اليوم قلت ندير حاجة جديدة كي عادت لويكاند ومعى الخدمة سمانة كاملة ديما نعقبوهاةعادي ايا لازم عشاء باهي ليلة
حوست ولقيت بيري بالسلق للاخت اسمهان ايا قلت نجربو
بصح المشكل حنا عائلة كبيرة وعشرة كيلو باطاطا ما تكفيهمش لانهم يحبوها بزاف
وعلابالي المول يلحسوه من لكبير لصغير
بصح انا مش حابة نديرها كامل باطاطا وبما انو راح تكون بالصوص و الفرماج يعني مش راح تبان
وهنا بدات افكاري الجهنمية وقلت علاش ما نديرش بيري بالخضر
فكرة:
وزيد علاه خممت هكذا لانهم في الدار يتقلشو وما ياكلوش الخضر ياكلو غير الباطاطا
اذا كانو هوما يفهمو انا نفهم اكثر منهم وليلة يتعشاو بالخضرة وبلاما يفيقو
مالا درت بيري بالباطاطا و الزرودية والجريوات وكي هرستهم وزدتلهم السلق و التوابل ولا ما يبانش فيها بلي خضر
والصور مش راح نحط بالتفصيل لخاطر كنت نطيب فيهم بالتخبية لوكان يفيقو بيا يتعشاو بيا ههههههههه
اما فكرة انو ديريهم كريات وطيبيهم في الماء المغلي ما فهمتش علاه وما دخلتش راسي وماما تقلي يا طفلة واش راكي ديري
وانا نقلها ياخي انا شاف كولو واسكتو ههههه
و الصوص درتها عادي لكن زدتلها باط ساردين تومام وعمرتها فرماج
هذا اكل باش ما يفيقوش بالخضر
هذا الرابط ولي عودة معى الصور نتمنى انكم تجربوها والله هايلة ولي اولادها ولا دارهم ما ياكلوش الخضر تحيلهم كما درت انا والله حرام نعمت ربي تبقا حتان نطيشوها
هاو ليكم https://www.djelfa.info/vb/showthread.php?t=1771274
( تقرير عن مشاركة سيئة )، و الموجودة أسفل كل مشاركة .
2015-05-30, 18:49
تطبيقي ل بيري بالسلق+حيلة هيهيهي
العرض العادي
