مساااااااااعدة من فضلكم

rasha holwa · 2014-12-28, 22:00

السلام عليكم لبنات كيفكم ان شاء الله تكونو بخير
تمنيت فقط منكم مساعدة في خصوص كيفية طبخ السلق انا مبتدئة و نحوس على الطريقة بالتفصيل مين نشريه و كيفاش نقطعه و نطيبه و شكراااااااااا على كل ما تقدمونه من تفاصيل حول دروس للطبخ ربي يجازيكم و يحفظكم.

*وردة الشرق* · 2014-12-28, 22:15

مرحبا بك اختي العزيزة شوفي جيبي السلق ديالك بلاما تفتحيه من الربطة تاعو حطيه في بسينة معمرة ماء وغشليه مليح 3 مرات في كل مرة تبدلي الماء ومبعد فكيه منرالربطة زيدي عاودي غسليه مليح لانو فيه اتربة بزاف ومبعد حطي الماء في القدر يغلي وجيبي كسكاس وحطي السلق فيه ما تخافيش ادا ما دارش عمدما يقيسو السخانة رايح يدبال زيدي حطي الي بقالك غطيه ملفوق بكيس نايلون غدائي وحطي الغطاء للكسكاس عندما يطيل رايحة تلقاي الاغصان تاعو طرية بالبزاف
بعدما يطيب قصيه رقيق اكيد بعدما تقصي الاغصان الاولين نحي حوالي 3سم حطيه في كسكاس خليه يقطر بلاما تعصريه
جيبي مقلة قلي البصل والتوم السلق يحب التوم داوي بالتوابل خاصة الفلفل العكري والكمون انا نضيف ملعقة صغيرة من الطماطم المصبرة خلي كلش يتقلى شوية ضفي السلق تاعك غطيه خليه يطيب 15 دقيقة ونسيت نقواك ما تكتريش الملح لانو السلق في حد داتو فيه الاملاح وراهو يجي بنين بزيت زيتون
انشاء الله تكوني فهمتيني راني يرحتلك كلش بالتفصيل وسنايني غدا ان شاء الله لا خب ربي نحطو في المنتدى بطريقة اخرى
بالتوفيق

*عاشقة الجنة* · 2014-12-28, 22:23

الاخت زينب عملت الواجب
ربي يعطيك ما تتمناي اختي لعزيزة

زيدي شوفي اختي الموضوع هذا
https://www.djelfa.info/vb/showthread.php?t=1722033

rasha holwa · 2014-12-28, 22:34

ربي يخليكم و يحفظكم شكرا ليك اختي زينب66 خلاص فهمت ان شاء الله ربي يكملك ماراكي متمنية شكراااااااااااااا

و اختي عاشقة الجنة شكراااااااااااا بزاف ربي خليك