كرمب على طريقتي

[ام سوهيل]

السلام عليكم وش راكم لباس اليوم جبتلكم كرمب بي طريق احر

نخدو نصف حبة كرمب او على حسب افراد العائلة نقطعوها رقيقة ونرابو معها حبة جزر

كما في الصورة



ونقطعو بصلة رقيق ونقلوها في مغرف زيت



ومن بعد نفرغو فوق البصلة الكرمب ونضيفو قرفة ملح وحرور ونقلو



حتى يضبل نصيفو قصبر مقطع ومغرف روز يكون طايب ومقطر من الماء ورشة حرور ونخلطو







ومن جهة اخرى نخدو حبات بطاطا نغلوهم ونرحوهم بي الفرشيطة مع مغرف فرينة وقسبر مقطع وملح

ونخد القليل من البطاطا ونحشوها بي خليط الكرمب ونكوروها ونرمدوها في لشبلوغ وفي البيض ونقلوها في الزيت حتى تتحمر ومن جهة اخرى نكونو حضرنا مرق بي الحمص وقليل من الدجاج ونقدموها مع بعض والصور توضح اكتر











في الحقيقة الفكر لي ام حمزة يعطيه الصحة لكن انا ولدي ميحبوش الكرمب بدلتها وفكرت باش نخبيه وكلوه بلاميعرفو وش فيها البطاطا

حتى انهم قلولي ماما ركي معمرتها بي الحوت وقلتلهم ايه ههههههههههههههه