تقرعيجة

[الأزرق الملكيّ]

السلام عليكم

سؤال لنساء .إذا جاءك شاب وطلب يدك لزواج كم هو المهر الذي تطلبين

سؤال للرجال . كم المهر الذي تريد ان تدفعه إذا أردت الزواج

لكم الفسحة

[ام نهوله]

اظن انه لا علاقه لي بالموضوع لاني متزوجه ويلا راك حاب تقرعج نقولك

[الأزرق الملكيّ]

مرحبا ام نهلة إذا أردتي تخبرنا بمهرك

التقرعيج

[*سندوسة*]

حنا في دارنا كي يجي خطاب لدار نهار شرط الاب نتاعي يقول للعريس دير لحاجة لي تقدر عليها كيما ختي يعني مانشرطوش

هو عطاها مهر 7 ملاين ودارلها طقم ذهب

[ام نهوله]

انا كان مهري قبل 7سنوات 8ملاين و البارور ما نكدبش شابه بزاف بصح قبل ما يدخلو شي ناس و يقولو غالي حبيت انوه انا ماشرطتش هوما جابو بمحض ارادتهم و اختك في الله ما قالتش لالا ههههههههههههه بيناتنا ايلا كان هو كاينلو وحب يهدي علاش نقولو لالا

[أَحمــد]

وعليكم السلام ورحمة الله
-----------
طبعا لا يطلبون شيئا "شارطين الهنا" وفقط
-----
وأنا كذلك أريد أن أدفع 'الهنا' وفقط ..

https://www.djelfa.info/vb/showthread.php?t=1735558

[imi25]

السلام عليكم
موضوع ضحكني صح
وخاصة رد الاخ ebusienss
انا شرطي كان 6 ملايين وللعلم متزوجة من عام 2011 ورضيت بيه وجابولي مقياس في الحنة بلا فليزة وتصديرة وسينية بقلاوة ونزيد نقولك حاجة زوجي ساكن في الامارات
والحمد لله كلش عدى مليح

[imi25]

المشاركة الأصلية كتبت بواسطة ام نهوله

انا كان مهري قبل 7سنوات 8ملاين و البارور ما نكدبش شابه بزاف بصح قبل ما يدخلو شي ناس و يقولو غالي حبيت انوه انا ماشرطتش هوما جابو بمحض ارادتهم و اختك في الله ما قالتش لالا ههههههههههههه بيناتنا ايلا كان هو كاينلو وحب يهدي علاش نقولو لالا

السلام عليكم
عندك الحق يا ام نهولة
صح عليك وان شاء الله يزيد يهديلك

[amel03l]

نقرعجلك خويا الصغير..ابي قاللهم راهي بنتكم جيبولها واش حبيتو...وهوما دارولي طقم ذهب و لبسة وحدة متصديرة و الطقم امه كانت مصرة عليه و شراتو .كي راهو يبني و حاصل .انا قلتلو جيب حاجة او اثنين ماشي لازم طقم و تفاهمنا و لكن امه راحت و شراتو و التبق راني نضل نقولو ماجيبوش .c est pas la peine و امه تقول لالا لازم و العادات و التقاليد

[ام نهوله]

المشاركة الأصلية كتبت بواسطة imi25

السلام عليكم
عندك الحق يا ام نهولة
صح عليك وان شاء الله يزيد يهديلك

شكرا اختي و لك بالمثل

[عبد الله 34]

والله ما علابالي... نتمنى ربي يسهلي الامور ومن بعد كل شيء ساهل ان شاء الله
كيما يقولو يكون شرط كيما الناس وخلاص ..حاجة moyenne

[adillo]

انا صراحتا ايلا لقيت الفتاة لي تحبني كما قال الاخ الفاظل تحبني كما راني وتصبر معايا نقلعلها عين من زوج عيون لي عدي ونعطيهالها ماشي خسارة في رفيقة الدرب نخلي عين برك باش نشوف الابتسامة ديالها باقي عمري

[*نآدرة~]

المشاركة الأصلية كتبت بواسطة adillo

انا صراحتا ايلا لقيت الفتاة لي تحبني كما قال الاخ الفاظل تحبني كما راني وتصبر معايا نقلعلها عين من زوج عيون لي عدي ونعطيهالها ماشي خسارة في رفيقة الدرب نخلي عين برك باش نشوف الابتسامة ديالها باقي عمري

كثيرة حظ صدقني من ستكون رفيقة دربك..حينما يكتب الله لك لا تنسى أن تريها هذا الرد سيطير قلبها فرحا صدقني


مررت"للتقرعيج"فشدني الرد جدااا

[أم مبين]

انا ما اشترطت حتى شيء وبابا ما شرطش عليهم قالهم احنا نشرو راجل ماشي الدراهم قالو ندفعو كما كامل الناس في المنطقة تاعنا ودفعو 14 مليون والدهب والتبق

[جَمِيلَة]

المشاركة الأصلية كتبت بواسطة * أبو فراس *

وعليكم السلام ورحمة الله
-----------
طبعا لا يطلبون شيئا "شارطين الهنا" وفقط
-----
وأنا كذلك أريد أن أدفع 'الهنا' وفقط ..

https://www.djelfa.info/vb/showthread.php?t=1735558

السلام عليكم ورحمة الله وبركاته
أهلا أخي أبو فراس
في الحقيقة يبدو لي أن هذه الجملة واسعة وشاسعة وتدخل الإنسان في متاهات -بغض النظر عن النية- وتوقع الخاطب في مأزق كبير وفي حيرة وحرج لأنه إذا دفع مبلغا بسيطا أو هدية رمزية خاف من أن يبدو بخيلا في أعين أهلها -وهذا غير مستبعد- وإن هو أراد أن يبهرهم عليه دفع الكثير كما يمكنه أن يواجه طلبات مستقبلية غير مسبوقة وهذا فخ وقع فيه الكثيرون
إنهم لو اتفقوا على قيمة محددة منذ البداية لكان أفضل هكذا يتفادون الخداع وسوء النية
لكن على ما أظن أليس المهر هدية يهديها الرجل للمرأة مما يستطيع هو فكيف أصبحت الفتاة من تشترط هل من مجيب؟
عذرا منك أخي الازرق الملكي يبدو أنني ذهبت بعيدا عن الموضوع
سأقبل بحكمك لو أردت أحذف
بارك الله فيكم
تحياتي