كبااااااااب......و شوارما روووووولي

[اسمهان79]

السلام عليكم ورحمة الله وبركاته
زعما اليوم راني فحلت وحطيت زوج مواضيع
لازملي زغروتة راكي تسمعي ام ماجد وام ياسين
يلا بسم الله
كباب في الفرن



شاوارما رولي




كباب في الفرن روعةةةةةةةةة



أولاً ارحي راس فلفل حلو اكيد مغسول ومنقي من الزراعة نتاعو نفس الشيئ مع راس فلفل حار خليط من الدبشة والمعدنوس ثوم نصف حبة بصل ارحيهم مليح في روبو ومن بعد حطيهم في شاش واعصري من الماء لانو الفلفل والبصل يطلقو الماء



خذي كمية من اللحم المرحي وخليط الفلفل اللي رحيتيه صفار بيضة كمية من الفرماج رابي ملح فلفل اسود توابل الكاري لفاح زنجبيل فلفل احمر مرحي ثوم بودرة وخلطي الكل مع بعض



ثم شكلي مستطيل وليفه في ورق بلاستيكي ثم في ورق الالمنيوم ولفي عليه مليح أعطيه شكل مستطيل
ثم في مول في الماء والى الفور من نصف ساعة الا ساعة غير ربع



لما يطيب كي تحليه حيله في مول اوطبسي باه لاصوص نتاعو تقعد في الطبسي



زينيه كيما تحبي
انا قدمته مع سلاطة روز



وزينتو بالفرماج الطري تحبي اسقيه بلاصوص اللي نزلت منو وممكن تقطعيه بشكل مائل وتسقيه لاصوص اللي نزلت منو رهيييييبة في البنة



يعني بالشكل اللي يرضيك وتقديمه مع الشيئ اللي تحبي
فقط نقولك راه بنيييييين ما تتصوريش الفلفل عطالو بنة خيااااااااال
شاورما رولي



خذي كمية من صدر الدجاج شرائح رقاق وتبليه بالملح والفلفل الاسود والزنجبيل والخل او عصير الليمون شوية موطارد ( اللي هي الخردل ) وخليهم مدة اربع ساعات او اكثر
قلي في الزيت شرائح البصل مقطعة هلالات وفلفل حلو حتى يذبالو مليح اضيفيلهم الدجاج اللي تبلتي من قبل وزيديلهم 1م ك خل وشوية بهارات والقليل من لاموطارد واكيد الثوم وخليط من المعدنوس والدبشة وقلي الكل مليح على نار ذليلة حتى يطيبلك الدجاج



خذي قطعة فحم شعليها وحطيها في كاس وفي وسط الخليط حطي الكأس وصبي شوية زيت على الفحمة وخطي بغطاء راح يتكون دخان وهاذاك الدخان راح يمد طعم الشواء للدجاج نتاعك



ارحي نصف صدر الدجاج اللي بقالك وتبليه بالمعدنوس والملح والفلفل الاسود ولفاح والزنجبيل وصفار البيض وراس فلفل حار يغير في بنة الدجاج المرحي عادي



ثم اطرحيه على ورق بلاستيكي وحطي الشاورما نتاعك على الجانب بالطول



وبمساعدة الورق البلاستيكي لفي على الشاورما الدجاج المرحي تتحصلي على شكا اسطواني زيدي لفئه في ورق ألمنيوم وحطيه في بلا نتاع فور فيه الماء ودخليه للفور يطيب راه ما يطولش في الطياب



كي تنحيه ادهنيه بخليط لهريسة ولاموطارد والزبدة الطرية والفلفل الاسود والملح والثوم تدهنيه مليح ثم حمريه في الزيت



وتقسميه بشكل مائل انا قدمته مع بطاطا قطعتها هلالات كبار وفورتها ثم قليتها في الزيت ومن بعد نحيت الزيت وضفتلها شوية دبشة وفرماج رابي وملح وفلفل اسود وطرف زبدة وقليتها مليح






وقدمتها مع رولي الشاورما سخونة يا لهوييييييي هو بنين يقتل والبطاطا ودرتلي عقلي جربي ومش راح تندمي اكييييييييد
في امان الله حبيباتي