يوم حزين

[انغام المنى]

السلام عليكم
حبيت نحكيلكم علي يومي التعيس 18.12.2014
علي 6:10 دقيايق دخل زوجي يدوش واذا بالما السخون يسيح عليه انا ماكنتش معاه سمعتو يعيط خرجت عندو لقيت راقد في الهو راقد ويعيط تحرقت تحرقت ونارحت نجري نصب عليه في الما. ونبعد جبتلو سطل حط رجليه فيه وانا هكذاك لقيت خوه وزوجتو طلعو يجرو كي سمعوه من بعد رحت جبت شويه حمص و جلبانة كنت مجمدتهم وحطتهملو انا وزوجت خوه علي رجليه وحنا هكذاكطلعت جوزتي واخواتو البنات وانا غير نبكي. ومن بعد اتصلت باخي باش يديه المستشفي وزوجي غير يتوجع ويقشر في الحرق. ومن بعد جا بسيارة وجاة معاه ماما ومن بعد خرج راجلي بالحفاة الي المستشفي واش تقطع قلبي عليه. قعد ساعة ونص وهو نتم وكي روح با دا الغاشي يتلم الي سمعو وانا مع الضيوف حتي9 تاع الليل لمزية معايا اخت زوجي المهم الحمد لله علي كل حال قدر ولطف والن هو راقد ورجليه فوق مخدة ربي يشفيه ويخليه لينا
ادعولو يشفي وما يبقي حتي اثر كثرت عليكم بصح حبيت نفرغ قلبي ونستعد ليوم شاق اخر ومع السلامة