سلام عزيزاتي
نشا الله تكونو كامل غاية
ليوم بغيت ثانيك نشارك بوصفة أخرى من الوصفات لجربتها ونجحت معايا ولحمد لله
وبعدما شفت الطلب عليها من بعض الأخوات رب يحفظهم
الغريبية بطريقة ناجحة صدقوني جي خفيفة بلبزاف كلاوهالي في النهار لول
المقادير
1 كغ فرينة
3/4 كاس سكر عادي
نصف لتر زيت ( نزعي قيمة3/4 كاس من نص لتر وعوضيه زبدة بلاما تذوبيها)
1 بيض
2 خميرة كيميائية
قرصة)غير شوية) ملح
قرفة مطحونة
الطريقة
ضربي البيضة مع السكر حتى يوليلك لونها أصفر جد فاتح( ضيفي سكر غير بشوي)
نخلي الفرينة +خميرة+قرصة الملح وحطيها على جيه
حكمي الزيت لنزعتي منو قيمة 3/4كاس و ضيفيه للخليط وخلطي 7 د ثم ضيفي الزبدة وخلطي مليح من بعد ضيفي الفرينة للخليط غير بشوية على خمس دفعات حتى تشوفي بلي عجينة تقدري تلميها بيديك, اذا حافظتي على العبر لقدمتو راه تخرجلك عجينة متماسكة وطريت وتقدري تعملي بيها كويرات بلاما تتشققلك
ادهني سنيوة تاعك بشوية زيت ورشيها بشوية فرينة وبعدما تعملي شك الغريبية المتعارف عليه (كورة مسطحة) اضغطي بصبعك الصغير في وسط كل حبة وحطي شوية قرفة و دخليها للفرن بعدما يكون سخون مسبقا ع درجة 180 ولمدة 15 دقيقة تكون الغريبية تاعك طابت مليح خليها تبرد ذوقيها ورجعيلي لخبر
و في الاخير
شهية طيبة عزيزاتي
( تقرير عن مشاركة سيئة )، و الموجودة أسفل كل مشاركة .
2015-04-04, 11:19
غريبيه هشيشة حسب الطلب
العرض الشجري