الخبز الأسمر الصحي

[أم محمد علي]

بسم الله
في جفنة وضعت صحن ونصف (الصحن تع الشوربة غرفية )سميد رطب +صحن ونصف فرينة +ملح +م ك خميرة الخبز +1خمارة نوارة +4 م ك لحظة +4 م ك زيت +4 م ك نخالة (أنا حطيت أكثر)خلطي الكل ثم لمي بصحن ونصف ماء دافئ وأعجينه 10د إلى 15د الماء أنا أضفت كلوا ماشي في البداية ولكن أثناء العجن
وكل واحدة والسميد تاعها
خليه يخمر حوالي نصف ساعة
وبعد مرور 30د تلقايه تضاعف الحجم التاعوا
قرصيه في النخالة وأدهني الصينية بالزبدة أو ضعي ورق الزبدة حتى لا يلتصق
وخليه يخمر 15د في الصينية وطيبيه في الفرن
بعض النصائح لنجاح الخبز :
ــ خليه يخمر في الجفنة مليح حوالي 30د ويختلف الوقت بين الصيف والشتاء
ـــ عند وضعه في الصينية خليه يخمر ربع ساعة فقط لأنواإذا خرجت الخمورية راح مينتفخش في الفرن والكثير من النساء تقولي الخبز مينجحش وإذا وضعت في الفرن يحبط والسبب ما ذكرت خليه يخمر حقوا فقط ولا تنشغلي عنه.
ـــ دخلي كمية من الأكسجين أثناء العجن وهذا سر خفة الخبز .
ـــ سخني الفرن قبل مرور ربع ساعة (يعني أثناء عملية التخمير في الصينية )وفي حال إنتظار الفرن يسخن يعاود الخبز يحبط .
رائع وصحي وهو مفيد للتنحيف وإليك هذا الرابط :
نخالة القمح و فوائدها الصحية للجسم https://www.djelfa.info/vb/showthread.php?t=1883841
والوصفة الأصلية للأخت أم أماني ربي يجازيها خيرا مع بعض التعديلات في هذا الرابط :
خبيزات بالفرينة والسميد روووووعةhttps://www.djelfa.info/vb/showthread.php?t=1749258





بسم الله