قذف بنات الفاميليا

[anfal10]

السلام عليكم

بعد موضوع نحوس على بنت فاميليا اليوم تفكرت وحد الحكايات تاع بنات لي ظلموهم الناس و هدروا فيهم كلام باطل كيفاش يقدروا بعض الناس يكذبوا او يديروا اشاعات باش يوصلو للمبتغى تاعهم

جاء خاطب لدار فلانة بعد ما سقسى عليها او شكرولوا فيها الناس في مكان عملها هو كان ايدير تكوين و هي تعمل في الادارة المهم شافها عاجباتوا قاللها اعطيلي لادراس نجي نخطب و هي ماتت بالفرحة في بالها خلاص رايحة تتزوج بدات تخمم على القاطوا و التصديرة ووووو
كيراح لهاداك المظرب هو ماشي من الولاية يمشي او يسقسي تلاقى راجل قالوا لافامي كذا تعرفهم او بدا اقرعج وعلاش راك جاي ليهم علامن تحوس ؟؟؟ قالوا جاي نخطب بنتهم بدا يمنشر في العائلة او البنت قالوا خطيك ماشي فاميلا تناسبها و انت راك نية ما تعرفهمش ماشي منا حبوا الصقولك بناتهم لعبلوا على المورال حتى بدل رايوا او جابوا لداروا او دارها اكسبري ورالوا وحدة من بناتوا او قالوا واش رايك انت جيت تخطب المكتوب جابك لينا وووو حتى الراجل قبل او جاب دارهم او خطب رسمي الطفلة وصلوها الاخبار البنت الاولى قالت نوكل عليهم ربي لي هدروا فيا دعات عليهم بحرقة باسكوا وقفولها في مكتوبها

البارح تحكي صحبة اختي نفس الحكاية في مدينة اخرى و الله ما يحشموا حرام عليهم يهدروا في بنات الناس حقاريين هادي امراة كبيرة او ماشي مزوجة استاذة عايشة مع يماها المريضة اخلاق و جمال بصح كيما يقولو زهر ماكاش المهم جا واحد مغترب من بريطانيا كبير حب واحدة كبيرة في اللاج عندوا الاولاد ما حبش ايزيد كي مدولوا لادراس ما عرفش غلط في الباب كي دقدق خرجلوا راجل المهم كي عرفوا اميقري داروا عينيه قالك ما يخرج منا حتى يدي واحدة من بناتنا كيما كان الحال قالولوا ماشي مليحة هاديك لمراة حنا لي رانا سكنين قدامها خطيك فاميلا تاع تكسار الراس او قطعوا في المراة آلي روتور المسكينة وهي خاطيها قايمة بيماها من الدار للخدمة ما تقدرش تخلي يماها وحدها اصلا تخدم قدام الدار مساعددينها كي يعرفوا ظروفها المهم طار الخاطب بدلولوا رايوا هادا تاني باطا باتيسري اداها لفاميليا تاع القيل و القال يقذفوا في بنات الرجال الله لا تربحم اذا هاذوا الرجال تخلاصت الرجلة حسبي الله و نعم الوكيل هادا واش يقدر اقول الواحد ربي كبير هو لي يشوف فوق سبع سموات يا ويلهم من غضب الله يا ويلهم كي يلاقوا ربي يا ويلهم تخرج في ولادهم و لا فيهم دعوة المظلوم مستجابة واش رايكم يا جماعة الخير شاركونا ؟؟؟؟؟

[ابو ارسلان]

قال تعالى : إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم.
هذه الامور من الجهل و قلة الدين و هي تدخل في شهادة الزور و القذف فصاحب هذه الافعال ان لم يتب فلينتظر انتقام رب العالمين
كذلك بعض الفتيات لا يتقين الشبهات فربما تكون فتاة بنت عايلة و لكن بعض معارفها سيرتها ملتوية.
فعلى الفتاة ان تتجنب قدر المستطاع كل ما يمكن ان يسيء الى سمعتها سواء اللباس او المخالطة لاننا في زمن كثر فيه اهل السوء.

[mohamed lima]

المشاركة الأصلية كتبت بواسطة anfal10

السلام عليكم

بعد موضوع نحوس على بنت فاميليا اليوم تفكرت وحد الحكايات تاع بنات لي ظلموهم الناس و هدروا فيهم كلام باطل كيفاش يقدروا بعض الناس يكذبوا او يديروا اشاعات باش يوصلو للمبتغى تاعهم

جاء خاطب لدار فلانة بعد ما سقسى عليها او شكرولوا فيها الناس في مكان عملها هو كان ايدير تكوين و هي تعمل في الادارة المهم شافها عاجباتوا قاللها اعطيلي لادراس نجي نخطب و هي ماتت بالفرحة في بالها خلاص رايحة تتزوج بدات تخمم على القاطوا و التصديرة ووووو
كيراح لهاداك المظرب هو ماشي من الولاية يمشي او يسقسي تلاقى راجل قالوا لافامي كذا تعرفهم او بدا اقرعج وعلاش راك جاي ليهم علامن تحوس ؟؟؟ قالوا جاي نخطب بنتهم بدا يمنشر في العائلة او البنت قالوا خطيك ماشي فاميلا تناسبها و انت راك نية ما تعرفهمش ماشي منا حبوا الصقولك بناتهم لعبلوا على المورال حتى بدل رايوا او جابوا لداروا او دارها اكسبري ورالوا وحدة من بناتوا او قالوا واش رايك انت جيت تخطب المكتوب جابك لينا وووو حتى الراجل قبل او جاب دارهم او خطب رسمي الطفلة وصلوها الاخبار البنت الاولى قالت نوكل عليهم ربي لي هدروا فيا دعات عليهم بحرقة باسكوا وقفولها في مكتوبها

البارح تحكي صحبة اختي نفس الحكاية في مدينة اخرى و الله ما يحشموا حرام عليهم يهدروا في بنات الناس حقاريين هادي امراة كبيرة او ماشي مزوجة استاذة عايشة مع يماها المريضة اخلاق و جمال بصح كيما يقولو زهر ماكاش المهم جا واحد مغترب من بريطانيا كبير حب واحدة كبيرة في اللاج عندوا الاولاد ما حبش ايزيد كي مدولوا لادراس ما عرفش غلط في الباب كي دقدق خرجلوا راجل المهم كي عرفوا اميقري داروا عينيه قالك ما يخرج منا حتى يدي واحدة من بناتنا كيما كان الحال قالولوا ماشي مليحة هاديك لمراة حنا لي رانا سكنين قدامها خطيك فاميلا تاع تكسار الراس او قطعوا في المراة آلي روتور المسكينة وهي خاطيها قايمة بيماها من الدار للخدمة ما تقدرش تخلي يماها وحدها اصلا تخدم قدام الدار مساعددينها كي يعرفوا ظروفها المهم طار الخاطب بدلولوا رايوا هادا تاني باطا باتيسري اداها لفاميليا تاع القيل و القال يقذفوا في بنات الرجال الله لا تربحم اذا هاذوا الرجال تخلاصت الرجلة حسبي الله و نعم الوكيل هادا واش يقدر اقول الواحد ربي كبير هو لي يشوف فوق سبع سموات يا ويلهم من غضب الله يا ويلهم كي يلاقوا ربي يا ويلهم تخرج في ولادهم و لا فيهم دعوة المظلوم مستجابة واش رايكم يا جماعة الخير شاركونا ؟؟؟؟؟

لا حول ولا قوة الا بالله كما يقولوا خاوتنا " قطع الاعناق ولا قطع الارزاق" والزواج رزق الناس ولات ماتخافش ربي لكن ااسمحي لي هادي كلمة قالهالي صديق لي الوقت لرانا فيها الان ماشي نتاع تسقسي لان الناس مافيهومش الامان انا راجل ونقولك ليحب يخطب ماكلاهش يبقى يمشي بعقلية جدي يروح يسقسي الجيارن والعايلة لان النية راحت
الناس المتربية اذا حتى كانت طفلة ماشي مليحة مايقولش واضعف الايمان يقول ما نعرفهاش

[nilly]

هدا يصير عندنا بزاف ليسال يكدبوا عليه

ويديه لبناته

[anfal10]

قال تعالى : إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم.
هذه الامور من الجهل و قلة الدين و هي تدخل في شهادة الزور و القذف فصاحب هذه الافعال ان لم يتب فلينتظر انتقام رب العالمين
كذلك بعض الفتيات لا يتقين الشبهات فربما تكون فتاة بنت عايلة و لكن بعض معارفها سيرتها ملتوية.
فعلى الفتاة ان تتجنب قدر المستطاع كل ما يمكن ان يسيء الى سمعتها سواء اللباس او المخالطة لاننا في زمن كثر فيه اهل السوء.

شكرا اخي ابوا ارسلان
ان شاء الله ربي اخلصهم
العقاب الرباني يكون في الدنيا قبل الاخرة ناس لا يخافون الله و لكن اين الهرب؟ سياتي بهم يوم و يتذكرون قذفهم المتعمد للبنات لتزويج بناتهم و سلبهم الخطاب هذه سمات السفلة كما تدين تدان
الشبهات و الله ليس بالظرورة فهناك صواريخ تقصف الرؤوس عمدا و حسدا و غلا و العياذ بالله

[anfal10]

لا حول ولا قوة الا بالله كما يقولوا خاوتنا " قطع الاعناق ولا قطع الارزاق" والزواج رزق الناس ولات ماتخافش ربي لكن ااسمحي لي هادي كلمة قالهالي صديق لي الوقت لرانا فيها الان ماشي نتاع تسقسي لان الناس مافيهومش الامان انا راجل ونقولك ليحب يخطب ماكلاهش يبقى يمشي بعقلية جدي يروح يسقسي الجيارن والعايلة لان النية راحت
الناس المتربية اذا حتى كانت طفلة ماشي مليحة مايقولش واضعف الايمان يقول ما نعرفهاش

mohamed lima و الله عندك الحق لازم واحد يعرف شكون اسقسي راهم بنات افسدولهم في الصمعة تاعهم حرام عليهم ص النية راحت الناس تمشي بالحيلة تقولك نديه لبنتي خير اولى ما قبل ما تبور او نحصل فيها
يا خويا و الله كاين بنات ماشي كلاح ما هدرو عليهم ما والوا اخافوهم باسكوا تاع مشاكل امالا مايقولوا والوا راهم اداوهم كامل اتزوجوا من اشخاص تاع نفوذ مسؤولين كيما راني نقولك واحد ما اجرا احل فموا اما المسكينات و الضعيفات ما كاش شكون ادافع عليهم .

[anfal10]

هدا يصير عندنا بزاف ليسال يكدبوا عليه

ويديه لبناته

كاينة و تكون ربي يهديهم برك

[anfal10]

الموضوع مهم يا جماعة وين راكم شاركونا احكونا حكايات صرات لناس تعرفوهم وين راهي الردود رايحا نزعف عليكم

[ابتسام smile &hope]

fekertouni fi 7kaya sratli
masebt ned7ak massebt nebki
l3chiya na7kiha nchallah

[anfal10]

fekertouni fi 7kaya sratli
masebt ned7ak massebt nebki
l3chiya na7kiha nchallah

ابتسام ما تزعفي ما والوا الله لا تربحهم انا تاني صراتلي مي نضحك عليهم و لي ياخد رايهم ما يستاهلش وحدة كيفنا وكلي امرك لربي سبحانوا هو لي ياخدنا الحق

[جازية كرم]

الله يهدي ما خلق ، الناس ولات تنهك في أعراض الناس و كأنها تاكل في كاسكروط كرنطيطا ، و لكن مكتوب حد ما يديه حد ، لعل الله يخبيء لهن ماهو أحسن و خير ، و كما قال الأخ راحت عقلية بكري نسقسي إذا عجباتك البنت و عولت تديها بالحلال توكل على الله و صلي صلاة الإستخارة ، و ربي جعل فترة الخطوبة باش المخطوبين يعرفوا بعضاهم مليح ، و تبان (يبان) بنت (ابن) الفاميليا .
أما نقطة القذف و العياذ بالله فهي نقطة خطيرة جدا و علينا أخذ الحيطة و الحذر منها و لنتذكر أنه كما تدين تدان و أنه سيأتي يوم نقف كلنا بين يدي العلي القهار الذي لا تخفى عليه خافية ...اللهم اهدنا جميعا .

[anfal10]

تفوت نحكي انا باش نديرلك الكوراج ابتسام
صحبتي جا ليها زميل في العمل قاللها اذا تعرفي كاش وحدة بنت فاميليا راني حاب نخطب قالتلوا عندي صحبتي لي هيا انا هاهاها شكرتلوا فيا المهم هو كان عندو دورة تكوينية في ولاية اخرى تلاقا بواحد يعرفني جار ماشي نفس الحومة مي قريبة لينا كانوا في نفس الفندق في نفس الغرفة كي قالوا انا نسكن في المدينة الفلانة في الحي الفلاني قالوا نسقسيك على وحدة انا هي
قالو اخطيك منها كيفاش قالوا كانت ساكنة مع لي كنت رايح نخطبها او خدعتني في غرفة واحدة في الحي الجامعي راهم صحابات doncنفس السيرة كي ولا قاللها للزميلة خلاص بطلت قاتلوا وعلاش حكالها واش قالوا فلان تعرفوا هي تاني بحكم كنا كامل في غرفة واحدة قالتلوا صافي واش قال على صحبتي انا تاني كيف كيف كيما هي اسمحلي ما ظنتكش تخمم هاكا صحبتي بنت فاميليا او نص و لي يهدر عليها لسانوا يتقطع كرهاتوا من هذاك النهار لازم الواحد يتاكد ماشي غي يهدر كي طولت انا محبيتش نسقسيها قلت حتا تعيط هي وحد النهار نهدر مع صحبتي وحدوخرا نحكوا قتلها بنيتي و الله تلاقيت فلان جاري تزوج شفتوا مع مرتوا و بديت نشكر و نعاود و نقول الحمد لله لي ربي رزقوا ما خيروووو صحبتي حكاتالها صحبتي لي جابتلي الخاطب قاتلي خلاص حبسي خصك غي تشكريه او طاحت في الهدرة من الزعاف قاتلي هو راه هدر عليك او قال او قال حصلتلي الدمعة انا يهدروا عليا الناس الحومة قاع تشكر فيا وين نروح يحترموني غاضتني عمري بزاف surtout هو بالذات ما قلت والوا ماحبيتش ندعي عليه خليتها لمولايا هو لي اجيبلي حقي ما شي معنتها نتقاسموا الغرفة حاب اقول انا كيما هي على العكس تماما انا ما كنتش نعرفها على حقيقتها كي عرفتها قطعت العلاقة معاها لانوا صرالي مشاكل بزاف شديت عليها حوايج عيانين ماشس برك خداعة المهم درت possible تاعي باش تولي كيما كانت هس خيرت طريق انا جبت روحي بدلت الغرفة او صحاباتي كامل شاهدين صح في الاول زعفت او قلت وعلاش اهدر فيا ما نستهلش apres وليت نقول لي حاب يهدر يهدر انا على بالي بروحي او فاميلتي كيف كيف الهدرة الزايدة ما عندها حتى معنى عندي انا واثقة من روحي و الحمد لله لي حاب يسمع هدرة الناس نتهنا منوا على خاطر نفس العقلية لي يهدر و لي يامن برك بلا ما يكون sur a 100%

[anfal10]

لله يهدي ما خلق ، الناس ولات تنهك في أعراض الناس و كأنها تاكل في كاسكروط كرنطيطا ، و لكن مكتوب حد ما يديه حد ، لعل الله يخبيء لهن ماهو أحسن و خير ، و كما قال الأخ راحت عقلية بكري نسقسي إذا عجباتك البنت و عولت تديها بالحلال توكل على الله و صلي صلاة الإستخارة ، و ربي جعل فترة الخطوبة باش المخطوبين يعرفوا بعضاهم مليح ، و تبان (يبان) بنت (ابن) الفاميليا .
أما نقطة القذف و العياذ بالله فهي نقطة خطيرة جدا و علينا أخذ الحيطة و الحذر منها و لنتذكر أنه كما تدين تدان و أنه سيأتي يوم نقف كلنا بين يدي العلي القهار الذي لا تخفى عليه خافية ...اللهم اهدنا جميعا .

يعطيك الصحة اختي جازية عندك الحق في كل كلمة قلتيها
الناس اليوم اصبحوا لا يخافون الله يقذفون بنات الناس و ينامون من دون اي تانيب للظمير سبحان الله يخافون على بناتهم و لا يهمهم بنات الناس اين يذهبون من غضب الله و عقابه ؟؟؟؟؟

[ابتسام smile &hope]

قصتي :
كان يا مكان في احد ايام الصيف
خرجت مع يما كي كنا موليين نتبهت لواحد كان يتبع فيناا وزاد ركب معا فالbus
انا درت زوج احتمالات
1-سراق
2-خطاب
كي نزلنا مالbus بقا يتبع فينا
وكي لحقنا للدخلة تاع الباطيمة تلاقينا مع وليد جارتنا يما قاتلو واشراك قللها الحمد لله
كي طلعت للدار رحت نقرعج مالتويقة
سمعتو كي قالو خويا جيببلي نشرب
كي جابلو الما سقساه عليا
قالو هذيك ختي ياتروح يا نضربك انا وخاوتي (في عمورو18 سنة ماشي صغير)
مالا الراجل راااااااااح
اوبعد يماه حكمت يما وحكاتلها
وهاذ الجارة راحت خرجت عليا اشاعة مازالو الجيران يهدرو عليها
قالتلهم ابتسام واحد قريب تعدا عليها لوكان ماشي وليدي اللي سلكها

وجارتنا معروفة بتشويه سمعة البنات
راني خايفة اذا كاين كاش هدرة ماسمعتهاش

[ابتسام smile &hope]

kach wa7da tfahamni 3lah daretli haka