حيرانة

[مشكلتي]

ارجوكم ساعدوني راني في حيرة كبيرة محتاجة نصائح انا عرفت واحد من ولاية اخرى وحبيتو 7 سنين انا وياه جا خطبني ودرك عندنا تقريب عام ومبقلناش نديرو العقد mais ديما نخمم نبطل هو عايش في دائرة بعيدة على ولايتو وظروفو المادية صعيبة خابفة نعاني ومنقدرش نعيش لميزيرية وزيد بعيد على دارنا ومنيش قادرة نخليه وهو تاني عايشة في حالة تناقض بغيتو وحابة نعيش معاه mais مانيش قادرة على ظروفو

[chandgoura]

يا لالة سبع سنين وضرك باش فقتي بظروفه الصعبة ماينا ماينا

مش قادرة تبعدي عن داركم علاش تحكي معاه

كي جا ضرب الضح وهو الزواج بدلتي رايك يسما كنت تجوزي في الوقت وقتك ووقته

سبع سنين راها عمر وشبيك

جامي فكرتي المستقبل كداير؟

اذا ماكيش قادرة تبني معاه اسرة خليه خير من بعد تولوا في طلاق ومشاكل

هذا راه زواج مش لعب وحب وحده مش يكفي

وفي رايي تشاوري والدتك تخبرك افضل

الله يعينو

[ouissamak]

عجيب امرك يا هذه سامحيني فقط على جراتي ولكن
ماحشمتيش وهدرتي هاذ الهدرة علاش مالا روحتي سبع سنين من عمر الراجل باش جاك التخمام على هاذ الشي
لوكان خليتيه يحوس على بنت الفاميليا لتتزوجو لشخصو وتامن باللي الرزق في يد الله تعالى
ربي يهديك

[لمسة L]

ربي يهديك ياختي

[محمد جديدي التبسي]

اول مرة نشوف فتاة تفوت في الوقت مع الرجل مالفين نشوفو العكس؟!!
يبدو انك تريدين التغيير و سبع سنين خلاتك تحفظي الرجل وماعادش كاين سوسبانس واي شيء مخفي فيه
نصيحة من الاخر ما تخمميش في الماديات طول
الرجل جاء خطبك وقريب تعقدو كملو واذا فيها خير ربي يكملها

[nilly]

ماتقلقيش روحك وماتدريش حاجة تندمي عليها

ماتنقعيش روحك باسباب وهمية كيما البعد عليكي ويسكن في ولاية اخرى و ظروفنتاعه ....

لو كان جيتي تحبيه راح تقبلي بيه حتى لو كان جا متسول كل هده الاسباب درتيها باه مايقولوش عليكي ناس ماشي مليحة

يااختي ماتشوفيش المجتمع واقاويل نتاعه كل واحد حر بحياته ولا باه يرضاو عليك ناس فلازم هما ليخيرك كيفاش تعيشي
انتي ندمتي وهدا باين وهدا شي عادي يصرا بزاف وماشي معنتها انك ماشي مليحة كل انسان معرض لندم

كي عاد ندمتي خلاص متكمليش معاه بصح افهميه بطريقة مليحة باهميدعيلكش ويوكل عليك ربي او ادا كان انسان حقير. سوفينتقم منك

املا لازم تقولي لاهلك قبل بلي فكرتي مليح ولقيته ماشي مناسب وهكداراح يتدخله اهلك خير

[kazilo]

كان عليك التفكير من الاول درك ما عليك سوى صلاة الاستخارة

[abad100]

المشاركة الأصلية كتبت بواسطة مشكلتي

ارجوكم ساعدوني راني في حيرة كبيرة محتاجة نصائح انا عرفت واحد من ولاية اخرى وحبيتو 7 سنين انا وياه جا خطبني ودرك عندنا تقريب عام ومبقلناش نديرو العقد mais ديما نخمم نبطل هو عايش في دائرة بعيدة على ولايتو وظروفو المادية صعيبة خابفة نعاني ومنقدرش نعيش لميزيرية وزيد بعيد على دارنا ومنيش قادرة نخليه وهو تاني عايشة في حالة تناقض بغيتو وحابة نعيش معاه mais مانيش قادرة على ظروفو

سلام لم الحيرة كيف تعرفتي بشخص من ولاية اخرى وكيف حبيتيه 7سنين اين انت 7سنين الناس بنات بيوت وانت قاعدى تحبي واشنو هذا الحب انا نعرف الحب يحي من بعد العشرة و التعايش ماشي شفتك اعجبتيني انحبك ما كانش منو الامر هذا انت وهو الاثنين ضالمين يجب وضع النقاط على الحروف اما واما وفي كلتا الحالتين ستكونون بخير اما بقاء الوضع على ما هو عليه فانتم ساءرون الى الهاوية يا اخت نحن لا نامن بحب 7سنين لو اكن احبك بصدق لعرف انك بنت ناس واحترمك واهلك ونضر الى الامام هو لم يحبك وان كان احبك فهي نزوة في ضني انت قلت انحياته صعبة لو يتغير الحال هل تضمنين ان لن يغيرك في ناس متزوجين7سنين واتغيروا بسبب تغير الحال وانت تقولي اتحبو بعض انا مانضنش انو يبقى يحبك بنفس القوة يا حيرانك احترمي واقعنا واهلك واستشيري على الاقل امك انا شاب و لا اقبل ان تتعلق بي فتاة و لو عام فكيف له ان يضيع عليك 7 سنين وامر اخر كم عمرك وهل انت مستعدة للانتضار ابتعدي قبل فوات الاوان عيشي الواقع هي تسلية بينك وبينه وانت الخاسر الاكبر
نفس الامر يعاد ولا نعتبر منه

[لحن الحياة.]

عالم غريب......

[naamane3]

كيما قال الاخ من قبل صلي استخارة
باش تبان الطريق ومن بعد قرري واش تديري
لكن هذه المرة في مرضاة الله

[NAWEL44]

الاخت اسمحيلي لكن انا نعرف بلي الحب مايوقفوش في طريقو الماديات لشيء بسيط الرزق على ربي المهم او يحبك و اخلاقو و دينو و رجوليه هاذو كامل يجيبولك واش تحبي و زيد عمدك سبع سنين معاه كيف يعقل و قادرة عادي تبعدي انا نظن محبيتيهش كنت تتوهمي انك تحبيه لانك لو حبيتيه عمرها ما تخرج من فمك كلمة نبعد

[*غزلان *]

ختي عاودي طلعي حساباتك وخممي مليح لوكان تحبيه صح ما تجيكش فكرة كيما هادي يا لوكان عندك شهر مع بعض وين 7 سنين يا لحبيبة يقولها غير الفم

إتوكلي على ربي وما تشوفش للماديات ما ينفع غير الصح

والخير فيما إختاره الله

[m.fatii]

راكي تقولي حبيتيه 7سنين....alors impossible تغدري تعيشي بلا بيه راكم nomalement حكيتو على كل اسراركم وليتو جزء واحد. و تعلقتو ببعضكم... مادام فكرتي باه تخليه انا تبالي ماحبيتيهش ...
نصيحة اولا صلي صلاة الاستخارة ...ثانيا الا عاد الراجل عندو اخلاق و متدين و يحبك و طالب لحلال ما تشوفيش لدراهمو الرزق على ربي ... و ساعديه بافكارك باه يحسن الوضع نتاعو.... واذا حاسة روحك نادمة وكنت في نزوة عابرة و غلطتي يمالا صارحيه واطلبي منو السماح خيرمن تجيبي ولاد وتولي في الطلاق لكن حاولي تفهميه بلي ليوم خيرمن نهار اخر....ولاااااااااااااازم الاستخارة و تشاوري الام نتاعك و تصارحيها بكل شيء هي لي تعرفك و تفهمك وهي لي تشجعك باه تكملي معاه ولا تتفارقو احسن.

[~ السلطانة ~]

صح بعد 7 سنوات الوحدة تكبر و تولي تخمم مليح و هذه هي النتيجة هو للي غالط خلاك 7 سنوات عليه تحمل النتائج ...
كي تروحي ليه عيشي حياتك عادي اذا كان يحبك راح يجتهد على جالك و يوفرلك ابسط طلباتك و اذا كان العكس حتى هو ساعتها راح يخمم يخليك ...
خمي مليح ... اذا ما تقدريش ما تقدريش واحد ما يقدر يحتم عليك

[ولد حمد الباتني]

لوكان خممتيلها قبل 8 سنين