السلام عليكم ورحمة الله اخواتي
كيف الحال اتمنى من الله ان تكونوا كلكم بخير
لا اطيل عليكم وانا اتصفح المنتدى لفت انتباهي اخت تطلب طريقه تحضير الغريبية بالكاوكاو على شكل هلال ولو ان الموضوع قديم قلت نحط الطريقه ممكن تفيد الاخت هي مجربة على ضمانتي وتجيك تهبل خسارة ما قريتس الموضوع في وقتو اعذروني والله الخدمه وما نقدرش ندخل في كل الاوقات
اليكم المقادير
3كيلات كاوكاو محمر مليح ومرحي
2كيلات فرينة
كاس سكر قلاصي
وسمن باش تلمي لعجينة
وبياض البيض للدهن
الطريقه
نخلط جميع المقادي
كاوكاو + فرينة+سكر قلاصي ونلم الكل بالسمن اؤكد لكم السمن غير دايب كيما نشريه نلم بيه برك الخليط تصبح عندي عجينة نطرحها ونقصها بطابع متوسط تاع صابلي هلالات سمك 1سم تقريبا يكون السمك مرتفع شويه ندهنهم بابض البيض ونذري فوقهم الكاوكاو مرحي ندخلهم الفرن مسخن مسبقا على درجة 160 حوالي 20 دقيقة ونحمرهم من فوق الغرض ان ابيض البيض يصبح لونه ذهبي محمر بعد ذلك نخرجها تبرد وشهية طيبة والله تجي تهبل احسن من الي تباع على ضمااااانتي يا اخواتي والضامن ربي سبحانه جربوها وردولييييييييييييييييييي ماراح تندموا ارجو الدعاء فقط في رعاية الله بالتوفيق دايما لمنتدانا المحبوب والنجاح ومن تريد اي كيفية تحطها بلاكش نعرفها لخاطرش راني نعرف بزاف للقاطو نحن هنا نفيد ونستفيد سلالالالالالالالالالالام[
( تقرير عن مشاركة سيئة )، و الموجودة أسفل كل مشاركة .
2012-10-05, 20:51
الى الاخت التي طلبت غريبية لهلال بالكاوكاو تفضلي
العرض الشجري