اضراب الاساتذة والضحية التلميذ.

[yara media]

السلام عليكم

وشراكم صافا

اليوم حبيت نطرح موضوع عن الاضراب الاساتذة الذي ما حبش يخلاص انا وحدة كل يوم نروح لليسي ومنبعد نولي.
الشيء الي راح مهبلني انا الاستاذات يقروا و الاساتذة ميقروش نروح ساعة نقراها وساعة منقراهاش والله غير هبلونا ومنبعد يقولولك تقراو في العطلة .
وزملاءنا تع الباك مساكن راح يموتو كل يوم يجوا وميقراوش وزيد من الفوق لالة الوزيرة تقول مكاش العتبة علاش راكم ديروا فينا هكا علاش.
المستوى الدراسي في الجزائر راه في انحطاط وليش في ارتقاء
شوفي حل يا وزيرة راهم التلاميذ هم الضحية الكبيرة اكثر من 15 يوم مقريناش
الحاجة الي محبوش يفهموها اخواننا الاساتذة ان التلاميذ في كل مرة هم الضحية وهم المتضررين
ارجو من الاساتذة الي راح يقراو موضوعي ميزعفوش راني عارفة بلي كاين اساتذة عندهم اولاد واولادهم راهم كيما حنا
تقبلوا تحياتي

[ع.جمال]

وعليكم السلام ورحمة الله وبركاته.

موضوعك مخالف من ناحيتين الأولى أنه في غير القسم المخصص له والثانية مكتوب بالدارجة وبالتوفيق لك.