وعدت فاتمنى ان اكون قد وفيت

[امل سكيكدة]

السلام عليكن عضوات المنتدى الكريمات ليوم جبتلكم طريقة عمل و تغليف علب الكرتون لي كنت و عدتكم بها نتمنى اكون الشرح مبسط و تكون الصور واضحة فتستفدن جميعكن باسم الله بديت و على النبي صليت
اولا اللوازم
- كرتون من النوع السميك انا شخصيا استعمل كتون علب زبدة لابال او كرتون الادوات الكهرومنزلية كالتلفزيون و الغسالات لانو السمك تاع الكرتون الازم العمل به اكون 5مم
- نحتاجو كذلك مسطرة من المعدن و كوس لتحديد الزوايا القائمة
- شريط لاصق من الموع العريض وورقي اللملمس تلقاوه في محلات الخردوات اللون تاعو اصفر فاتح
- cutter باش نقصو الكرتون
- بيستولي تاع السيليكون
- قماش نوق تافتا لداخل العلبة
- قماش اي نوع لتزيين العلبة من الخارج
- لاوات نوع رقيق
- شرائط ساتان حسب الدوق للتزيين
اولا نرسمو على الكرتون 5 اجزاء تخص العلبة و تتكون من 3 قطع مربعة 20على 20سم و قطعتين 20على 21.4سم
كذلك غطاء العلبة ليتكون بدورو من 5 اجزاء قطعة مربعة 22 على 22سم و قطعتين 23.4 على4 و قطعتين 22على 4
كما هو موضح في الصورة التالية

العلبة

غطاء العلبة

ثم نقوم بتركيب الاجزاء كما هي موضحة في الصور لنتحصل على الشكل التالي

الان اوضح طريقة وضع الشريط اللاصق على كافة زوايا العلبة اولا نبدا بالزوايا الخارجية كما توضحه الصورة



يتبع

[امل سكيكدة]

الان نقوم بتكملت تغطية كافة الزوايا بالشريط الاصق كما يلي

ونكمل العمل كذلك مع كل الزوايا الخارجية لنتحصل في الاخير على مايلي

بعد ذلك ناتي لنغلف العلبة من الداخل ب لاواط و نحتاج في ذلك لخمس مربعات من لواط 19 على19 سم

يتبع

[امل سكيكدة]

بعدها نقوم بالصاق قطع لاواط داخل العلبة بواسطة البيستولي تاع السيليكون

لنتحصل في الاخير على مايلي
نفس الشيء نقوم بعمله على الغطاء و لكن هذه المرة على الجزء العلوي فقط كما توضحه الصورة

يتبع

[ام ندى 87]

والله شوقينا يا امل كملينا الشكل النهائي مشكورة

[امل سكيكدة]

نحتاج الان الى قطعة من قماش طافطا تكفي لتغليف العلبة من الداخل
نقوم بخياطة القماش بطريقة تسهل علينا تكماشو كما توضحه الصورة
و عند الانتهاء من خياطة كافة الجوانب
نقوم بتثبين الزوايا الاربعة للقماش مع زوايا العلبة بواسطة السيليكون كما يلي

يتبع

[امل سكيكدة]

نكملو نلصقو كل القماش حتى يتثبت مليح داخل العلبة
كي نخلصو نرجعو نغلفو العلبة من الخارج بالقماش لي خيرناه نقصوه بحجم العلبة و نشيطو 1سم من الجهة العلوية اي فتحة العلبة باش نقدرو نثنيوه و 2سم من الجهة السفلية و 1سم من الجانب
من بعد نبداو تلصاق القماش من الاعلى جهة زاوية العلبة كما في الصورة

حتى نكملو كامل العلبة
يتبع

[امل سكيكدة]

من بعد نحاولو نشدو مليح لقماش لجهة الاسفل بعد ما يكون السيليكون جف مليح و نثبتوه في قاعدة العلبة و كل ما نلحقو لزاوية نحاولو نتحصلو على ثني مثالي لزاوية قائمة و نلصقو مليح بالبيستولي
باش نتحصلو فالاخير على مايلي
من بعد نزينو العلبة كيما حبينا انا خترت حاشية رقيقة بنفس لون داخل العلبة مع تزيين بخطوط عشوائية

من بعد نجيبو قماش نوع دان اكون بنفس لون العلبة او داخلها و نقصو مربع 21على 21سم ونثبتوه اسفل العلبة
الان نروحو لغطاء العلبة نحطوه فوق لقماش كما في الصورة
يتبع

[امل سكيكدة]

نحاولو نثبتو القماش من الوسط فالغطاء
ونخلو الجوانب للاخير لانو لازم فيهم شوية اتقان باش متبانش الخدمة مخربطة ههههههههه تعجبني هاد الكلمة


من بعد نبداو نركبو الحاشية تاع التزيين بنفس الطريقة لخدمنة بيها العلبة


يتبع

[امل سكيكدة]

كي نخلصو من تزيين الغطاء نروحو لتغليفو من الداخل بواسطة قماش الدان مثل ما فعلنا مع قاعدة العلبة و لكن هاد المرة المربع اكون بقياس 21على21سم و نثبتو مليح بالسيليكون من الداخل
فالاخير رايحين نتحصلو على الشكل التالي


نتمنى نكون قدرت نشرح ههههههههههههههه راني خلطتها عربية مع دارجة ربي يستر برك منتساونيش خواتاتي بصالح دعائكن جزاكن الله الف خير سلامممممممممممممممممممممممممممممممممممممممممممم

[امل سكيكدة]

[ryma221]

yislamo okhti
rabi yat3tik matatmanay nchallah

[انمي]

يعطيك الصحة

[نسيم الإيمان]

يعطيك الصحة هاااااااااااااااايلة
ربي يعطيك ماتتمناي ان شاء الله

[haniab]

ما شاء لله عليك اختي مبدعة ^_^

[الدنيا]

الله يبارك كل صبع بصنعة ممكن نصنع ووحدة نديها معايا في جهازي؟