وصفات الاختين ليزا وام نسرين

[ام احمد وصال]

اهلا وسهلا بيكم حبيباتي اليوم جبتلكم هدو الوصفات تاع الاخت العزيزة علينا ليزا والغالية ام نسرين كانو حطوهم في احدالكوزينات اي موضوع واش طيبتي اليوم بمناسبة للعيد وكاين بعص الاخواتالي ميدخلوش لهدا الموضوع وبالتالي مشافوش هدو الوصفات امالا قلت حرام يضيعو بين الصفحات نديرهالهم موضوع باه يشوفوهم لانهم بالفعل روووووعة ويحمرو الوجه وربي يجازي الاخوات ويفرج عليهم
قاطو كيندر
2 بيضات + صفار بيضة + 8 م ك ( ملاعق كبيرة ) سكر رطب + 500غ زبدة او مارغرين + 11 م ك مايزينة + 9 م ك كاكاوو + 2 خميرة الحلويات + 2 فاني فرينة للحصول على عجينة طرية
ثم المراحل الاتية بالصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
و من بعد ما يطيب
إضغط هنا لرؤية الصورة بحجمها الطبيعي.
العقدة
70 دج حلوة الترك ترحيها او تفتيها + 2 علب قةفريط ترحيها او ترابيها + عسل دافئ قليلا للحصول على عقدة متجانسة ليست يابسة و لا سائلة نلصق بيها الحبتين
و التزيين النهائي بالشكولا السوداء و البيضاء
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
هذي الوصفة و الله ماكانش اللي تذوقها و ما تقولش اعطيني الوصفة

قاتو الطبقات بالنواة كوكو lyzzabel

كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


قاطو بالكاوكاو والنواد كوكو لـــ ليزابيل الحلوة

500غ مارغرين تخلطي معاها كاس سكر رطب بالباتور و م ص لافاني و تزيدي 4 صفار البيض و بيضة كاملة و تزيدي تخلطي بالباتور مليح منبعد ضيفي كاس نواة كوكو محمصة مع زوج كيسان كاوكاو محمص بعد ما تكوني رحيتيهم مع بعض فالروبو و تخلطي بالملعقة ولا بيدك و زيدي كاس مايزينة و كيس خميرة الحلويات و تلمي بالفرينة حتى تتحصلي على عجينة طرية ،، غطيها و خليها تريح و من بعد حليها بالحلال و قطعيها بالمؤلفات لي تبغي انا درت دوائر و قلوب ،، نطيبهم في فرن سخون من قبل على 180 درجة قد ما تشوفيهم تحمرو غير شوية من تحت خرجيهم و خليهم يبردو شوية و نحيهم على مهلك مالبلا و من بعد لصقي كل زوج حبات مع بعض بالمعجون ولا بالنوتيلا و ديري قلاساج بالشوكولا ولا تاع الطلية كيما التشاراك قلاصي انا اعتمدت القلاساج تاع حبيبتي ام محمد تاج و زيني مالفوق بنصف حبة جوز و خطوط بالشوكولا و لك الاختيار طبعا في التزيين
ملاحظة : تقدري ما تلصقيهش و تديري حبة وحدة بالقلاساج بصح مين تحلي العجينة خليها سميكة باش تجي الحبة مرفودة شوية



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

لصقت كل زوج حبات بالنوتيلا و درت القلاساج مالفوق تاع حبيبتي ام محمد تاج روعة كالتالي
بياض بيضة ، فنجان مخلط بين زيت و مارغرين ذائبة ، فنجان حليب ، فنجان مازهر ، ملون ابيض و كمية من قهوة سريعة الذوبان تكون مركزة ،، و نخلط بالفرشيطة و نبدأ نضيف السكر لرطب بالتدريج حتى نتحصل على القوام المطلوب
و كاين حبات لي خليتهم على حبة وحدة بصح حليت العجينة خشينة شوية و زينت مالفوق بنص جوزة او خطوط الشوكولا و ملمع غذائي

ملاحظة
الوصفة الأصلية فيها 8 صفار البيض و انا هاذ المرة اقتصدت و درت 4 صفار و بيضة كاملة


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

قاتو ساهل ماهل lyzzabel
درت 250 غ مارغرين طرية و نص كاس زيت و ضربتهم مليييح حتى تجانسو تماماً ،، و زدت ثلثي 2/3 كاس سكر رطب و م ص فاني و ضربت و ضفت حبة بيض و ضربت مليح و منبعد لميت بالفرينة و م ص خميرة الحلويات حتى تحصلت على عجينة طرية ،، خليتها ارتاحت فالثلاجة ربع ساعة و بديت نشكل كويرات متوسطة كبيرة شوية على حبة الجوز و بسطتها غير شوية بكف يدي و درت حفرة بصبعي فالوسط و حطيتهم في صينية مرشوشة بالفرينة و طيبتهم على 180 درجة حتى نشوفها حمارت شوية من تحت نخرجها و نعاود نضغط بصبعي فالحفر لي درتهم فالوسط ،، طبعا نغطي صباعي بطرشونة باش ما ننحرقش ،، و مين يبرد القاتو ندير فالوسط معجون ولا نوتيلا و نزين كيما نبغي ،، انا زينت النص بالمعجون و كاوكاو محمص و مرحي و حبات برك زدتلهم اللوز ايفيلي عييت هههههه ،، و النص لاخر زينته بالنوتيلا و الجوز فالوسط ،، راه خفييييف و هشوش و كيما قلتلكم يذوب فالفم

إضغط هنا لرؤية الصورة بحجمها الطبيعي.