إلى ربها]

خليني نعلق على كل واحد ذكرتو.........لكل ايجابياته و سلبياته
د.جقوادي......الحقيقة ماشاء الله هاربة في مخها، بصح يا خوي حبت تخلطنا مخنا تع الصح..
د.حاجي..ناس ملاح و قلبو ابيض برك الطلاب يقلقوه...بصراحة كنت اطرش في الزفة في حصتو
د مجاهد....صح تقري مليح ...بصح النقطة ماتجي تمدها حتى تشيب.
د.عبدي....هدوؤها يدهشني، لكن طريقة التدريس لا احبها
د حمزاوي مقراتنيش قراني الدكتور حمودي الله يذكرو بالخير..
د بوشارب...المعلومة يلصقهالك بالسيف...برك مايعجبنيش كي يودّر الورق...في السنة الاولى شيّبني مالقاليش ورقتي...


مشكور اخي

[محمد عز الاسلام]

انا لازم ندخل في الموضوع
انا يعجبني dr tabet نتاع chimie organique
مي هادي في بلعباس

[محمد عز الاسلام]

واش سليمان عجبك منتدانا ولا نتاع ................خير

[samcom]

السلام عليكم
بالرغم من أنني لم أعرف أي أسم من هؤلاء إلا أنني أوافق الأخ محمد الأستاذ tabet روعة بزاف صراحة كنت نقرى غير الموديل تاعو و هو الوحيد في أساتذة 1ere année j pense
شكرا أخ dr many على الموضوع تقبل مروري

[*منار الاسلام*]

شكرالك أخي على هذه الالتفاتة *
في الحقيقة لكل منهم طريقة في التدريس و لهم حسب رايي سلبيات و اجابية كل يراها بوجهته كل طالب له ما يفضل

بالنسبة لا أقول سوى أنني أحييهم كلهم و أسأل الله ان يوفقهم لخدمة العلم و طلبة العلم
يقلقني في بعضهم شيء واحد انهم في بعض الاحيان(يتمنكرو) عذرا على هذا اللفظ لكن الواحد منا يأااتي ليدرس و اذا فعل آخر أمرا سيئا راح كل التلاميذ في جرمه....
نسأل الله التوفيق.من أفضل سأصوت له............
جزاك الله خيرا وفقك الله

[dr_many]

مشكورين على المرور جميعا أحبتي
فيما يخص المنتدى يا خويا أكثر من رائع .. بصح خسارة عليك خليتني نضيع كل هذا الوقت مع هاذوك ........
أما أساتذتنا الكرام حبيت نتفكروهم برك و أنا نقلك أخت الفقيرة إلى ربها رأي في كل واحد
د جغوادي تعجبني لخطر عدها ما نكتبوش بزاف ( ماشي كيما قويني )
د حاجي يلعبها شويا سيتو كي يخوفنا من ليقساما مي قلبو بيض كيما قلتي
د مجاهد نحبها لخطر هي وحيدة لي تقول سلام عليكم ( و بيناننا تشبه ليما '' تفكرني فيها كي نتوحشها '' )
د بوشارب مسكين راه يحوس يدي لا روتراة مي ما عطاوهالوش
د حمزاوي كرهتها من لي بوليكوب
د عبدي أجمل حاجة فيها أنها كالم

تقبلوا تحياتي ''' تاني نتا موح '''

[dr_many]

د مجاهد 3 - 3 د بوشارب
ماتش سخون ههههه
تحيا الجزائر

[الفقيرة إلى ربها]

لوكان حطيت د.جغلاف ، اكيد هو لي يديها...هههههههههههههه...ارعبنا يا بن عمي !!!!!!

[dr_many]

يديها إذا بدلت أفضل بأسوأ
هههههههه مشكورة أختي على المرور

[سعادة الدارين]

الsلام عليكم فكرتوني في القراية و البليدة ......صدقوني رغم صعوبتها هي احسن فترة في الحياة ننصحكم اقراو و استفيدو من كل الاساتذة خاصةمن ال4eme و الفوق و اضحكو وافرحو و ازهاو (في حدود الشريعة) و ما يبكيكمش الافيشاج راه كلش يفوت و تخرجو قاع des medecins تهلاو des bon mdcins

[dr_many]

merci
je pense que tu es un medecin nn