بركوكس من مطبخي

[piri311]

السلام عليكم ورحمة الله تعالي وبركاته
بركوكس من مطبخي
بمناسبة يناير جبتلكم اليوم بركوكس من مطبخي واتمني ان ينال اعجابكم
المقادير:
صدر دجاج +دوارة تكوني نقيتيها وقطعتيها ودرتيلها لبزار وعملتيها في اكياس
+كفتة+حبة ثوم
-حبة بصل
-حبة بطاطا
-حبة جزر
-حبة كورجات
-حبة لفت
-حبة طماطم +كمشة حمص
-كمشة فول يابس
-قصبر + كرافز
-2ملاعق طماطم مصبّرة
-2 ملاعق زيت
-ملح
-فلفل اسود
-كمون
-راس الحانوت
-خليط توابل كركبوزعفران وسكنجبير
طريقة التحضير:
خذي البركوكس و ادهنيها بشوي زيت
ثم اغسليها
و خليها تنشف
ثم ضعيها في كسكاس و خليها يفور

https://im67.gulfup.com/Dx72tV.jpg

https://im67.gulfup.com/s7f8in.jpg
ثم :
قشري الخضار و قطعيها الى اجزاء صغيرة (مكعبات مربعات مثلثات انت حرة )

ضعي البصل + المعدنوس + التوابل + الملح + الكرافز + القصبر + طماطم مصبرة زيت في قدر الضغط

-اضيفي اكياس العصبان والدجاج بعد غسله
- قلّي مليح
-ثم اضيفي الخضار و قلي
- اضيفي الحمص و الفول
-ثم الماء (من الافضل يكون سخون)
اغلقي القدر و دعيه دائما حسب نوعية اللحم الدجاج يطيب
بسرعة لازم تنحيه اولا(الحمص و الفول ) و حسب درجة الحرارة
لما ينضج الدوارة والخضار والفول والحمص نحيهم من فوق النار وطحني الخضار
وبعد ماتنزعي العصبان والدجاج والفول والحمص
خدي قليل من المرقة وضعي فيها كويرات الكفتة بعد ما توضعي فيها لبزار فلفل وقرفة وملح وسكنجبير
والتوم واليصل مقطع صغير
وتعمليها كويرات صغيرة
وبعد ماتطيب الكفته هديك المرقة نتاعها حطي فيها العصبان وحليه والدجاج فتيه
اضيفي البركوكس لي تكوني فورتيه مرتين اوثلاتة في المرقة
الاولي تع الخضرةو حركي جيدا كيلا تلتصق بالقاع
https://im67.gulfup.com/67bbfJ.jpg
وخليه يطيب ويشرب المرقة نتاعه من يطيب خدي الصحن التقديم وضعي
فيه البركوكس وزينيه بالكفتة والحمص والفول والدجاج والعصبان وضفيله المرقة لي كنتي
طيبتي فيها الكفتة وهاهي الكيفية واجدة وصح نايركم وماتنساوش دعواتكم
https://im67.gulfup.com/JUlcNT.jpg

https://im67.gulfup.com/qYSI6f.jpg

وهدا المخلط بالمكسرات لي درناه في السهرة
https://im72.gulfup.com/ziZW1y.jpg
وبالصحة والهناء

تحياتي

[موجة هآدئة]

اممم الله يبارك شهيتيني ...انا الاولى اللي نضوق منه

[Sasau]

يا شحال عندي مكليتوش والله راكي شهيتيني جا هايل بصحتكم .

[tong2]

ماشاء الله عليك
الله يعطيك الصحة
بصحتكم حبيبة

[idron0]

يعطيك الصحة حبيبتي