بيتزا من مطبخي اقتصادية

[ام سوهيل]

اليوم جبتلكم طريقة البيتزا الي نديرها وهادي مذة وان ا اعتمد على هده الوصفة

نحتاجو فرينة عل حسب الحاجة انا ندير 250غ +نصف كاس لتاي زيت زيتون ونبسس الفرينة جيد ثم انصيف الخمارة العجين وزعتر مجفف نحكوه بين الكفين كما في الصورة



ومن بعد انلم العجينة بي قليل منا الماء الدافيء ونكونودوبنا فيه شوية ملح ونخلوها ترتاح في مكان دافيء



وهنا بعد ما خمرة حوالي نصف ساعة



وهنا بعد ما خمرة وهبطنها وقسمتها على اربع وحليتها بي الحلال



وهادي بنتي راهي اتحل في العجينة وقالت الباباها هي الي درت العشا ههههههههههه رح تعبي ههههههه



وهنا بعد ما خرجتها من الفرن انا نحبها مقرمشة انخليها تحمار شوية ولي ميحبهاش مقرمشة ايخليها بيضاء



وهنا حطيتلها لصوص الطماطم وشرائح الزيتون بعد ما نحيت النواة من اجل الاطفال ورشتها بي الجبن الشيدر مرحي نعاود ندخلها للفرت يكون ساخن جوست ايدوب الفرماج ونعاود انخرجها ونزيد شوية جبن من الفوق الي داب ونقطعها ونقدمها