حاب نسقسيكم حول الادماج

[مخادمة]

اريد اعدادا ملف ادماج وكل مانسقسي واحد يقولي إلغاوه مع تعليمة سلال والاخر يقولي ماعدا المؤسسات الاقتصادية لي تقدر دير فيها
كيفاش مافهمت والوا

[..بسمة أمل ..]

السلام عليكم اخي في الاول قالو بلي لغاوه
مي ضرك عادي راهم رجعوه
بصح واش من نيفو انت يعني عندك ديبلوم ولا لالا
لخاطر كاين نوعين من الادماج
الاول نتاع من الاولى ثانوي الى الباك يعني بلا ديبلوم
و الثاني نتاع المتخرجين اصحاب الديبلوم
ايه وكاين ثاني نتاع الرابعة متوسط لكن لازم يكون عندك
ديبلوم تكوين
ان شاء الله نكون افدتك

[lahcen1987]

اخي نوصيك ماديرش فالقطاع الاقتصادي نصيحة مني اصبر وجيب كونطرا تاع 3 سنوات قابلة للتجديد خير من القطاع الاقتصادي عام قابل للتجيد مرة واحدة والقطاع الاقتصادي كانك عند البريفي يحرثوا عليك صباح وعشية وكي تخلص العامين تاعك يقولولك مع السلامة اصبر وجيب كونظرا تاع 3 سنين خير نصيحة مني لاني فالقطاع الاقتصادي و2 معايا خلصوا العامين روحوا وانا راني فالطريق قالونا مانشدوكمش

[nesma.23]

salem raj3ou les contrats te3 l'etat?? ana mafhemt welou