لا امل لي في النجاح في المسابقات القادمة واللي كيفي يدخل يعطيني حل

[بيلسان91]

يا ناس اللي كانو يقراو معايا كل يخدمو واعطاوهم كونترا تاع تعليم تاع عام
وانا استخلاف تاع شهر وملقيتوش
تسما دك اللي عندهم كنترا دك يحسبولهم الخبرة وانا اللي مديتش كنترا نقعد فبلاصتي
مننجحش لاني معنديش نقاط الخبرة
قولولي وش نديرمنين نروح للاكاديمي يقولولي ماكانش بلاصة وميهدروش معايا اصلا

[Adnou Eclypse]

السلام آ بيلسان ، واش الحالة ؟ اك لاباس ؟
حوسنا حوسنا حوسنا على الكنترا ما جاتش ، و في العطلة رحت و درتلهم حس و كثرت عليهم ، خرجوهالي طاي طاي قالولي : الكنترا اي بالمعريفة ، روح شوف معريفة و ارجع ، ....... انا غلبت كرهت من وجوهم ما نكذبش عليك
درك اني حاكم يدي يدي باستخلاف تاع عطلة مرضية في تانوية ، و اني حاب نقلك : او كاين 2 استخلافات ثاني ـ واحد في ثانوية عين مخلوف 1 شهر قابل للزيادة ، و واحد في تانوية في وادي الزناتي 21 يوم ، لكان يهموك هادو ـ ازربي قوليلي باه نشوفلك لكان مازالو ولا لا و ربي يوفق نشا الله

[بيلسان91]

صباح الخير عدنو
هادي غيبة كبيييرة
عت ديما نقول واين راح هادا
المهم كريبس ام نحاوه وجابو فبلاصتو واحد شويعل من البوليس قالو
رحت بالاحد سقسيت قلي ماكانش الساعة هادي
من la sntv تاع قالمة للواد زناتي قصدي لليسي اللي تحكي عليه قداه الوقت
وكيف كيف للعين مخلوف قداه الوقت

[بيلسان91]

كنت نتبع فواحد الحكاية ظهرت فارغة وماكاين والو
والله قلبي معمر وملقيت لمن نشكي
المهم لحاكية هادي هي يخي كاينين اساتدة تاع ابتدائي نجحو فمسابقة المديرين قلت انا دك كي يديرو تكوين نحكم انا بلاصة كش واحد
البارح كي سقسيت هادي الاستادة الناجحة قتلي لا متحكميش بلاصتي خاطر راهم يقريو عادي جدا وش هو ولاو يديرلهم فالتكوين بلاتلاتاءلعشية والسبت

[maria.belle]

يا خويتي انا نجحت في قائمة الاحتياط و الاغلبية سواولهم وضعيتهم وانا لالا ديري ربي في بالك و لي كاتبهالك ربي تلحقك وتاني ممكن يديرو اختبار كتابي المهم ما تقلقيش روحك قا تمرضي

[Adnou Eclypse]

المشاركة الأصلية كتبت بواسطة بيلسان91

صباح الخير عدنو
هادي غيبة كبيييرة
عت ديما نقول واين راح هادا
المهم كريبس ام نحاوه وجابو فبلاصتو واحد شويعل من البوليس قالو
رحت بالاحد سقسيت قلي ماكانش الساعة هادي
من la sntv تاع قالمة للواد زناتي قصدي لليسي اللي تحكي عليه قداه الوقت
وكيف كيف للعين مخلوف قداه الوقت

صباح النور في الليل معليش ، ايه اني سمعت بكريبس ، ما نعرف لكان راح وحدو و لا لعبولو لعبة ، خلي يوكلو بعضاهم ببعضاهم

من la sntv حتى لليسي تاع واد الزناتي قولي ساعة مع circulation و لعين مخلوف تاني كيف كيف ممكن زايدة شوي المدة ، بصح الركبة لواد الزناتي متوفرة على عين مخلوف
اسمعي ، باه نولهك ، او 1000 بالمئة يكون كاين استخلاف في المدارس تاع قالمة لانه الاساتذة كل يستناو juste وراء العطلة باه يديرو الكونجيات ، باه يربحوها عطلة يسلكو فيها و مباعد يزيدو يخرجوو يسلكو

[بيلسان91]

المشاركة الأصلية كتبت بواسطة Adnou Eclypse

صباح النور في الليل معليش ، ايه اني سمعت بكريبس ، ما نعرف لكان راح وحدو و لا لعبولو لعبة ، خلي يوكلو بعضاهم ببعضاهم

من la sntv حتى لليسي تاع واد الزناتي قولي ساعة مع circulation و لعين مخلوف تاني كيف كيف ممكن زايدة شوي المدة ، بصح الركبة لواد الزناتي متوفرة على عين مخلوف
اسمعي ، باه نولهك ، او 1000 بالمئة يكون كاين استخلاف في المدارس تاع قالمة لانه الاساتذة كل يستناو juste وراء العطلة باه يديرو الكونجيات ، باه يربحوها عطلة يسلكو فيها و مباعد يزيدو يخرجوو يسلكو

الجملة اللي لونتها بالاحمر
بمناسبة اييه يديو كونجيات المعلمين تاع الابتدائي

[بيلسان91]

سقسيلي لاكان مازال الاستخلاف تاع واد الزناتي
بلاك واد الزناتي خير من عين مخلوف كعاد فيها الركبة

[بيلسان91]

نسيت بش نسقسيك قداه نيوم حاكم انتا

[Adnou Eclypse]

صباخ الخير آ بيلسان ـ هاديك تاع الكونجيات اي ماكانش مناسبة لكن معظم الاساتذة فقط يحبو يديو كونجي وراء العطلة مباشرة باه يربحوها وقت بزاف

انا اني حاكم استخلاف مدة 24 يوم

و هاديك لي قتلك كاين استخلاف تاع شهر في نفس التانوية لي فيها انا ـ ها هو التلفون تاعهم 037273591 لكان يهمك الامر ازربي اتصلي بيهم و قوليلهم بلي حابة تحكمي و مباعد يسهل ربي ، و باش تزيدي تعرفي مليح هاد التانوية ام يقولولها التيكنيكوم (بكري كانت متقنة ) و اي جاية في الخرجة تاع واد الزناتي طريق صباط
بالتوفيق نشا الله

[بيلسان91]

المشاركة الأصلية كتبت بواسطة Adnou Eclypse

صباخ الخير آ بيلسان ـ هاديك تاع الكونجيات اي ماكانش مناسبة لكن معظم الاساتذة فقط يحبو يديو كونجي وراء العطلة مباشرة باه يربحوها وقت بزاف

انا اني حاكم استخلاف مدة 24 يوم

و هاديك لي قتلك كاين استخلاف تاع شهر في نفس التانوية لي فيها انا ـ ها هو التلفون تاعهم 037273591 لكان يهمك الامر ازربي اتصلي بيهم و قوليلهم بلي حابة تحكمي و مباعد يسهل ربي ، و باش تزيدي تعرفي مليح هاد التانوية ام يقولولها التيكنيكوم (بكري كانت متقنة ) و اي جاية في الخرجة تاع واد الزناتي طريق صباط
بالتوفيق نشا الله

بقيت نسنا البارح فاليل ترجعلي
وانا درك وين شفت جوابك دك نهز التلفون ونعيط ونشوف وش يقولولي
بصح محيرتني حاجة زوز اساتدة تاع فرنسية داو كونجي مع بعضاعم

[بيلسان91]

اني عيطتلهم
هزو عليا وواحد مهدر معايا نسمع غير فصوت يخشخش