و شاورهم في الامر...يا ريت تقولوا رايكم

[قطرة123]

السلام عليكم
يا ريت من الاخوة الكرام يقولولي رايهم في حاجة راني في اشد الحيرة بسببها
انا اعمل في قطاع المالية يعني عندي منحة زايدة على عمال الوظيف العمومي ..و للعلم انا مهندس دولة
الان درت امتحان في centre de recherche و ربحت و عيطولي باش نبدا الخدمة
الحاجة اللي خلاتني محتارة هو انو الخدمة لي راني فيها دوكا قريبة من مكان سكني و تاني فيها المنحة لي قلتلكم عليها...بصح ادارة و علابالكم لي يدخل للادارة ما يزيدش يتطور بالعكس كاين لي يتدهور
الخدمة الثانية بعيدة على مكان سكني بصح فيها les formations و نقدر حتى نكمل قرايتي...هي مشوار تقريبا ساعة في المواصلات و 20 دقيقة في السيارة...الراتب زايد زيادة طفيفة و ماكاش المنحة لي نديها في الخدمة اللي تابعة للمالية...
دوكا راني محتااارة لانو خايفة نفرط فيها و نندم...و في نفس الوقت خايفة نروح و نندم...للعلم صليت استخارة و ماشي مرة واحدة
يا ريت تقولولي من وجهة نظركم شكون الاحسن
و شكرا جزيلا

[ghecham mohamed]

وعليكم السلام
و الله يا اختي من وجهة نظري تبعي الاختصاص ديالك لأنو أحسن اختيار راح تختاريه طبعا
قرايتك ما تروحش هاكذاك و القرار الاول و الاخير راجع ليك انتي طبعا
و الله ولي التوفيق

[قطرة123]

المشاركة الأصلية كتبت بواسطة ghecham mohamed

وعليكم السلام
و الله يا اختي من وجهة نظري تبعي الاختصاص ديالك لأنو أحسن اختيار راح تختاريه طبعا
قرايتك ما تروحش هاكذاك و القرار الاول و الاخير راجع ليك انتي طبعا
و الله ولي التوفيق

ربي يجازيك خويا ...ان شاء الله لي فيها خير ربي يجيبها

[abdeldjalil147]

السلام عليكم
الاخت الكريمة قوليلي واش من مركز بحث اربحتي فيه و انقلك ، لانه ما يخلعك حتى واحد غير الهف و صايي
انا عن تجربة راني خدام في مركز للببحث العلمي ..... و كاين بالزاف نقائص غير الاسم يخلع برك
و بالنسبة للتكوينات و اكمال المسار الدراسي ما ايخلوكش اتكملي في السنوات الاولى انتاعك حتى اتولي قديمة شوية هذا طبعا في المركز اللي راني فيه انا و حتى للتكوينا خاصة خارج البلد غير لفلان و فلان حتى اتولي قديمة و ........
ممكن تراسليني على الخاص .

[anfal10]

ما كان لا بحث علمي لا والوا راهم هربوا للخارج الباحثين المتميزين ما يرضاوش بلبيروا و ستيلوا راهم قاع في اكبر مراكز للبحث العلمي,,,,,,,؟؟
انا في بالي كملي في المالية خير البحث في الدول المتقدمة .

[miminin]

ca depend de quel centre de recherche tu parle ? parceque moi personellement j'ai travaillé dans un centre de recherche et c'etait une tres mauvaise experience (ni formation ni walou) e rabi ywafek....n'oublie pas salet elistikhira

[abdeldjalil147]

المشاركة الأصلية كتبت بواسطة miminin

ca depend de quel centre de recherche tu parle ? parceque moi personellement j'ai travaillé dans un centre de recherche et c'etait une tres mauvaise experience (ni formation ni walou) e rabi ywafek....n'oublie pas salet elistikhira

dans quelle centre tu travail mon frere