موضوع مميز سـرديـن مـحشـي بالـروز

malek nour hane · 2013-12-13, 18:23

السـلام عليكـم و رحمة الله و بـركـاتـه ... هـادي اول مشـاركـة ليـا حبيبـاتـي و ان شـاء الله تنـال اعجــابـكـم و اليـكم وصـفة سـردين محشـي الروز
بسـم الله و نـبـدأ علـى بركـة الله
المـقـاديــــر : - ســرديـن ، ثـوم مرحـي ، حبـة فلـفـل حـلـو مربعـات ، حبـة طمـاطـم مـربعـات ، فـلـفـل حــار مـربـعـات ،
كمــيــة مليــحـة كمــون ، مـلـح ، فلفل اسود ، دبشة و معدنـوس مقطعين رقيق و نحتاج كدلك روز مغلي و مقطر مليح ، زيت زيتون

و للصوص نحتـاج من 2 الى 3 حبـات طماطم كبــار و فلفل حـار دوائر ، شـوية ثــوم ، ملـح ، فلفل اسود

طـريـقـة التحضـيـر : نظفـي السـردين كالعادة و نحيلو السلسول و اغسليه و خليه يقطر مليح

ارحـي كمية مليحة مليحة من الثوم ( ارحي مليح مادريش كيما درت انا )

كي يقطر السردين مليح رتبيه في سنية تكون مسطحة و ملحيه شوي ( خاطر الحشو فيه الملح ) و ادهنيه بالثوم و خليه يرتاح حوالي نصف ساعة مـابين توجدي الحشو

الحشو : قطعي فلفل حلو مربعات + طماطم مربعات + فلفل حار مربعات + دبشة و معدنوس مقطعين رقيق

بعد ما يكون الرزذوز تقطر مليح ضعيه في اناء ضفي فلفل حار و حلو + طماطم + دبشة و معدنوس و اخلطي جيدا
و مبعد زيدي كمون + فلفل كحل + شوية ملح لا خاطر روز و الحوت مالحين و الصور توضح ذلك

ادهني المول تاعك ب الزيت الزيتون ( لازم زيت زيتون ) لا خاطر بننها و يمد طعم هايل مالقري مانحبش زيت زيتون
بصح هنا يخرج روعة

ابداي احشي السردين تاعك بكمية قليلة من الروز و روليه ثم ضعيه في المول المدهون ب زيت زيتون و رصيه جيدا باش مايتفتحلكش و الصور توضـــح

بوخي فوق سردين شوي زيت زيتون

وجدي صوص تاعك ارحي طماطم + ثوم + ملح + فلفل كحل و صبيها فوق السردين

قصي قوقها فلفل حار دوائر و دخليه للفـور حتى ينضج

زينيه بشرائح الليمون و انا زينتو بشرائح الليمون و فلفل حار مرقد

ان شاء الله تنال اعجابكم و يكون الشرح واضح و دعواتكم

ام طيري الجنة · 2013-12-13, 19:00

اممممم شهيتيني يعطيك الف صحة و عافية اختي الكريمة

malek nour hane · 2013-12-13, 19:02

تعيشي ام طيري الجنة فرحتيني برد تاعك ..الف شكر

أم إناس · 2013-12-13, 22:27

اممممممممممم ماشاء الله راكي تعرفي طيبي طبق يشهي والله شهيتيني
ويعطيك الصحه
والمنتدي راه ثقيل عييت نحوس على الموضوع تاعك حتى درت بحث به لقيتك حنونة ما تقوليش واحد ماحب يدخل لا لا حنونة. راه موضوع مميزه سلام لك حنونة

*أم كوثر* · 2013-12-13, 22:37

واخيرا شفت الموضوع
اختي ملك الصور كبار حاولي تصغريهم لتسهيل التصفح
ويعطيك الصحة الطبق يشهي والاهم غني ومتنوع
وبما انه اول موضوع ليك رح نعطيه شعار التمميز باه تعودينا على جديدك

بشرى2008 · 2013-12-13, 22:47

44444444444444444444444444'

mounia hse · 2013-12-14, 00:00

الله يبارك
و راح نقوللك خرجلك هااااااااااايل و ان من محبي السردين و نعشق الروز و انت عطيتيلي فكرة مليحة كي جمعتيهم مع بعضاهم الف شكر

و ان في انتظار جديدك و لك احلى تقييم
شكراااا

R I A D · 2013-12-14, 07:53

ما شاء الله طبق يشهي و لذيييييذ
عطيتينا فكرة الروز في السردين
شكرا لك

زينة نور · 2013-12-14, 08:22

مممممممممممممممممممممممممم يشهي
يعطيك الصحة

دائمة الحمد · 2013-12-14, 08:22

عجبني يا سر لانو يعتبر وجبة كاملة وطبق بريزونتابل شكرا على الابداع فكرة هايلة

malek nour hane · 2013-12-14, 17:16

فرحتوني بزاف بزاف بردودكم ربي يخليكم ليا حباباتي و يعطيكم ماتتمناو....ام كوثر شرف كبير كي رديتي عليا و الاهم انو عجبك حنونة ربي يفضلك يالعزيزة و يخليك و فرحتي كبيرة بشعار التمييز و ان شاء الله نحطلكم لجديد بصح اصبرو عليا شوي برك يفوت عرسي و نحطلكم وش عندي بالرغم مانيش بمستواكم الراقي..حبيبتي ام كوثر اسمحيلي مانعرفش نصغر الصور ادا تقدري تعلميني والف شكر ام كوثر الله يجازيك خير.....عزيزتي و حبيبتي ام اناااااس الله يخليك و يعزك فرحتيني بردك و راني نتعلم منكم بزاف حبيباتي....مونيا شكرا على الرد الجميل يا جميل و ان شاء الله تجربيه و يعجبك راهو بنييين و مختلف عن السردين المقلي و لا لمداوي هايل...شكرا لكم كاااامل كااامل...

الملاك المجروح93 · 2013-12-14, 18:27

ربي يحفظك حبيبتي يهنيييك ويفرحك والله روعة و اكييييييييييييييد رايحة نجربو تسلم يدك

hanane220 · 2013-12-14, 21:53

بركة الله فيك حبيبة و يعطيك الصحة مع اني اعشق السمك عجبتني هذه الوصفة الرائعة شكرااا

ميار صهيب · 2013-12-15, 19:33

الف شكروجزاك الله خيرا
وبارك فيك

hananepsy18 · 2013-12-15, 22:04

merci okhti 4444444444444444444444444444444444444444 bazef