نصوص حلقات قصة حب...متجدد بإذن الله

[آيات بن نبي]

سلام عليكم ورحمة الله وبركاته
كل عام وكل اعضاء منتدانا بخير وأقرب إلى الله ويا رب رمضان السنة دي يبقى أحلى رمضان عدى علينا

كل رمضان بييجي، بنفكر ايه الهدية اللي هيجيبهالنا معاه، هل هي عبادة جديدة؟ وهل ستستمر بعد رمضان؟

عشان كده احنا مش هنتكلم عن عبادة، احنا هنتكلم عن شئ هو أصل كل الخير والسعادة شئ وجوده في حياتنا هو اللي بينقلنا من العدم للوجود...وفي قاعدة لينا في برنامجنا "قصة حب" وهي (حيث يوجد الحب توجد السعادة)

ربنا سبحانه وتعالى أحب النبي صلى الله عليه وسلم، ولما امتلأ قلب النبي بالحب، نشر النبي هذا الحب على كل خلق الله

هنتكلم في قصة حب عن حب النبي للكافر، وان الكافر لو اختلف مع مسلم كان يذهب للنبي يشتكي له ويطلب منه العدل الذي يعرفه في النبي
هنتكلم عن حب العصاة، وكيف ان العصاة من الأمة كانوا يعلمون قدر محبة ورحمة وحنية النبي، وكانوا يذهبون له ويبوحون بضعفهم له ويتحدثون عن ذنوبهم وهو كان يهديهم للصواب بكل حب
هنتكلم عن حب النبي للخدم، وكيف ان الخدم كانوا حتى بعد انتهاء عملهم ينامون على باب النبي من حبهم له لكي لا يحتاج لشئ
هنتكلم عن حب النبي للحيوانات، وكيف ان حتى الشاه المسمومة نطقت وقالت له ألا يأكلها

ومعانا شركاء في كل حلقة من كل فئات المجتمع من المشاهير اللي حضراتكم تعرفوهم وبتحبوهم هيرسلوا "رسالة حب" وهو اسم هذه الفقرة لكي يعبروا عن حبهم للنبي صلى الله عليه وسلم
السلام عليكم ورحمة الله وبركاته

هنتكلم في قصة حب عن أهم معنى، عن شئ هو أصل كل شئ...عن شئ هو أصل كل خير...هنتكلم عن الحب
هدف برنامج قصة حب
1- حب سيدنا محمد صلى الله عليه وسلم عشان نحب كل شئ من صنع الله
2- نتعلم ازاي نعبر عن حبنا

ساعات ممكن أحس إني قريب من ربنا وبعدين أغلط غلطة أحس انها بعدتني عن ربنا...هل ده حقيقي؟
القرب من الملوك له قانون...لو حافظنا عليها نفضل قريبين من ملك الملوك سبحانه وتعالى

من أول ما ربنا جهز الدنيا لاستقبال النبي صلى الله عليه وسلم، جمع الأنبياء وأشهدهم بسيدنا محمد عليه الصلاة والسلام: (وَإِذْ أَخَذَ اللَّهُ مِيثَاقَ النَّبِيِّينَ لَمَا آتَيْتُكُمْ مِنْ كِتَابٍ وَحِكْمَةٍ ثُمَّ جَاءَكُمْ رَسُولٌ مُصَدِّقٌ لِمَا مَعَكُمْ لَتُؤْمِنُنَّ بِهِ وَلَتَنْصُرُنَّهُ ۚ قَالَ أَأَقْرَرْتُمْ وَأَخَذْتُمْ عَلَىٰ ذَٰلِكُمْ إِصْرِي ۖ قَالُوا أَقْرَرْنَا ۚ قَالَ فَاشْهَدُوا وَأَنَا مَعَكُمْ مِنَ الشَّاهِدِينَ (آل عمران: 81))

من أجمل ما في الحب كلمات الحب

شوفوا ربنا قال ايه للنبي صلى الله عليه وسلم؟
وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ (الطور:48)
من أعلى معاني الحب أن شخص يقول لشخص "أنت في عينيا"، تخيلوا حب ربنا للنبي عندما يقول له "فَإِنَّكَ بِأَعْيُنِنَا ۖ"
النبي لم يتعدى حدود الأدب مع الله

مستني قصصكم عن القرب والأدب مع الله
كنت قريب وبعدين عملت حاجة مش صح فحسيت اني بعيد

الوصية
قراءة كتاب "الشفا بتعريف حقوق المصطفى" للقاضي عياض

ربنا يحبكم
أخوكم مصطفى حسني