ارفيس الفور او رفيس

[ام فراس اصيل]

اانا عضوة جديدة معاكم اليوم حاطب وااليوم نوريلكم كيفاه تعمل رفيس قسنطينة
المقادير : دقيق عادي شوية ملح شوية سمن ولا مارقرين تبسيه مليح يدخل السمن وبعد ذلك تلميه بشوية ما مع ماء الزهر وتلميه غير بالاصابع ماتعجنيهش وبعد ذلك تحطيه في مول انتاع الفور وتطيبيه حت يحمار كي يحمار تجبديه تهرسيه وهو سخون بعد ذلك تسيريه حتى يهبط الرقيق هذاك بخيه كيما الكسكس بصح بالحليب عادي وفوريه الفورة الاولى وبعد ذلك الثانية ديريلو شوية ماء الزهر وحطي يفور كي يفور اجبده وهو سخون هكاك تكوني وجدت العسل يكون عاقد شوي وتحطي فيه زوج مغارف ولا ثلاث مارقرين تذوب في العسل ومبعد تحطيه فوق الرفيس وتخلطيه وتزينيه بالسكر الارر طب والجوز وملاحظة اللي حاب تدير فيه الكاوكاو واللوز مرحين في الرفيس يجي مليح ونتمنى تجربوه ويعجبكم وتقولولي واش رايكم هذه اول مشاركة ليا

[zina10202]

ya3tik sa7a hna aussi f annaba ndiroh kimahak

[إلهام07]

مشكورة اختي أم فراس وان شاء الله ماتكونش آخر مشاركة ليك معانا
تحياتي

[tong2]

بالغالي
شكرا على الشرح حبيبة

[منارة التاريخ]

نحب هذا الرفيس بزاف بارك الله فيك

[05Mayssem]

رايحة نجربو ان شاء الله شكرااااااااااااا

[ام رشدى]

يعطيك الصحة روحي في الرفيس

[رمضان للح]

شكرااااجزيلااااااااا

[أم محمد تاج]

الله يعطيك صحتك باين يشهي مممممم

[idron0]

بارك الله فيك حبيبة

[sabrina el-chark]

يعطيك الصحة
هادا حنا نسموه رفيس زراوي

[إكليل]

تقريبا نفس طريقتنا في الغرب نعملوه هكذا وخصوصا في النفاس........... بارك الله فيك.

[ام سراج وملاك]

يعطيك الصحة حنونة نسمع بيه يقولولو زيراوي متنسايش كي ديريه كشما مرة ابعثيلي منو

[ام فراس اصيل]

تستاهلي كل خير يا ام سراج وملاك كي تجبني الطريق تم نجيبلك منو

[Memories]

شكرا بارك الله فيك.. عندي سؤال ليك و للاخوات.. راني ناوية ندير هذا الرفيس في نفاسي ان شاء الله.. نقدر نفور كمية كبيرة و من بعد نديرلو العسل و الزبدة عند التقديم ولا كيفاش؟