مساعدة من فضلكم بخصوص الشُّغل

[~ 하난]

السّـلآم عليكم و رحمة الله و بركاته

خاوتي حبيت نشاوركم في أمر،

أنا متخرجة ماستر2 ميكروبيولوجي بمعّل جيّد

و راكم علابالكم بالواقع نتاع الخدمة في بلادنا

الإدماج محبسينو في ولايتي "بسكرة" لحد السّـآعة مكان حتى خبر عليه

بقا غير la das مفيه حتى مناصب ، و كيما تعرفو لازم نروحو لمكان حابين نشتغلو فيه ثم نروحو لـ la das باش يقبلوللنا الـ contrat
المهم ذرك انا معرفتش وش احسن مكان ممكن نخدم فيه
الناس قالولي متخدميش عند البريفي و آخرين قالولي العكس لانو نتاع الحكومة يحرثو عليك

في الثانويات ولا المؤسسات التعليمية منبيش مستعدّة بصراحة اني نروح نخدم مراقبة ولا إدارية لأنها لا علاقة باختصاصي و مهيش خدمة مناسبة ليا بصراحة

اتمنى تعاونوني و دبرو عليا من فضلكم خصوصا اللي مرو بهاذ التجربة

و بارك الله فيكم

[sissi alg]

انام بيولوجي في الصحة غير متوقف المتوقف هو السلك الاداري انت قريتي باش تخدم بدبلوم ديالك ماتقوليش يهنبروا عليا المهم تتعلم هدا هو الصح واش من فايدة تقعد قاعدة الا قريتي باش تشوف غير في ديبلوم ديالك هدا شئ اخر

[~ 하난]

المشاركة الأصلية كتبت بواسطة sissi alg

انام بيولوجي في الصحة غير متوقف المتوقف هو السلك الاداري انت قريتي باش تخدم بدبلوم ديالك ماتقوليش يهنبروا عليا المهم تتعلم هدا هو الصح واش من فايدة تقعد قاعدة الا قريتي باش تشوف غير في ديبلوم ديالك هدا شئ اخر

شكراً لكـ أخي، لكن ما أحسن شي ممكن نديرو؟

[samar14]

ختي خدمي عند بريفي خير من القعاد انا من 2004 قالولي ماتخدميش عند بريفي يحرث عليك و ........ و روك تربحي عند الدولة و تخدمي و الى الان ما صبتش بعد اكثر من 50مسابقة و زدت نسيت حتى قرايتي بالقعاد روحي خدمي اذا صبتي ربي يسهل

[امينة سمية]

يا اخت انا خدامة لانام عند بريفي عقد diap خر من نكعد في الدار روحي تخدمي في لانام ولا لاداس حتي يفرج ربي عليك

[~ 하난]

شكراً سمر و أمينة،
-
ربي يفرّج علينـآ و عليكُم ،

[حميد.ص]

احسن شي حاولي تلقاي خدمة في القطاع الصحي العمومي او الخاص

بالتوفيق ان شاء الله

[~ 하난]

شكراً حميد، ربّـي يجيب الخير
-