زيت الضرو

[kosrah]

السلام عليكم اخواتي قلت ملي تكون حاجة مفيدة ومجربة لولادنا نقلهالكم تعرف في هذا الفصل الاولاد مساكن يمرضوا بزاف بصدورهم وعن تجربة ولد سلفتي مسكين ديما مريض بصدرو وديما عند الطبة الله يعافي كل ولادنا ويحفضهم يا رب قالها الطبيب يعطيه الصحة علي زيت الضرو الاصلي راهم يجيبوه من الصحراء وتشربلو مغرفة صغيرة تاع قهوة كل ليلة قبل ما يرقد وتدهنلو شوية في صدرو والليوم الحمد الله راهو رتاح بصح لازم الاصلي يكون واحد ثقة ليجيبو مفيد جدا حتي ومحبش بنك يشربو خلطيلو شوية عسل حر باه يجيه حلو علبالك بلي الاولاد يشتيو الحاجة الحلوة ربي يشفي كل اولادنا ان شاء الله ويسر علي امهاتنا تربيتهم امين يا رب

[ام ياسمين10]

مشكورة اختى على المعلومة
وانا نزيدك معلومة على زيت الضرو الاصلى هو ضربة بضربة للحروق واثارها وليد طفلتى تحرق من ذراعو كاملة وعيات تدى فيه للاطباء ومرة نصحتها بيه فرماسيان وصات عليه ودارتهولو اكثر من مرة حتى ارتاح واختفت الاثار

[*أم جابر*]

بارك الله فيك اختي و الله انا شيخي عايش غير بيها ما كنتش عارفة بلي الصغار ثاني نمدولهم جزاك الله خيرا

[kosrah]

وفيكم بركة اخوتي ان شاء الله نستفادوا كامل من تجاربنا وهكذا نكملوا بعضانا وكل وحدة عندها معلومة متاكدة منها تمدهانا هذوا راهم ولادنا فلذة اكبادنا مذابنا حاجة متقيسهم وربي يحفظ كل الاولاد

[إكليل]

شكرا اختي بارك الله فيك على النصيحة.

[أم أمين2007]

بارك الله فيك
لكن من فضلك كم عمر الطفل وهل يمكن اعطاؤه للرضع

[kosrah]

حبيبتي الرضيع مزال صغير بثح رايحة نسقسي سلفتي وكتا بدات لبنها وغدوة ردلك الخبر تحياتي

[ام تقوى 2009]

انا ثاني تنفع اولادي كثييييرا